HEBRU 9:27 - Ngawm Bible

²⁷ Mihing cu a kuakua hei hihen vei khat thih dan poh hi; mahnung ten Pathian in thukhen tuk hi.

HEBRU 9:27 Iomraidhean Croise

PIANPATNAK 3:19

Leivul tuah bawlmi na hih hangin leivul na suahleh tian, na nunnak tukin na khawum tulveu in nadek tuk ci. Leivul tuah bawlmi na hih hangin leivul lengin suakleh tuk ci,” ti hi.

2 Samuel 14:14

Mihing cu thi ten tuk hung hi, leihumah a leih haw mi tui cu luah kikleh theih ngawl toh bangin mihing a nunnak uh cu copleh theih ma toh hi. Pathian hei in mithi cu nunglehtik ma toh hi. Mahnaven kumpipa in ngam sungah um ngam ngawlin a taimi pa cu sam kikleh thei hi.

JOB Laibu (The Book of Job) 14:5

A nuntuk kumzah cu ciangtan sa hi. A ha zah cu ngaihsutsa in um hi. Na leitek sa khawng hi thekleh theih hi haw ma toh.

JOB Laibu (The Book of Job) 19:25

Mahnaven kei a pantu cu a nung tih thei ing; a tawpnak ten kei panpihleh tuk hi.

JOB Laibu (The Book of Job) 30:23

Mihing akua abang i tawh ten tukin leiteksa hi, thihnakah henpih tum ci tih thei ing.

SAAM LABU 89:48

Thi ngawlin a nung lelengtu akua um him? Khanmual heng ngawlin a luat thei tuk akua um him?

THUHILHTU 11:9

Khangnote aw, na khanno laih uhin lungdamin um un; Na khanno lai hun hi komzetno in mang unna, na lungmu deihnak le, na mitin, a puinakah zui in hi. Mahnaven hih thil hempoh hangin Pathian in, na thukhen tuk, tih thei lengin hi.

THUHILHTU 12:14

Pathian in ihempoh a bawl uhmi humah thukhen tuk hi; a pha hihen, a sia hihen, a kuhno in, a bawl uhmi hum tianin thukhen tuk hi.

THUHILHTU 12:7

A pumpi uh cu lei ah kiklehin, a hawvang uh cu a piatu Pathian nelah kikleh tuk hi.

THUHILHTU 3:2

Suah hun umin, thih hun um hi. Phut hun umin, bawhleh hun um hi.

THUHILHTU 3:20

A pa nih haw in, a hawhnak haw tuk munkhat hi. A pa nih haw in leivul pen lakmi hi haw a, lei ah kikleh haw tuk hi.

THUHILHTU 9:10

Na tawhmi nadeh hempoh cu na zaangtha neih hempoh tuah dek pohin; itahim titale na hennak tuk Sheol ah nadehnak hihen, ngaihsutnak hihen, theihnak hihen, cihnak hihen um tukma toh hi.

THUHILHTU 9:5

A nungmi ten thileh tuk ung, tih bek thei haw; a thisa ten imah thei haw ma toh. Amu ca in, laksawng umma toh; phawkngil vingviang haw hi.

LUKA 20:32

A dawlbelnak ten mah numei nu vang cu thi leleu bok hi.

NUNGZUITU 17:31

Itahim titale a tensami mi pa khatin leihum buppi hi diknak tuah thukhencat tukin ni ciangtan zo hi. Mahmi thu cu thihnak pen tholehtik zo toh,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 2:5

Mahnaven nang cu thinlian le lungmu ngeng zetin um ci. Mah hangin Pathian in, a thinuknak le thudik thuman tuah thu a khen ni ten na tawh tukmi dantat cu a ngeng dedeuh tukin nangmah le nangmah bawl cop ci.

ROM Khua Khristian Tei Lakah Paul i Laikuat (Paul’s Letter to the Romans) 5:12

Sualnak cu mi pa khat i hangin leihumah hengin, mah sualnakin thihnakah henpih hi. Mah hangin thihnak cu mi hempoh lakah heng hi. Mah hangin akua abang sual khawng hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

2 KORIN 5:10

Itahim titale thukhen tukin a venghawng uhin Khrih mai ah dingleh tuk hung hi. Kuakua hei a pha hihen a sia hihen a nun sung a bawlmi bangkekin ngahleh tuk hi.

2 TIMOTE 4:1

Mithi le a nungmi tei thukhentu Jesuh Khrih le Pathian mai ah, a nuailam a ka ngatmi na bawl tuk uh le na man tuk uhin, nase zetin sosuah ing. Itahim titale Khrih cu Kumpi bangin uk tukin hungleh tuk hi.

HEBRU 10:27

Amu ca in, a heng tukmi Pathian thukhennak le Pathian a dotute kang khawngtu tuk a lauhuai meipi khi lau mahtakin ngak tuk bek na hi haw hi.

HEBRU 6:2

Tuiphumnak thu le khutsuannak thu, mithi thawhlehnak thu le kumkhua thukhennak thu, a bul pepan kikleh li tukma toh hung.

1 JOHAN 4:17

Thukhennak Ni ten ngalhannak a neihnak tukin itnak cu eimu sungah cangkimtik zo hi. Mahten leihum a nunnak uh cu Khrih nunnak bang a hih hangin mah ngalhannak cu nei loli tuk hung hi.

JUDE 1:15

Mi hempoh thukhen tukin le Pathian kihcaknak imah nei ngawlin a ngamta hempoh le Pathian upatnak nei ngawl misual, mullinghah awnkam tuah amah a sonsiatute thukhen tukin hung tuk hi, ti hi.

MANGMUHNAK 20:11

Mahten a ngengpi kumpi khunnak ngo le a hum a khungtu mu ing. Lei le van ten kumpi khunnak hum khungtu i umnak pen taisan khawng haw in, amuhte cu mah munah umleh haw ma toh hi.