HEBRU 9:7 - Ngawm Bible

⁷ Thiampi Sang bek, sungta khansungah kum khat, vei khat tum hi. Ama sualnak le mipi ten sualnak a hihlam thei ngawlin a bawl khak haw mi ca in nganhing thisan cawi in Pathian pia hi.

HEBRU 9:7 Iomraidhean Croise

2 Samuel 6:7

Topa Pathian cu Uzzah humah a thinukin, mah bangin upatnak a neih ngawl hangin Uzzah cu Thutiam Kuang elah thitik hi.

2 KHANGSIALNAK 33:9

Topa i mihing Israel mite Kanaan ngam a tum haw laihin, Topa in, a hawlvawkmi hinnam tei sualnak sungah Judah mite cu Manasseh in puitum hi.

SAAM LABU 19:12

Mai khelhnak a thei theitu akua um him? Kua ma theih ngawlmi ka sualnak pen thiangtikin hi.

SAAM LABU 95:10

Kum sawm li sung pikpek hi mihing tei nundan ciat dimdem zo ing. I tizah muantak ngawl mihingte hi uh cim? Ka thukham pa khatno hei na zui uh ngawl hi! ti ing.

SUAHTULNAK 30:10

Kum khatah vei khat, Aaron in thingzum bulhmi pa li tei humah sual ngaihdamnak tukin biakpiaknak a, manmi sathi tuah mah biaklandawh cu thiangthotik tuk hi. Hi vang hi kum sial bawl leleng hi tuk hi. Topa i lak a, piakmi a thiangtho zetmi biaklandawh hi tuk,” ti hi.

ISAIAH 28:7

Profet le thiampite tian zu cu khamin hoi kawkawi li haw hi. Sabittui le zuhang tam zetin haw a, mun tihkimah lu hai in buaipihzet haw hi. Profet cu zukhamin sil leita a, Pathian in muhnak a neitikmi hei a sullam thei haw ma toh; thiampite vang zukhamin sil leita haw a, amu lakah a hengmi thuson tuk hei sonleh thei haw ma toh.

ISAIAH 29:14

A ngaihsut khak haw ngawlpi in, a humah haksatnak pa khat nung pa khat hengtik tung hi. Micipte cu misil suakin, a cihnak haw cu imah nemcuam tukma,” ti hi.

ISAIAH 3:12

Ka mihingte cu sum coihtu ten bawlsia in, sum kepsaktu ten zol haw hi. Maw ka mihingte, na hotu uhten pui sualin, ilai lam saw zui tuk tih hei thei ma uh ci.

ISAIAH 9:16

Hih puitu ten pui sualin, buai khawng zo haw hi.

HOSEA 4:12

Thing khuam tuah aisanin, thu dong haw si, a thingmung haw in, a deih haw mi thu hilh thei ti haw hi. Mah hangin kei cu zam san haw hi. Numei pha ngawl bangin amuhte cu pathian dang lakah piadun zo haw hi.

THIAMPI NADEHNAK 16:34

Hi daan cu mailam a nun sung hempoh ah a zui haw tukmi hi. Hih thianthohnaktik cu Israel mite a sualnak haw hah tukin le thiangthotik tukin kum khatah vei khat bawl hi tuk hi. Topa i thupiak bangin Moses in bawl hi.

THIAMPI NADEHNAK 5:18

Thiampi nelah mawhnak biakpiaknak tukin sonbang ngawl tuucang, ahimata keelcang pia tuk hi, a man cu upa tei ciangtan bangin hituk hi. Mahpa i mawhnak hangin thiampi in biakpiaknak bawl tuk a, mah cu ngaihdam hi tuk hi.

AMOS 2:14

Tai cakzette vang suakca thei haw tukma; mi ngilte a zaangtha haw kiam tuk a, ngalkapte hei amu nunnak nangawn humdun cop thei haw tukma hi.

MIPUM SIALNAK 15:25

Thiampi in mipi tei ca in thianthohnak tuk biakpiaknak cu bawl tuk a, ngaihdam hi haw tuk hi. Itahim titale bawl himmi hi ngawlin bawl khak sualmi a hih hangin sualhah biakpiaknak le halkang biakpiaknak Topa i lakah a piak haw hangin hi.

EFESA 4:18

a lungmu haw cu thim hi. Pathian i piakmi nunnak sungah covo i mamah nei haw ma hi, itahim titale theihmi imah nei ngawlin a lungmu haw ngeng belbul hi.

HEBRU 10:3

Mahnaven thil umdan ngangai cu, kumsialin, a sualnak haw phawktiktu tuk biakpiaknak bek hi.

HEBRU 6:19

Hi muansannak cu a nunnak uh ca in timbaw colhtiknak thik kawnpi bang hi. Eimu ca in, a cangcian zetmi huhimnak a hih hangin vancung biakinn thiangtho sungah hengtum hi.

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 9:3

Puan zak pa nihnak i nunglamah Mun Thiangthobel tihmi khan um hi.