HEBRU 9:28 - Ngawm Bible

²⁸ Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

HEBRU 9:28 Iomraidhean Croise

ISAIAH 25:9

Mah hun a hen ten a kuakua hei in, “Amah cu ka Pathian uh hi! Amah cu muang zo toh ung, amah in nunpan zo hi! Amah cu Topa hi! Ama lakah ka muannak uh cu koih ung, lungdam thatui in um zo ung; itakaw titale pan zo toh hi,” tin ti haw tuk hi.

THIAMPI NADEHNAK 10:17

“Ita sualhah biakpiaknak cik cu mun thiangtho pen na eih tukin a piak zo mi si, ita ei ma uh cim? Israel hinnam a sualhahnak tukin Topa in, na eih tuk uh a piak zo mi hi a, a thiangthomi hi.

ZEKHARIAH 14:5

Olif Mual khen nihah a khen ten munlawn lam pen taitul tuk uh ci. Judah kumpi Uzziah hun laihin, hiin a hing ten na pu le pa uhte a taitul haw bangin taitul bok tuk uh ci. Topa cu hungin, a mi thiangtho hempoh pui tuk hi.

MIPUM SIALNAK 18:1

Topa in Aaron lakah, “Nangmah le na capate le na nampih Levi ten ka umnak Puanbuk sungah na nadehnak uhten na sualman uh cu thuak tuk uh ci. Mahnaven nangmah le na capate bekin thiampi na dehnak uh a, na sualman uh cu thuak tuk uh ci.

MIPUM SIALNAK 18:23

Tu pepanin, Levi mite bekin Puanbuk cu cingkhawi in, a bawl sual haw tale amuh ten thuak haw tuk hi. Hi daan cu na casuante hei in, a zui haw tukmi hi. Levi miten Israel mi lakah kumkhua in co tukmi lo le lam nei haw tukma hi.

MATTHAI 20:28

Mihing Capa vang cu mahtih bang hi bok hi. Mihing Capa cu mite nadeh atiktu hi ngawlin, mitei nadehsaktu tukin le mi tampi i nunpan tukin a nunnak pia tukin hung hi,” tin ti hi.

MATTHAI 25:31

“Mihing Capa cu Kumpipa bangin vancungmi hempoh tuah a hun ten Kumpi khunnak humah khung tuk hi.

MATTHAI 26:28

Hihi ka thisan hi a, Pathian i thutepnak a khotiktu le mi tampi tei sual ngaihthiamnak tukin a luang tulmi ka thisan hi.

JOHAN 14:3

Hawh tung a, nohtei umnak tuk mun ka bawl celh ten hungkikleh tung hi. Nohte cu keima lakah pui tung a, ka umnakah umbok tuk uh ci.

NUNGZUITU 1:11

“Galilee mite aw, itahim vanlam cuanin, na din diamduam leng uh? Nangmu lak pen vanah a kai mi Jesuh cu van a kai toh laih na muh uh bangkekin hungsukleh tuk hi,” tin ti haw hi.

ROM Khua Khristian Tei Lakah Paul i Laikuat (Paul’s Letter to the Romans) 3:25

Pathian in Jesuh Khrih i thisan hangin, misual ngaihdamnak a um theihnak tukin a tuptahmi hi, mah ngaihdamnak cu amah upnak hangin ngah haw tuk hi. Pathian in hi bang thil a bawlmi hi Ama diknak a langnak tukin hi. Nidang laihin Pathian cu a thinsau in, mihing tei sualnakte kinmawh ngawlin um san thong hi. Mahnaven atu-in ama diknak khi langciang tukin mihing tei sualnak cu mu thong thei lehma toh hi; mahtih bangin a diknak cu langtikin, mahten a umtu hempoh diknak cotik hi.

ROM Khua Khristian Tei Lakah Paul i Laikuat (Paul’s Letter to the Romans) 5:15

Mahnaven mah thu pa nihte cu bangten haw ma hi, itahim titale Pathian laksawng cu Adam i sualnak bang hi kha ma hi. Mi pa khat i sualnak hangin mi tampi ten thihnak tawk haw, tih cu thuman hi. Mahnaven Pathian i hehpihnak cu mah sangin ngeng saw laih hi; Jesuh Khrih amah pa khat i hehpihnak hangin Pathian i laksawng cu mi tampi tei lakah ngeng saw ngangai hi.

ROM Khua Khristian Tei Lakah Paul i Laikuat (Paul’s Letter to the Romans) 6:10

Mahten a thih zo hangin sualnakin ukleh thei ma toh hi. Atu a nunnak cu Pathian tuah pehzomin nung hi.

ROM Khua Khristian Tei Lakah Paul i Laikuat (Paul’s Letter to the Romans) 8:23

Siammi bek hi ngawlin Pathian i laksawng masabel Hawvang a cotu le a tep hamtu ohte vang taksa pumpi luatnak tukin le Pathian i ca a hih theihnak tuk ngakin, a sunglam uhin tauli bok hung hi.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

1 KORIN 1:7

Jesuh Khrih a Topa uh a lang tukmi na ngah uh laihin, na co ngawl uhmi hawvang lam laksawng pa khat hei umma hi.

1 KORIN 15:54

Mah bangin a thi theimi cu a thi thei ngawltohin thek a hih ten Lai Thiangtho in, “Thihnak cu bolaltik khawng hi zo hi, nehnak cu cangkim zo hi,” a tihmi cu kim tuk hi.

1 THESALON 1:10

A Capa Jesuh cu thihnak pen a thawhlehtikmi le a heng tukmi Pathian thinuknak pen ohte pansuaktu hi.

2 THESALON 2:1

U le naute aw, Topa Jesuh hunlehnak tuk le Amah tuah munkhatah tawkdun khawmnak tuk thu ah;

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

TITUS 2:13

Mahten a thawmngengmi a Pathian uh le Pantu Jesuh Khrih i sunloihnak lang tuk hi tin, a muansan uhmi Ni sunglawi cu ngak hung hi.

HEBRU 1:14

Mah ahi tale vancungmite cu akua hum? Amuhte cu Pa i nadektu hawvang hi haw in, nunpatnak a ngahnak tuk bawmtu tukin Pathian i nadektute haw hi.

HEBRU 10:10

Itahim titale Pathian i dehtik a nuammi cu Khrih in, a bawl khawng hangin ama pumpi kumkhua phatmi a piaknak hangin ohte a sualnak uh pen thiangtik hi.

HEBRU 12:14

Mi hempoh tuah lem dimdiamno in, um tuk zuam unna, nun thiangtho in, nuntuk tum un hi; itahim titale nunnak thiang nei ngawl cu kuamah in Pathian mu thei haw tukma hi.

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.

HEBRU 4:15

Ohtei Thiampi Sang cu a nawmtamnak uh theihpih ngawltu Thiampi Sang kha ma hi, Eimuh bangin sualsohnak a phunkim a tawkmi pa bok hi. Mahnaven amah cu sual ma hi.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 9:25

Judah mi Thiampi Sang cu kumsialin nganhing thisan kengin Mun Thiangthobel ah tum hi. Mahnaven Khrih cu amah le mah biakpiaknakah pia cop tukin vei tampi tum ma hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

2 PETER 3:12

Vante cu mei in, a kang khawng ni le van a ummi hempoh meiling tuah a kangtuitik khawng ni cu hengpal nawnawm tahen tin, Pathian Ni na ngah lih uh laih takin nun thiangtho nei in, a phabelin nung tukin zuam un hi.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

1 JOHAN 3:5

Khrih cu mihing tei sualnak thiangtik tukin hung hi tih cu thei uh ci a, a sungah sualnak umma hi.

JUDE 1:21

a Topa uh Jesuh Khrih in, a hehpihnak tuah kumkhua nunnak a piak tuk ni na ngah uh laihin, Pathian i itnak sungah kho leleng un hi.

MANGMUHNAK 1:7

Zo un! Khrih cu meingo hum pen hung tuk a, mi hempoh ten mu haw tuk hi; amah a suntute vangin mu bok haw tuk hi. Leihum mi hempoh ten sikkikin, kap haw tuk hi. Mahtin um tatak tuk hi! Amen.