HOSEA 2:3 - Ngawm Bible

³ A tawp ma tale, a nu i pum sung pen a hin laih a, thacang a hih bangin a van silhte duk tung. Lei ko le ngam ko bangin bawl tung a, dangdumin thi tuk hi.

HOSEA 2:3 Iomraidhean Croise

SUAHTULNAK 17:3

Mahnaven mipi a dangdum leita haw hangin Moses hauhpih leng haw hi. “Ita Izipt ngam pen tulpih li cim? Keimuh le ka casuante, ka ngan uh tianin dangdumin thihtik khawng tuk na deih hangin maw i kaw?” tin ti haw hi.

ISAIAH 33:9

A ngam haw cu kua ma bun ngawl thacangin, khing diudeu thong hi. Lebanon ngam a tupite cu thim khawngin Sharon munlawn ngamphazet cu phillawn ngam bangin cang thong hi. Bashan ngam le Karmel mual a thingkungte cu a ceh lei ah zuk khawng hi.

ISAIAH 47:3

Nepsukmi le zakca in, pumpi thacang tuah a ummi salnu bang hi ci. Miten mu haw tuk toh. Na humah phu la tung a, kuamah in kham thei haw tukma,” ti hi.

ISAIAH 64:10

Na khua thiangthote cu phillawn ngamko in cang zo haw toh a, Jerusalem ngam cu buakvawk khawmnak mun le ngamin cang zo toh hi.

JEREMIAH 12:10

Ngamdang uktu ten ka sabit huan siatsuah khawng haw hi. Ka lo ngam cilpek khawngin, a deih awh zetmi ka ngam cu, phillawnin suaktik haw hi.

JEREMIAH 13:22

Itakaw hitih bang thil ka humah a hen? Itakaw ka puante bawhkek sak khawngin, a sualpih haw? na ti tale na sual leita hangin hi!

JEREMIAH 13:26

Topa amah loli in, na puan uh duhsak khawng tuk a, pumpi thacang, zahcak mualpho in umtik tuk hi.

JEREMIAH 14:3

Mihau ten tuicawi tukin a silate hah haw hi. Tuikhukah hawh haw naven tui umma. A tuibing haw tuah thacangin kikleh haw hi. Thasia amthongin um haw hi.

JEREMIAH 17:6

Amah cu phillawn a po mi sawlbawk bang hi. Ngamko le ngamkhing lei alnak ngam, imah a po thei ngawlnak sawlbawk bang hi. A lakah thilpha imah heng awng ma hi.

JEREMIAH 2:31

Maw Israel mite, ka hilhmi ngai hem un! Noh tei ca in phillawn ngamko bang le ngam thim le ngam lauhuai bang ing maw? Itakaw, “Suakca ung a, keimu nuam bangin nung tuk hung, na lakah kik tukma ung” tin na tih uh.

JEREMIAH 2:6

Keimah simsial viang haw ma, suahtultu Pathian ti awng haw ma; Izipt ngamsung pen suahtul ing, hampa lak pen lamhuai ing; Phillawn ngam le phil khuk thukmi ngamko le a lauhuaimi ngam, kuamah i hawh ngawlnak le um awng ngawlnak ngamsung pen lampui li naveng kinmawh kha haw ma.

JEREMIAH 22:6

Keima ca in kumpi inn cu Gilead ngam le Lebanon mual bangin mawi hi. Mahnaven kua mah i um nuam ngawlnak mun khingin bawl tung hi.

JEREMIAH 4:26

Ngamphazet cu philnel ngamin cang khawng zo. Topa i thinuknak hangin, a khuapi haw cu sia khawngta hi.

JEREMIAH 51:43

Khua dangte cu zoh nah ngawlmi khua suakin, kuamah i um nuam ngawlnak, cawlh vut tuk hei nuam ngawlmi, phillawn ngamko in suakta hi.

JEREMIAH 51:5

Israel tei mi thiangtho keima humah sual zo haw naven Topa Cungnungbel Pathian keimah in Israel le Judah mite cu nunghek ma laih ing.

EZEKIEL 16:22

Numei pha ngawl ningdelhhuai in, na um lih sungin thacangin thisan lakah na pel lih laih ngaisung awng cim? tin,” ti hi.

EZEKIEL 19:13

Atu-in, ngamko le tui um ngawlnakah, phillawnah cing haw hi.

HOSEA 13:15

Israel cu phai kung bangin a phazet hei in phillawn pen nisuahnak lam huih theutik tung a, a tuiput le tuikhuk kangtik khawng tung hi. A na manpha hempoh sia khawng tuk hi.

HOSEA 2:10

A van silhte duk khawngin, a ngaihmi a lawmpa i mai ah thacang kawngkolhin, umtik tung. Ka khut sung pen kuamah in pan thei haw tukma hi.

MANGMUHNAK 17:16

Ki sawm khat na muhmi le sahang ten numei pha ngawl cu hua haw tuk hi. A neihmi thil hempoh lonsak haw tuk a, thacangin zam haw tuk hi. A cik ei haw tuk a, mei tuah halkang haw tuk hi.

THUKHENTUTE 15:18

Samson cu a dangdum zetin Topa sam hi. “Topa aw, na salpa kei hi ngalnehnak ngengpi pia zo ci. Tu hi dangdumin thi awn toh ing, hi tin maw dangdumin thi in, vuncep tan ngawl Filistin miten a mat haw tuk?” tin au hi.