HOSEA 2:4 - Ngawm Bible

^4-5 A ca tei lak hei ah hehpihnak nei tuk mang, amuhte cu zakca thei ngawl numei pha ngawl i cate haw poh. A nu haw in, “Ka lawmpa i lakah hawh tung, tui le an, tuumul le puan ngo, olif thau le sabittui pia tuk poh,” tin tita laih hi.

HOSEA 2:4 Iomraidhean Croise

2 KUMPI 9:22

Joram in “Thupha in hung cim maw?” tin Jehu cu dong hi. Jehu in, “Na nu Jezebel i tawpatmi milim biaknak le polsia lennak tuah a ngamsung uh a dim sung cu i thupha kaw a um theih tuk?” tin don hi.

ISAIAH 27:11

Thingkangte ko in, ek khawng hangin numei ten tuahthingin com haw hi. Itahim titale mihing ten imah a theihtup haw ngawl hangin amuhte semsuahtu Pathian in, a hum hawah lainatnak le hehpihnak neileh tukma toh hi.

ISAIAH 50:1

Topa in, “Mi pa khatin, a zi a maak bangin ka mite hi maak bok tukin maw na ngaih sut uh? Mahti bang ahi tale ka maaknak lai ilai ah kaw? Mi pa khatin, a canote salah a zuak bangin, ngal matnakah zuakin maw na ngaihsut uh? Mah kha ma hi. Nangmu sualnak hangin ngalmatmi hi uh ci! Thil sual na bawl uh hangin hawlvawkmi hi uh ci.

ISAIAH 57:3

Misualte, na thu uh khen tukin hilai ah hung un hi. Mipolte, pasal ang sung pen lungmu dang nei le numei pha ngawlte sangin pha saw cuang ma uh ci.

JEREMIAH 13:14

upa naupang ti ngawlin pa khat nung pa khat sabit beel bangin vatkeh khawng tung. Itnak, lainatnak, hehpihnak um ngawlin that tung. Imah in kham zo tukma,” ti hi.

JEREMIAH 16:5

“Mithi ngaihnak innah tum pahsun. Kuamah thasiat pih pahsun. Ka mite cu lemdaihnak tuah thupha pialeh tukma toh ing. A hum hawah hehpihnak le lainatnak vang neileh tukma toh ing.

EZEKIEL 23:25

Na humah ka thin a uk hangin, thinukin nangmah siatsuahtik tung hi. Na naal talhsak haw tuk, na beng ahsak haw tuk, na canote vang that haw tuk hi. Hi zuh hi, na canu le capate sut haw tuk a, nungcungin mei ah haal haw tuk hi.

EZEKIEL 8:18

Ka thinuknak nase zetin thuak haw tuk hi. Kuamah khawih tuk mang, hehpih tuk mang. Ka lakah a aw neih tawp haw tuah thungenin, au haw tuk naven theihsak tuk mang,” ti hi.

EZEKIEL 9:10

A hum hawah hehpihnak nei tuk mang. Midang tei humah a bawl haw bangbokin, a hum hawah bawl tung,” ti hi.

HOSEA 1:2

Topa in, Hosea hum tawnin Israel tei lakah thu a hilh ten a masabelin, Hosea lakah zi huai inna, muantak ngawl zi a hih hangin na cate vang a nu sun haw tuk hi. Ka miphun ten zamsanin, numei pha ngawl phunah cang zo haw tin hilh hi.

HOSEA 1:6

Gomer in ca nihnak nei in, canuno hi. Topa in, Hosea lakah, “A min cu ‘Lo-Ruhamah,’ tin sa in hi. Itahim titale Israel mite cu ka ihnak le ka ngaihdamnak lakleh tukma toh ing.

HOSEA 5:7

Topa mai ah muantak ngawlmi cang zo haw in, a cate vang Topa ta hileh haw ma toh hi. Mah hangin a ngam haw cu siatsuah paih tuk hi.

ZEKHARIAH 1:12

Mahten vancungmi in, “Cungnungbel Topa, Jerusalem le Judah khuapi a dang tei humah kum sawm salih sung na thinuk zo ci. A hum hawah hehpihnak na neih theih laih ngawl sung, itih can tiang kaw a cim hih haw tuk?” tin dong haw hi.

JOHAN 8:41

Nohte cu na pa uh i bawlmi bangin bawlbok uh ci,” tin don hi. Amuh ten, “Kohte cu casawn hi kha ma si ung. Kohten Pa, pa khat nei ung a, Pathian amah khi hi,” tin don haw hi.

ROM Khua Khristian Tei Lakah Paul i Laikuat (Paul’s Letter to the Romans) 11:22

Hilai ah Pathian cu hehpihnak neizet naven a thu cu khohzet leleng hi tih cu mu ung. A lum le bahtu tei lakah, a thu cu khohzet naven nohtei lakah hehpihnak neizet hi. Mah hehpihnak sungah na um leleng uh tale hehpih leleng tuk hi; mahnaven na um leleng uh ma tale ehtuahmi hi bok tuk uh ci.

ROM Khua Khristian Tei Lakah Paul i Laikuat (Paul’s Letter to the Romans) 9:18

Mah hangin Pathian in, a nuammi hehpihin, thin a khohtik nuammi khohtik hi.

JAMES 2:13

Mi hehpihnak a nei ngawlmi cu Pathian in, a thu a son ten a humah hehpihnak neileh bok tukma hi, mahnaven thukhennak cu hehpihnakin neh hi.