HOSEA 1:10 - Ngawm Bible

¹⁰ Israel miphun cu tuipi mawk a philnel zahin pungleh tuk hi, teh celh ngawl le sialcelh ngawlin tam haw tuk hi. Atu-in, Pathian in, “Israel cu ka miphun khaleh haw ma toh,” ti hi. Mahnaven, nohte cu a nungmi Pathian i cate hi uh ci a tih ni cu hengleh tuk hi.

HOSEA 1:10 Iomraidhean Croise

PIANPATNAK 13:16

Casuan tampi pia tung hi. Leihum a, leivui a sial zotu ten na casuante vang sial zo haw tuk hi.

PIANPATNAK 22:17

Na casuante cu pungzaitik tung a, van aksi zah le tuipi philnel zahin tam haw tuk hi. Na casuan ten a ngal haw neh khawng haw tuk hi.

PIANPATNAK 32:12

Na thutep bangin, “Na lam tuangtik tung a, casuan tampi pia tung; na casuante cu tuipi mawk a philnel zahin tam haw tuk a, sialcelh ngawl hi haw tuk hi, tin na tihmi cingleng zalin,” tin ti hi.

2 Samuel 7:24

Na miphun Israel mite cu kumkhua, na mihingin bawlin Topa Nangmah cu a Pathian hi zo ci.

ISAIAH 43:6

Amuhte hah tukin saklam cu hilh tung a, amuh man tuk ngawltohin hanglam cu hilh tung hi. Ngam khawlapi pen ka mihingte kikleh haw hen; Leihum khua hempoh pen pinkik haw hen.

ISAIAH 48:19

Na casuan uhte cu tuipi mawk a philnel zah haw tuk a, leihumah a pai thongmi hi tukma nave uhcin,” ti hi.

ISAIAH 63:16

Nangmah cu ka Pa uh hi ci. Ka pu uh Abraham le Jakob hei in, bawm thei haw ma; mahnaven Topa, nang cu ka Pa uh hi ci. Nangmah cu kohte a pansuak lelengtu pa ci.

ISAIAH 64:8

Mahnaven Topa nang cu ka pa uh hi ci. Kohte cu tungman bang thong ung a, nang cu beel bawltu bang ci. Nangma semsuah mi poh ung a,

ISAIAH 65:1

Topa in, “Ka mitei thungetnak a don tukin ngalling zo naveng, thungen haw ma. Amuh tei tawh tukin, mansa naveng, tawk tuk hei tum haw ma! Ka lakah thu a ngen ngawl miphun tei lakah; ‘Hilai ah um ing, bawm tung hi’ tin, a don tukin a mansa naveng, ka lakah thungen viang haw ma!

ISAIAH 66:20

Hi ngamte pen na phunpih uh na unau uhte cu kihpihleh haw tuk a, keimah ca in laksawng bang hi haw tuk hi. Israel miten cangho vam biakpiaknak cu bawm thiangtho tuah Biakinn ah a cawi haw bangin na suahpih unaute cu Jerusalem a, ka mual thiangtho humah cipuh, laak, kalauk, cipuhleng le khuileng tuah hunpih haw tuk hi.

JEREMIAH 33:22

Ka salpa David casuante le Levi hinnam thiampite cu pungzaitik tung a, van a aksi le tuipi thuanthum mawk a, philnel sial celhngawl bangin sialcelh ngawlmi hi bok haw tuk,” ti hi.

DANIEL 6:26

Ka ngam sungah mi hempohin Daniel i Pathian cu upat le lau tukin thupia zo ing. “Amah cu a nungmi Pathian kumkhua in, a kho mi Pathian hi. A uknak cu siatsuah hi awng tuk ngawlmi le a huham cu bo ni nei tukma hi.”

HOSEA 1:9

Topa in, Hosea lakah, “Nau min cu ‘Loammi,’ sa in hi. Itahim titale noh Israel miphunte cu ka miphun hi lehma toh uh ci a, kei vang noh tei Pathian hi lehma toh ing tin,” ti hi.

HOSEA 2:23

Ngam sungah ka miphunte cu kho zetin umtik tung a, khangto in, mihauzet ah cang tuk hi. “It mang,” tin, ka tihmite cu “It leh tung,” “Ka miphun kha ma uh ci,” tin, ka tihmite vang “Ka miphun hi uh ci,” tin ti tung. Amuh ten, “Nang cu ka Pathian uh hi ci,” tin tileh bok haw tuk hi.

JOHAN 1:12

Mi khenkhat ten sangin a up haw hangin Pathian cate hih theihnak thupia hi.

ROM Khua Khristian Tei Lakah Paul i Laikuat (Paul’s Letter to the Romans) 8:19

Siammi hempohin Pathian i a cate a langtik tuk khi ngakhel mahtak haw hi.

2 KORIN 6:18

Kei cu nangmuh tei Pa hi tung a, nohte cu ka capa le ka canute hi tuk uh ci,” tin, Ihempoh tithei Topa in ti hi, tin ti hi.

HEBRU 11:12

Abraham cu a thisa zo tin ngaihsutmi hi naven ama sung pen a casuante cu van aksi zah le tuipi mawk a, sialcelh ngawl ngunphil zahin tam haw hi.