HEBRU 9:4 - Ngawm Bible

⁴ Mahlai ah pak namtui meihal biakpiaknak, sui biakpiaknak biaklandawh le sui tuah bawlmi Thukham Kuangte vang um hi. Mah Thukham Kuang sungah manna cangho koihnak sui beel, ceh dawnno tawtmi Aaron i thiangkhut le thukham ngatnak suangpeek vang um hi.

HEBRU 9:4 Iomraidhean Croise

1 KUMPI 7:50

Sui Biakinn khanpi le Mun Thiangthobel tumnak kongka a sui pattate hi.

1 KUMPI 8:21

Topa in, a pi le pu uhte Izipt ngam pen a tulpih laihin thutepnak a bawlmi ngatnak suangpeek pa nih koihnak kuang vang hi Biakinn sungah koih zo ing,” ti hi.

1 KUMPI 8:9

Izipt ngam pen Israel mite tulin Topa in, a lak hawah thu a tepnak Sinai Mualhum a, Moses i suangpeek pa nih a koihmi sial ngawl Thutiam Kuang sungah adang imah umma hi.

2 KHANGSIALNAK 5:10

Thutiam Kuang sungah, na dang imah umma, Israel mite Izipt ngam pen tulin, amuhte tuah Topa in thutepnak a bawl laih a, Sinai Mual ah Moses in, suangpeek pa nih a koih tih sial ngawl Kuang sungah imah umma hi.

SUAHTULNAK 26:33

Puanbuk khuhnak tuah a pehdun mi puan khaihnak pen puanzak cu khaih un hi. Mah puanzak limah suangpeek pa nih koihnak Thutiam Kuang cu koih un hi. Puanzak cu Mun Thiangtho le Mun Thiangthobel dantu hi tuk hi.

SUAHTULNAK 31:18

Topa in, Sinai Mualhum a, Moses lakah thu a hilhmi a celh ten Pathian ama khut loli tuah thukham a ngatnak suangpeek pa nih cu Topa in Moses lakah pia hi.

SUAHTULNAK 32:15

Moses cu mualhum pen tolhsukin, thukham suangpeek nih a ngatmi pa nih cu cawi hi.

SUAHTULNAK 34:29

Moses cu suangpeek pa nih hum a, ngatmi Thukham Sawm khat cawi in, a tolhsuk ten, Topa tuah a otpihdun lih haw hangin, a mai cu al khawng hi; mahnaven amah in theidun ma hi.

SUAHTULNAK 37:25

Thingha tuah namtui halnak tukin biaklandawh bawl hi. A tung le a vang cu canve hi, tong khat sau le zalin, tong nih sang hi. A hum a bulhmi thingzum cu biaklandawh tuah pehdun khawng hi.

SUAHTULNAK 39:35

suangpeek pa nih a koihnak haw Thutiam Kuang le a sin le a zawnnak ngolh;

SUAHTULNAK 40:3

Mah buk sung a, Thutiam Kuang sungah Thukham Sawm cu koih unna, thingkuang cu puanzak limah koih un hi.

THIAMPI NADEHNAK 16:12

biaklandawh pen meiling khuang khat le namtui pham nih la in, Mun Thiangthobel ah hunpih tuk hi.

MIPUM SIALNAK 17:10

Topa in Moses lakah, “Aaron i thiangkhut cu Thutiam Kuang maiah koih lehin hi. A phuknak haw a cawl haw ma tale, mi langpangtu Israel mi cu thi haw tuk hi, tih ngallinnakin koih leleng hi tuk hi,” ti hi.

MIPUM SIALNAK 17:5

ka tenmi pa i thiangkhut cu tawt tuk hi. Mahti bangin Israel tei phuk lihnak hi kham thei tung,” ti hi.

MIPUM SIALNAK 17:8

A zingten Puanbuk sungah Moses tumin Levi hinnam ai-awhtu Aaron i thiangkhut a tawt mu hi. A tawt bek hi ngawlin kuhkuumin, pakin, almond ngah a minin ngah hi.

DAAN PIAKLEHNAK 9:11

Hi zuh hi! Ni sawm li le zan sawm li nungten thutep a ngatnak suangpeek pa nih cu Topa in keimah pia hi.

DAAN PIAKLEHNAK 9:9

Topa in nangmuhte tuah thutepnak a bawlmi ngatnak suangpeekte la tukin mualhumah hawh ing. Mahlaiah sun sawm li le zan sawm li sung imah ei le in ngawlin um ing.

MANGMUHNAK 11:19

Vancung a ummi Pathian biakinn hong haw a, thukham kuang cu muh theih tukin um hi. Khuaphelep zawzokin, vanthum dudum a, hiinhingin nial nguah nase zetin zusuk hi.

MANGMUHNAK 8:3

Adang vancungmi pa khatin pak namtui halnak sui khuat cawi in, biaklandawh bulah ding hi. Pathian i mihing tei thungetnak tuah piakcih tuk le kumpi khunnak mai a dingmi sui biaklandawh humah piak tukin mah vancungmi lakah pak namtui tampi pia haw hi.