HOSEA 13:1 - Ngawm Bible

¹ Nidang laihin, Efraim mi a ot haw ten Israel hinnam dang ten lauzet haw hi. Mahnaven Baal pathian biaknak tuah a sual haw hangin thi haw tuk hi.

HOSEA 13:1 Iomraidhean Croise

PIANPATNAK 2:17

Mahnaven, sia le pha khen theihnak thingngah cu ei viang pahsun; na ei tale na eih ni mamahin thicop tuk ci,” tin hilh hi.

1 KUMPI 12:25

Israel kumpi Jeroboam in Efraim mualhum ngam a, um Shekhem khuapi cu kulhtian tiangin mahlai ah hun demno sung um hi. Mahnung ten mahlai pen tulin Penuel khuapi kulhtian tiangleh hi.

JOB Laibu (The Book of Job) 29:21

Midang tei lakah ngaihsutnak ka piak ten mengdenin ka thu cu ngai haw hi.

JOB Laibu (The Book of Job) 29:22

Ka hilh celh ten kam khat hei el tuk le bet tuk hei nei haw ma. Ka otmi cu a sung hawah nguahtui bangin nimsuk hi.

THUPAUCAP 18:12

Akua hei hihen niamkhiatnak a neih laih ngawl sung zong cu maison upat piak hi tukma hi, mi uangkhote cu siatnak lampi ah um haw hi.

ISAIAH 66:2

Lei le vante cu keima semsuahmi haw hi. Lung nemmi, sihkiknak lungmu neimi le ka thu zui in, a kihca tei humah ka lungdam hi.

ISAIAH 7:8

Itahim titale Siria cu Damaskas khua sangin ngil saw cuang ma hi. Damaskas cu kumpi Rezin sang hei in, ngil saw cuang bokma hi. Israel ngam thu a son uh ahi tale atu pepan mailam kum sawm luk le kum nga sungin Israel cu khenkeh khawngin, ngam khat tih hei tak tukma toh.

HOSEA 11:2

Mahnaven ka capa tin ka sam dedeuh ten ka nel pen khua la dedeuhah pial hi. Ka miphunte cu Baal nelah biakpiaknakte pia in, milim nelah namtui haal haw hi.

HOSEA 2:10

A van silhte duk khawngin, a ngaihmi a lawmpa i mai ah thacang kawngkolhin, umtik tung. Ka khut sung pen kuamah in pan thei haw tukma hi.

HOSEA 2:8

Ama lakah an, sabit, olif thau le Baal biaknakin, a manmi sui le ngunte a piatu cu keimah ing hi tih hi thei awng ma hi.

HOSEA 8:4

“Ka miphun ten amu thuno in kumpi teng haw hi. Ka lungkimnak um ngawlin lupi tuk vang ten haw hi. A sui le ngun haw suahin, amu siatnak tuk milim bawl haw hi.

MIPUM SIALNAK 10:22

Mahceng ten Efraim alan nuai a, um hawh haw hi. Efraim hin tei hotu cu Ammihud i capa Elishama hi,

MIPUM SIALNAK 13:16

Hih hinnam hi Moses in Kanaan ngam zo tukin a hahmi haw hi. Nun capa i min Hoshea cu Joshua tin theksak hi.

LUKA 14:11

Itahim titale mah le mah a uangkho duncoptu cu mi nauta cangtik tuk hi. Lungmu niamkhiattu cu maison comi upa in cangtik tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 5:12

Sualnak cu mi pa khat i hangin leihumah hengin, mah sualnakin thihnakah henpih hi. Mah hangin thihnak cu mi hempoh lakah heng hi. Mah hangin akua abang sual khawng hi.

2 KORIN 5:14

Ka hi uh tale nangmuh hangin hi. Mi pa khat cu mi hempoh tei ai-in thi hi. Mahmi a thihnak sungah kua hempoh telin kawm bok hung hi tih theih ngah nungten Khrih i itnakin uk hi.

JOSHUA 3:7

Topain Joshua lakah, “Moses lakah ka um bang bokin, nangma lakah ka um bok thu a theihnak haw tukin, Israel mi hempoh ten tuni in, nangmah upatin le khaisang haw tuk hi.

THUKHENTUTE 12:1

Efraim mite hiamnam keng tukin samdun khawm haw a, Jordan ngun a kaltan nung haw ten Zafon ah heng haw in Jefthah lakah, “Ita Ammon mite do tukin na hawh laihin kohte zawm nuam ma kam? Na inn tuah nangmah haal tuk ung,” tin ti haw hi.

THUKHENTUTE 8:1

Efraim mite cu Gideon lakah hung haw in, “Midian do tukin na hawh ten ita keimu zawmma nge cim?” Mi simsial ngawl leita ci? tin nase zetin siat haw hi.

1 SAMUEL 15:17

Samuel in, “Nang cu imah kha mang tin ngaisung tuk navecin Israel miphun hotu hi ci. Topa, Israel kumpi in sathau thih hi.