HOSEA 10:2 - Ngawm Bible

² A lungmu haw cu mizolnak tuah dimin, a sualnak haw hangin thuak haw tuk laih hi. Pathian amah loli in, a biaklandawhte siatsuahin, a thingmungte cu vat ek khawng tuk hi.

HOSEA 10:2 Iomraidhean Croise

1 KUMPI 18:21

Elijah cu mipi mai ah dingin, “Ituk tian kaw na lungmu uh khenkhuai thei ngawlin na um hih tuk uh? Topa cu Pathian ahi tale bia un; mahnaven Baal cu Pathian hi na ti uh tale bia poh un,” ti hi. Mipi ten imah awn ngawlin meng khipkhep haw hi.

SUAHTULNAK 23:24

Mahmi tei pathian cu bia pahsuh unna, a maiah na lu uh kun pahsuh un. Amu bawl bang bawl pahsuh un. A pathian haw cu siatsuah khawng unna, a pathian suangphut cu sukeh khawng un hi.

THUPAUCAP 11:18

Mipha ngawl ten nemcuamnak ngangai tawk thei haw ma hi. Mahnaven thil man na bawl tale laksawng piak co tatak tuk ci.

ISAIAH 44:18

Mahtibang mihingte cu sil leita haw; i heng ka bawl tih hei thei haw ma. Thutak le thuman lamah a mit haw singin, a lungmu haw bing bikbek.

JEREMIAH 43:13

Izipt ngam Heliopolis a, suangphutte cu phialet khawng tuk a, Izipt pathian tei biakinn cu haal khawng tuk hi.”

EZEKIEL 14:5

Hi milim ten ka mihingte cu ka lak pen puitul haw hi. Mahnaven ka donlehnak hangin a lungmu haw pui kikleh tukin ka muansanmi hi.

HOSEA 12:11

Gilead ah Gilgal milim bia haw in, a biatu hempoh cu thi haw tuk hi. Gilgal ah khuicang tuah biakpiaknak bawl haw in, a biaknak biaklandawh haw cu hampa lak suangsehin cang tuk ti hi.

HOSEA 13:16

Pathian a langpang hangin Samaria cu dantatnak tawk tuk hi. A mihingte cu ngal tei khutah thi khawng haw tuk hi. A canote cu lei ah seh hup tawk haw tuk a, naupai hempoh cu a pum haw ahkeh tawk haw tuk tin,” ti hi.

HOSEA 3:4

Mahti bangin Israel mite cu kumpi le hotu nei ngawl, biakpiaknak le suang khuam thiang nei ngawlin, zuk le milim nei ngawlin ngeipi um haw tuk hi.

HOSEA 7:8

Topa in, Israel cu a lang khat bek a minmi cangho tuah bangve hi. A elkim haw a, miphun dangte muansan haw hi.

THIAMPI NADEHNAK 26:30

Mualhum a, na sak uhmi biakinn cu siatsuah khawng tung; namtui na halnak uh biaklandawh vang phelet khawng tung a, na milim uh a lummi tei humah na luang uhte vawk tung hi. Ningdelhhuai hi tuk uh ci,

MIKAH 5:13

Na milim uh le na biak lih uhmi suangphutte siatsuah khawng tung. Nangmuh bawlcawmmi cu ituk mahten bia toh pahsuh un.

ZEFANIAH 1:5

Inn humah kaito in ni, hade le aksi a biatute cu siatsuah khawng tung hi. Keimah a biatu le ka min suangin, tiamdunnak bawltu hi haw naven Milkom min tuah tiamdunnak a bawltu cu siatsuah tung hi.

ZEKHARIAH 13:2

Mah hun ten hi ngam milim tei min cu phiatvawk khawng tung a, kuamah in cing haw tukma toh hi. Profet ing tin, a titu hempoh cu lawl khawng tung a, milim biak nuamnak lungmu vang laksak khawng tung.

MATTHAI 6:24

Mi pa khat cu bawi pa nih i sila hi thei tukma hi. Pa khat deih tuk a, pa khat cu hua tuk hi. Pa khat lakah muantak zetin um tuk a, pa khatlam cu zawnsak tuk hi. Pathian na le sumpai na dek kawm thei tukma uh ci.

LUKA 16:13

“Mi pa khat cu bawi pa nih i sal hi thei ma hi; pa khat hua in pa khat it tuk hi. Pa khat lakah muanhuai in nung tuk a, pa khat saw cu nautat tuk hi. Pathian i na le sumpai na cu dek langkhat thei tukma uh ci,” ti hi.

JAMES 4:4

Muantak ngawl mihingte leipi tuah ngualcam pha na hih uh cu Pathian tuah ngaldunnak hi tih thei ma uh cim? A kuakua hei in, leipi tuah a komduntu cu Pathian i ngalin, a bawlcopmi hi.

1 JOHAN 2:15

Hi leihum le a sung a nate hi deih pahsuh un; hi leihum na deih uh tale Pathian itnak nei ma uh ci.

1 SAMUEL 5:4

A zing, zingtungno in Topa i Thutiam Kuang mai ah Dagon milimpi cu a bokkhupin lum leleu cu mu haw hi. A lu le baante tawng khawngin, kongka elah lum teptupin, a pumpi bek tang hi.