HOSEA 10:3 - Ngawm Bible

³ Ngei can ngawlin hi miphun ten, Topa a lau haw ngawl hangin kumpipa in i bawlsak thei cuang tuk him?

HOSEA 10:3 Iomraidhean Croise

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

2 KUMPI 15:13

Kumpi Uzziah in, Judah ngam a uknak kum sawm thum le kum kuah kumin, Jabesh i capa Shallum cu Israel kumpi dek a, Samaria khua pen ha khat sung uk hi.

SAAM LABU 118:9

Leihum upate muan sangin, Topa muansan pha saw hi.

SAAM LABU 12:4

Amuh ten, “A awnkam uh tuah mi neh tuk hung. A kam uh hi eimuta si; akua kaw a hum uhah bawi a dek thei tuk?” ti haw hi.

ISAIAH 5:19

“Topa in bawl tung a tihmi cu manlangin bawl henna, zo tehpah nung. Israel Pathian thiangtho in, ama nuammi cu bawl tahen; a ngaihsutmi le a tuptah mite cu mu teh him po nung!”

HOSEA 10:15

Thilpha ngawl na bawl uh a tam leita hangin mahti bang bokin, noh Bethel mitei humah heng tuk hi. Ngaldonak a pat bek ten Israel kumpi cu thi tuk,” tin ti hi.

HOSEA 10:7

A kumpi haw cu tui hum a thingtum tai bangin tai vawk tuk hi.

HOSEA 11:5

Mahnaven ka nelah kikleh nuam ma hi. Mah hangin Izipt ngamah kiklehin Assiria in ukleh tuk hi.

HOSEA 13:10

Kumpi le lupi ngen nave uhcin, atu ilai ah kaw na um uh? Iti bangin kaw a pat theih haw tuk?

HOSEA 13:11

Na kumpi tuk uh thinuk thahin, pia zo naveng ka thinuk hangin la kikleh zo ing.

HOSEA 3:4

Mahti bangin Israel mite cu kumpi le hotu nei ngawl, biakpiaknak le suang khuam thiang nei ngawlin, zuk le milim nei ngawlin ngeipi um haw tuk hi.

MIKAH 4:9

Ita ngingzet kap li nge cim? Numei nauhing tuk bangin na thuak lih? Kumpi na neih ngawl toh hang maw? Thu kuppihtu na neih ngawl toh hang maw?

JOHAN 19:15

Amuh ten, “That in! That in! Thinglamteh humah thatin hi,” tin au tawtok haw hi. Pilat in, “Na kumpipa uh hi maw thinglamteh humah ka thah tuk?” tin dong lehleu hi. Thiampi upa ten, “Kohten Rom Kumpi bek nei ung,” tin ti haw hi.

1 SAMUEL 12:25

Mahnaven sualnak na bawl leleng uh tale na venghawng uhin, na kumpi uh tuah siatsuah khawng hi tuk uh ci,” ti hi.