HEBRU 9:21 - Ngawm Bible

²¹ Mahti bangin Moses in thisan cu Thutep Deubuk le Pathian biaknakin manmi na tei humah theh khawng hi.

HEBRU 9:21 Iomraidhean Croise

SUAHTULNAK 24:6

Moses in khui thisan khenkhat cu la in, kuang sungah koih a, khenkhat cu biaklandawh humah theh hi.

SUAHTULNAK 29:12

Khuicang i thisan cu na kut mikawk uhin tok unna, biaklandawh hum a, thingzum na bulh uhmi humah mat un hi. A tanglaih mi a thisan cu biaklandawh bulah lei khawng un hi.

SUAHTULNAK 29:20

Ngo unna, a thisan khenkhat la in, Aaron le a capa tei taklam beng humah, a taklam khutpi humah le a taklam kepi humah maat un hi. A tanglaih mi thisan cu biaklandawh kimsuakah leih khawng un hi.

SUAHTULNAK 29:36

Nisialin sual thianthoh biakpiaknakin khuicang ngo unna, sual ngaihdamnak um tuk hi. Sual ngaihdamnak tukin khuicang na ngawh uh hangin biaklandawh pen sualnak cu pai tuk hi. Biaklandawh cu sathau noih unna, Pathian nelah pia un hi.

SUAHTULNAK 40:9

“Mahten sathau la unna, Pathian Umnak Puanbuk le a sung a, ummi hempoh noih un hi. Mahti bangin Puanbuk le a na hempoh cu Pathian nelah ap unna, inn thiangtho in suak tuk hi.

THIAMPI NADEHNAK 8:15

Moses in khuicang cu ngo in, a thi khenkhat a lak ceng ten, Topa i nelah thiantikin hi, tihnakin biaklandawh kil humah thi cu a khut zung tuah noih hi. Mahceng ten a tangmi thi cu biaklandawh bulah leih hi. Moses in Topa i nelah pia in biaklandawh cu thiangtik hi.

THIAMPI NADEHNAK 8:19

Moses in tuucang cu ngo in, a thisan cu biaklandawh i a mawk ningli ah theh hi.

THIAMPI NADEHNAK 9:18

Mipi ca pawlkom biakpiaknak khuicang le tuucang vang ngo hi. Mah thi cu a capa ten dongin pia haw a, amah in biaklandawh ningli ah theh hi.