HOSEA 12:3 - Ngawm Bible

³ A pu haw Jakob cu a u Esau tuah a nu i pum sung pen haudun sa in le a upat ten Pathian tuah vang buandun haw hi.

HOSEA 12:3 Iomraidhean Croise

PIANPATNAK 25:26

A naupa a tul ten Esau i kecawk lenlo thahin tul hi. Mah hangin a min cu Jakob sa haw hi. Jakob a suah ten Isaak cu kum sawm luk hi.

2 KUMPI 17:18

Topa cu Israel tei humah a thinukin, amuh haw ngawlnak ngamah hawlvawk hi, mah hangin Judah ngam bek khawih hi.

2 KUMPI 17:20

Topa in Israel mite cu lawl hi, bawlsia in, mi hehpihnak nei ngawl a ngal tei khutah pia hi; nungdawlbel ten amuh haw ngawlnak ngamah hawlvawk hi.

2 KUMPI 17:23

nungdawlbel ten profet a sila tei lak pen, “Bawl tung hi,” tin ngallinnak a piak bangin amuh haw ngawlnak ngamah hawlvawk hi. Israel mite cu Assiria ngamah pui khawngin, tusun tianin mahlai ah um haw laih hi.

JEREMIAH 2:9

Mah hangin Keimah, Topa in, ka mihing tei humah siatnak thuson tung. A casuan tei hum hei ah thunei tung hi.

EZEKIEL 7:3

“Israel, a hun tawpnak tuk heng zo hi. Ka thinuknak tawk tuk ci, itahim titale na thil bawlmi hangin na humah thukhennak hengtik ing. Na nuncan ningdelhhuai hangin na humah phu la tung.

EZEKIEL 7:8

“A ngei ngawlin ka thinuknak mual neihzia cu nase zetin tawk tuk uh ci. Na bawl uhmi hangin thukhennak na humah hengtik ing, ningdelhhuai na nuncan uh hangin na humah phu la tung hi.

HOSEA 4:1

Topa in, hi ngamsung a ummi tei humah lungkim ngawlnak nei hi. Israel a hilhmi hi ngai in “Hi ngam sungah itnak um ngawlin le muantak hihnak hei umma hi. Mihing ten a Pathian in koih haw ma.

HOSEA 4:9

Ka miphunte bang bokin, dantat tawk bok tuk uh ci. Thilpha ngawl na bawl uh hangin bawlsia in dantat tung hi.

AMOS 2:4

Topa in, “Judah mite a sual lelem haw hangin dantat loli tung hi. Ka thu zilhmi nautatin, ka thukhamte zui haw ma hi. A pu le pa tei biak ngawlmi pathian dang ten lampialtik haw hi.

MIKAH 6:2

Noh mual sangpite, noh kumkhua khomi leipi i tawphahte, Topa i thu cu ngai un! Topa in mihing tei humah thunei hi. Israel humah mawhsiatnak thu hilh tuk hi.

ROM Khua Khristian Tei Lakah Paul i Laikuat (Paul’s Letter to the Romans) 9:11

Mahnaven tenmi capa pa khatin Pathian i tuptahmi a kim theihnak tukin Pathian in Rebeka lakah, “A u in, a nau i na dek tuk,” ti hi. Pathian in hi thu hi amuh tei pian laih ngawlin hilh zo hi, a sia le pha a bawl haw laih ngawlin a hilhmi hi. Mah hangin Pathian in mi a tennak cu a bawl cangkimnak hangin hi saw ngawlin amah in, a sam hangin saw na hi.