HOSEA 2:2 - Ngawm Bible

² Ka cate aw, na nu uh thusonpih un, amah cu ka zi kha ngawltohin, kei vang a pasal ka hih ngawl toh hangin pano dang tuah a sualnak le numei pha ngawl a hihnak pen tawp tukin hilh un.

HOSEA 2:2 Iomraidhean Croise

ISAIAH 11:12

Topa in, a alan dangto tuk a, Israel le Judah mi khen khekte cu leimawk ningli pen khawmleh tung, tih langtiknakin miphun tampi tei lakah limlak tuk hi.

ISAIAH 50:1

Topa in, “Mi pa khatin, a zi a maak bangin ka mite hi maak bok tukin maw na ngaih sut uh? Mahti bang ahi tale ka maaknak lai ilai ah kaw? Mi pa khatin, a canote salah a zuak bangin, ngal matnakah zuakin maw na ngaihsut uh? Mah kha ma hi. Nangmu sualnak hangin ngalmatmi hi uh ci! Thil sual na bawl uh hangin hawlvawkmi hi uh ci.

ISAIAH 58:1

Topa in, “Nging zetin au un hi! Na aw neih hempoh uh tuah au un! Israel ka mihing tei lakah a sualdan haw hilh un.

JEREMIAH 19:3

Topa in, hi bangin hilhin ti hi. “Judah kumpite le Jerusalem mite, Cungnungbel Topa Israel Pathian keima hilhmi hi ngai hem un! Hi munah siatsuahnak nasezet hengtik tung a, a theitu hempoh lamdangsazet haw tuk hi.

JEREMIAH 2:2

Jerusalem khuasung a ummi hempoh lakah a nuailam bangin hilhin ti hi. “Khangno na hih laihin muantak na hih zia le a huaidun sem uh laih a, na itnak cu cing leleng ing. Phillawnah zui in, kuamah i bun awng ngawlmi ngamah zui ci.

JEREMIAH 3:1

Topa in, “Mi pa khat cu a zi ma in, mah nu in, pano dang a pasal nungten mah nu cu a zi in mangleh ni maw? A mangleh tale, a ngam haw nawngkaitik khawng hi. Mahnaven Israel, nangin deihtu tampi na neih nungten ka lakah kikleh nuam ci.

JEREMIAH 3:13

Topa na Pathian lakah sual zo toh navecin, amah na donakte a ciangno in, phuang vanglakin hi. Ka thukhamte zui ngawlin thingcam nuai hempoh ah ngamdang tei khawhuai biakmi na ngaihnak thu phuang khawngta pohin hi. Keimah, Topa in hilh zo toh ing tin,” ti hi.

JEREMIAH 3:18

Israel in Judah cu khawmin, sal a tannak haw mun saklam ngam pen mun khatin, na pu le pa tei lakah kumkhua ca in, ka piakmi ngamah kikleh haw tuk,” tin ti hi.

EZEKIEL 16:20

“Mahten canu le capa na hinsakmite cu la in, milim lakah biakpiaknakin mang ci. Ka ca in muantak ngawlin na um hi nasezet zo toh ma maw?

EZEKIEL 16:25

Na mawinak cu cinciak lakah kai ci. A hungmi hempoh tei lakah na taksa pia in, a ni a ni-in, numei pha ngawl nadehah nim dedeuh ci.

EZEKIEL 20:4

“Mihing pa, Ezekiel aw, a hum hawah thukhennak soncat tukin mansa in um cim maw? Na mansa ahi tale bawl nawmin hi. A pa haw ten ningdelhhuai a bawl haw mi hi theitikin hi.

EZEKIEL 23:43

Ka lungmu sungno in, nupa sualnak bawlin a cawl dikdekmi numei nu cu a man lih haw mi a numei pha ngawl leleng hi, ti ing.

EZEKIEL 23:45

Midikcang ten hi numeite cu angkawm sualnak a bawl haw mi le mi a thah haw hangin lawl haw tuk hi. Itahim titale nupa sualnak bawl leleng haw in, a khut haw vang thisan bang,” ti hi.

HOSEA 1:2

Topa in, Hosea hum tawnin Israel tei lakah thu a hilh ten a masabelin, Hosea lakah zi huai inna, muantak ngawl zi a hih hangin na cate vang a nu sun haw tuk hi. Ka miphun ten zamsanin, numei pha ngawl phunah cang zo haw tin hilh hi.

HOSEA 2:1

Mah hangin na unau Israel mite cu “Pathian mihing” tih le “Topa i Deihmi,” tin sam un.

HOSEA 4:5

A sun a zanin sualnak bawl pawpawh uh ci a, profet vang nangmuh sangin pha saw cuang haw ma. Na nu uh Israel cu siatsuah tung.

MIKAH 2:13

Pathian in lampi sialleh tukin salah a tannak mun haw pen puitulleh tuk hi. Khuapi kongkhahte cu kalhletin tul haw tuk hi. A kumpi haw Topa amah loli in tulpih tuk hi.

2 KORIN 5:16

Atu-in mihing hihnak zo in kuamah in thuson lehma toh hung hi. Hun kha khatah Khrih cu mihing hihnak zo in, a thu son nave ung, atu-in sonleh ma toh ung hi.