HOSEA 1:1 - Ngawm Bible

¹ Judah kumpi Uzziah, Jotham, Ahaz, Hezekiah kumpi le Israel kumpi Jehoash capa Jeroboam in kumpi a deh laihin, Topa i thu cu Beeri capa Hosea lakah heng hi.

HOSEA 1:1 Iomraidhean Croise

2 KUMPI 13:13

Jehoash cu thi in, Samaria khua kumpi khanah vui haw hi. Mahten a capa Jeroboam pa nihnakin kumpi dek hi.

2 KUMPI 14:16

Jehoash cu thi in, Samaria a, kumpi khanah vui haw hi. A capa Jeroboam pa nihnakin kumpi dek hi.

2 KUMPI 14:23

Joash i capa, kumpi Amaziah in, Judah ngam kum sawm le kum nga a uk kumin, Jehoash i capa Jeroboam pa nihnakin Samaria pen Israel cu kum sawm li le kum khat sung uk hi.

2 KUMPI 15:32

Remaliah i capa Pekah in, Israel ngam a uknak kum nihnak kumin, Uzziah capa Jotham cu Judah kumpi dek hi.

2 KUMPI 15:5

Topa in Uzziah humah phaaknat hengtikin, a nun sung phaaknat nei vawkta hi. A nadehmi hempoh midang ten dawnin, ama innah cangpakin um hi; a capa Jotham in ngam buppi na cu dek hi.

2 KUMPI 15:7

Uzziah cu thi in, Jerusalem David khuapi kumpi khanah vui haw hi.

2 KHANGSIALNAK 27:1

Jotham cu kum sawm nih le kum nga a kim ten kumpi dekin, Jerusalem pen kum sawm le kum luk sung uk hi. A nu cu Zadok canu Jerushah hi.

2 KHANGSIALNAK 28:1

Ahaz cu kum sawm nih a kim ten kumpi dekin, Jerusalem pen kum sawm le kum luk sung uk hi. A cikhaihtu kumpi David i nundan cu cung kha ma hi. Topa i lungdam ngawlnakte bawl saw hi.

2 KHANGSIALNAK 29:33

Mah hum pen mipi tei eih tukin khuicang za luk le tuu thawng thum biakpiaknakah pia haw hi.

ISAIAH 1:1

Amoz capa Isaiah in, Judah kumpi Uzziah, Jotham, Ahaz le Hezekiah tei khanin, Judah le Jerusalem humah Pathian i phuanmi cu hi bangin hi.

ISAIAH 7:1

Uzziah capa Jotham, Jotham i capa kumpi Ahaz in, Judah ngam a uk laih takin ngaldonak umin, Siria kumpi Rezin le Israel kumpi Pekah, Remaliah capa ten Jerusalem do haw naven la thei haw ma hi.

JEREMIAH 1:2

Amon capa Josiahin Judah ngam kumpi a dehnak kum sawm le kum thumnakin, Topa in Jeremiah otpih hi.

JEREMIAH 1:4

Topa in, ka lakah,

EZEKIEL 1:3

Babilon ngam Khebar Ngunpi el pen Topa in ka lakah a otmi za ing a, a huham vang thei ing.

JOEL 1:1

Hithu cu Pethuel capa Joel nelah Topa i hilhmi hi:

AMOS 1:1

Hithu cu Tekoa khua tuucing pa Amos i hilhmi hi. Hi thu in, hiinhing laihngawl kum nih, Judah kumpi Uzziah, Israel kumpi Joash i capa Jeroboam a deh laihin Pathian in Israel tei thu Amos lakah a theihtikmi hi.

JONAH 1:1

Topa in Amittai capa Jonah nelah hi bangin hilh hi.

MIKAH 1:1

Jotham, Ahaz le Hezekiah ten Judah kumpi a deh sung haw in, Moresheth khua mi Mikah nelah Topa i awn heng hi. Samaria le Jerusalem tei thu la tuah pehdunin Topa in Mikah nelah phuang hi.

ZEKHARIAH 1:1

Darias in Persia kumpi a dehnak kum nih kum, ha liat ha in, Iddo i tupa, Berekhiah i capa profet Zekhariah i lakah Topa i thu cu hi tin heng hi.

JOHAN 10:35

Lai Thiangtho i hilhmi cu kumkhua in thuman hi leleng hi, tih cu thei ung hi. Mahten Pathian i, a thuhilhmi mihingte cu ‘pathian,’ tin sam hi.

ROM Khua Khristian Tei Lakah Paul i Laikuat (Paul’s Letter to the Romans) 9:25

Pathian in Hosea laibu sungah, “Ka mihing, ahi ngawlte khi, ‘Ka mihing,’ tin ti tung. Ka deih ngawlmi hinnam vang, ‘Ka ihmi,’ tin sam tung.

2 PETER 1:21

Itahim titale profet tei thuhilhmi cu mihing tei deihnak pen a hengmi kha ma hi, Pathian lak pen a hengmi thuthang a phuan haw ten Hawvang Thiangtho sosuahnakin, a hilhmi haw hi.