HEBRU 9:26 - Ngawm Bible

²⁶ Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

HEBRU 9:26 Iomraidhean Croise

2 Samuel 12:13

David in, “Topa i mai ah sual zo ing hi,” ti hi. Nathan in, “Topa in ngaidam tuk a, thi tukma ci.

2 Samuel 24:10

Mahnaven mahti bangin mipum sialnak a bawl nungten, David cu a lungmu nop ngawlin, Topa i lakah, “Thil sualzet bawl zo ing. Maw Topa ka sualnak hi ngaidam zalin hi. Sil nadek ing,” tin ngen hi.

JOB Laibu (The Book of Job) 7:21

Ka sualnak cu ngaidam thei awng ma cim? Ka mawhnak cu ngaidam thei hihim ma cim? A ngei ngawlin khankhuuk sungah zau tung; na zeileh li hei in, umleh tukma toh ing.

SAAM LABU 103:12

Nisuahnak cu nitumnak pen, a khawlazet bangin, A sualnak uhte cu eimu lak pen, khawlazetah koih hi.

ISAIAH 2:2

Mailamah, Biakinn a dinnak mual cu, mual dang sangin sangbel tuk hi. Miphun hempoh ten mah mualah catngawlin hung haw tuk a,

DANIEL 10:14

Mailam ten a mihing tei humah i heng tuk hum tih theitik tukin hung zo ing. Hi muhnak cu mailam ca,” ti hi.

DANIEL 9:24

“Sualnak le phatngawlnak pen na mihingte le na khuapi a luatnak tukin Pathian in kum sawm salih i let salih teksa zo hi. Sualnak cu ngaihdam hi tuk a, diknak cu kumkhua khohtik tuk hi, a hilhsami le na muhmite cu heng ngangai haw tuk a, Biakinn thiangtho cu a thakin, thianthohtik hileh tuk hi.

MIKAH 4:1

Mailam hun ten Topa i Biakinn dinnak mual cu mual hempoh lak pen a sangbel tuk hi.

MATTHAI 13:39

Hampa ci a vawhtu a ngal uh cu Satan pa hi. Ankung cop cu hun bonak hi in, ankung cawmtute cu vancungmite haw hi.

MATTHAI 13:40

Hampate cu cawmkhawmin mei sungah haal khawng haw tuk hi: huntawpnak ten mah bangbok tuk hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

JOHAN 1:29

A zingten Johan in, Jesuh a lakah a hun lih laih cu mu in, “Leihum sualnak a hawhpihtu Pathian Tuuno khi zo un!

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

1 KORIN 10:11

Hi bangin a hum haw a, na a heng mite hi midang tei zohteh tuk le ngallinnak tukin ngatmi hi. Itahim titale hun tawpnak a hen kuan hun sungah um zo hung hi.

GALATI 4:1

Ka hilh nuammi cu hi tin hi; ca pa khat cu a pa i lo le lam co khawng tuk le ihempoh nei khawngtu tuk ahi hei in, sal bangin dek hi

EFESA 1:10

Huncan a kim ten Pathian in cangkimin, a bawl tummi cu vanah hihen, lei ah hihen, bawlmi thil hempoh hi hulawm khawngin, Khrih cu lubelin koih tuk khi a tuptahmi hi.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 1:2

Mahnaven hun dawllam ten ohtei lakah a Capa tawnin hilh hi. A Capa tawnin lei le van bawlin a dawlbel ten ihempoh nei khawngtu tukin teng hi.

HEBRU 10:10

Itahim titale Pathian i dehtik a nuammi cu Khrih in, a bawl khawng hangin ama pumpi kumkhua phatmi a piaknak hangin ohte a sualnak uh pen thiangtik hi.

HEBRU 10:12

Mahnaven Khrih i biakpiaknakin vei khat pia in, mahmi cu kumkhua ca phaat hi; mah nungten Pathian i taklamah khung hi.

HEBRU 10:26

Thutak a theih ngah ceng uhten, sualnak khi thei leng na pi in, sualnak a bawl leleng uh tale sualthiannak tuk biakpiaknak a dang imah umleh ma toh hi.

HEBRU 10:4

Itahim titale khuicang thisan le keel thisanin sualnak thiangtik thei awng ma hi.

HEBRU 4:3

Oh a thu umtute cu Pathian i tepmi colhnak a cotu hi saw hung hi. “Ka thinukzet hangin, ‘A colhnak haw tukin ka tihmi ngamah tum hihim tukma uh ci,’ tin thutiam ing,” a tihmi cu kim hi. Itahim titale leipi a bawl pepan a nadeh cu ceng khawng zo toh naven hitih bangin hilh hi.

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 9:12

Mun Thiangthobel munah kumkhua phaat tukin vei khat bek Khrih a tum ten biakpiaknak tukin keel le khui thite cawi ngawlin ama thisan cawi in, eimu ca in kumkhua nunpatnak bawlsak hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

1 PETER 1:20

Amah cu leipi semsuah laih ngawlin Pathian i tensami hi, atu nangmu ca tukin ni dawlbel hun a, Pathian i langtikmi hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 PETER 4:7

Ihempoh ca in hun dawlbel ni heng awndiak toh a hih hangin phazetno in thu na nget theihnak tukin supnak nei in, lungmu cihnak tuah um un.

1 JOHAN 3:5

Khrih cu mihing tei sualnak thiangtik tukin hung hi tih cu thei uh ci a, a sungah sualnak umma hi.

1 JOHAN 3:8

Kua hei hihen sualnak a bawl lelengtu cu Satan ta hi. Itahim titale Satan cu a pat pepan sualnak a bawltu hi. Pathian Capa a hunnak cu Satan nadehnak siatsuah khawng tukin hi.

MANGMUHNAK 13:8

Thahnak thuaktu Tuuno i nunnak laibu sungah leipi pian laih ngawlin min khumsa mite sial ngawl, leihummi hempoh ten mahmi sahang cu bia haw tuk hi.

MANGMUHNAK 17:8

Hi na muhmi sahang cu nung awng naven atu-in nungleh ma toh hi, taw nei ngawl khuk sung pen tul tuk a, siatnak le lalthongnakah letvawk tuk hi. Leihum mihing, leipi pian laih ngawlin nunnak laibu sungah a min a ngat khak ngawl ten mahmi sahang a zoh haw ten lamdangsazet haw tuk hi. Nung awng naven atu-in nungleh ma toh; mahnaven langleh tuk laih hi.