HEBRU 9:15 - Ngawm Bible

¹⁵ Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

HEBRU 9:15 Iomraidhean Croise

SAAM LABU 37:18

Topa in, ama thu a zuitute cu cingkemin, hi ngam cu kumkhua in amuh ta hituk hi.

DANIEL 9:26

Mah hun a bo ten Pathian i tenmi hotu cu dik ngawl zetin that haw tuk hi. A ngil zetmi ngamuktu i ngalkap ten khuapi le Biakinn cu siatsuah khawng haw tuk hi. Tuihautung bangin a tawpnak hun heng tuk hi. A ngil zetmi ngamuktu i ngalkap ten khuapi le Biakinn cu siatsuah khawng haw tuk hi. Pathian i vaihawm sami ngal le siatsuahnakte heng tuk hi.

MATTHAI 19:29

Kua hei hihen keima ca in, a nu le pa le a cate hihen, unau pih le celnu hihen, inn le lo hei hihen pa khat pawpoh a zamsantu cu a let za khatin ngahleh tuk a, kumkhua nunnak piak hi tuk hi.

MATTHAI 22:3

Mah mopuainakah tel tukin a sammi hempoh hilh tukin a umlawhte hah naven kuamah hung haw ma hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

MATTHAI 25:36

Puan ka neih ngawl ten ka silh tuk puan pia uh ci; ka nat laihin tuamlawm uh ci a; thawng ka tak laihin veh uh ci,’ tin tituk hi.

MARKA 10:17

Jesuh cu khualzin a hawh lih laihtakin, mi pa khatin, amah zuanin, a mai ah khukdinin, “Zilhtu pha pa, kumkhua nunnak ka co theihnak tukin i bawl kam nang?” tin dong hi.

LUKA 18:18

Judea mi hotu pa khatin Jesuh cu, “Mipha Sazapa aw, kumkhua nunnak ka co theihnak tukin i bawl kam nang?” tin dong hi.

LUKA 22:20

Mahti bang lelengin, takeih a eih celh haw ten khuathai cu la in, “Hi khuathai cu nohtei ca in, a luangmi ka thisan tuah khotiktu Pathian i thutiam thak hi.

JOHAN 10:28

Kumkhua nunnak pia ing a, ituk mahten thileh haw tukma toh hi. Amuh vang ka kut sung pen kuamah in lonsak thei haw tukma hi.

NUNGZUITU 20:32

Atu-in Pathian i cinkhawinak le hehpihnak thu sungah ap zo ing. Amah in khangtotik tuk a, mihing tei ca in, a koihsami thupha cu pia tuk hi.

ROM Khua Khristian Tei Lakah Paul i Laikuat (Paul’s Letter to the Romans) 5:10

Ni dang laihin, Pathian ngal hi nave hung, atu-in, a Capa i thisan hangin a ngualcamin bawl zo hi. Pathian i ngualcam a hih zo uh hangin Khrih i nunnakin itih zahin ohte cu nunpan tuk him?

ROM Khua Khristian Tei Lakah Paul i Laikuat (Paul’s Letter to the Romans) 5:6

Tih theihnak a neih ngawl laihtak uhin Pathian i hun a sehnak bangin Khrih cu misual tei ca in thi hi.

ROM Khua Khristian Tei Lakah Paul i Laikuat (Paul’s Letter to the Romans) 5:8

Mahnaven Pathian in itih zahin it him tih khi langtik hi; misual a hih uh laih takin eimu ca in Khrih cu thi hi!

ROM Khua Khristian Tei Lakah Paul i Laikuat (Paul’s Letter to the Romans) 6:23

Itahim titale sualnak i thaman cu thihnak hi; mahnaven Pathian i laksawng cu a Topa uh Jesuh Khrih tuah a pehzopnak uh hangin kumkhua nunnak hi.

ROM Khua Khristian Tei Lakah Paul i Laikuat (Paul’s Letter to the Romans) 8:28

Ihempoh ah Pathian in amah a ittu le ama tuptahnak bangin a sammi tei ca in, a phatnak haw tukin nadek hi tih cu thei hung hi

ROM Khua Khristian Tei Lakah Paul i Laikuat (Paul’s Letter to the Romans) 8:30

Mah hangin Pathian i a dangno in, a koihsa mite cu sam vang sam hi. Mahten a sammite cu thiancotikin, a sunlawinak vang cu pia bok hi.

ROM Khua Khristian Tei Lakah Paul i Laikuat (Paul’s Letter to the Romans) 9:24

Itahim titale ohte cu ama mihing a sammite hung hi; Judah tei sung pen sammi bek hi ngawlin Gentail tei sung pen sammite hung hi.

2 KORIN 3:6

Thutiam Thak nadektu ka hih theihnak uh cu amah in thazaang a piaknak hangin hi. Mah thutiam thak sungah lai in ngatmi thukham umma hi. Hawvang saw um hi. Thukhamin thihnak hengtik naven Hawvangin nunnak pia hi.

GALATI 3:20

Mahnaven mi pa khat bek i nadehnakah palai um kulma, Pathian cu pa khat bek hi.

EFESA 1:7

Itahim titale Khrih i thisan i hangin a sualnak uh cu zahin, a luatmi hi zo hung hi. Pathian in, a hehpihnak cu eimu lakah tam zetin, a piak hangin,

2 THESALON 2:14

Hiti bangte co tukin, Pathian in nangmuh tei lakah ka phuan uhmi Thuthangpha sung pen sam hi. Topa Jesuh Khrih sunloihnak a cotu hi bok tukin sammi hi uh ci.

1 TIMOTE 2:5

Itahim titale Pathian pa khat bek umin, mihing le Pathian laklawhah lemnak a bawltu kamtai pa khat bek um hi.

2 TIMOTE 2:10

Mah hangin Pathian i tenmi mihing ten Khrih Jesuh lak pen a hungmi nunpatnak ngahin, kumkhua sunloihnak a co theih hawnak tukin, haksatnak hempoh thuak ing,

TITUS 1:2

Mah a biaknak uh cu kumkhua nunnak muansannakah bulphuh pha mi hi. Zolthu son awng ngawl Pathian in hi nunnak cu leipi a bawl laih ngawlin a tepsami hi in,

TITUS 3:7

Mahmi cu a hehpihnak, hangin Pathian tuah a lemdun theihnak tuk uh le a muansan uhmi kumkhua nunnak cu eimuta a hih theihnak tukin hi.

HEBRU 10:34

Thawngtate a haksatnak haw thuakpih uh ci. Na neih uhmi van hempoh a lonsak khawng haw ten, na sunnak uhte cu lungdamin umpih thei uh ci; itahim titale hi vante sangin a pha saw mi le kumkhua a kho leleng tukmi nei leng hung tih khi thei uh ci.

HEBRU 10:36

Pathian deihnak a bawl thei tukin le a thutepmi co thei tukin thinsau in um un.

HEBRU 11:13

Hih mite cu upnak neitu cu a hih haw hangin upnak tuah thi haw hi. Pathian i tepsa mite a co ngah haw ngawl hei in, ngalcuanin, mu in lungdam haw hi. Lei humah mikhual le mi vakvai a hihnak haw theicop haw hi.

HEBRU 12:24

Abel thisan sangin a thupha saw in, a sontu, Jesuh thehmi thisanah heng zo uh ci.

HEBRU 13:20

Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.

HEBRU 2:14

Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

HEBRU 6:13

Pathian in ama min sangin ngeng saw min dang sal tuk a um ngawl hangin amah le mah i min salin Abraham lakah thutiamnak bawl hi.

HEBRU 6:15

Abraham cu thinsau zetin, a ngah kiukeu leng hangin Pathian thutiam co ngah hi.

HEBRU 7:22

Hitih bangin a dangdunnak haw in, Jesuh cu a pha saw mi thutiamnak amahkhan in cang hi.

HEBRU 8:13

Hitih bangin Pathian in thukham thak a hilh hangin a masa cu a lunah cang zo hi, mahten a lunmi le a balkek zo mite cu a ngei ngawlin paithong tuk hi.

HEBRU 9:12

Mun Thiangthobel munah kumkhua phaat tukin vei khat bek Khrih a tum ten biakpiaknak tukin keel le khui thite cawi ngawlin ama thisan cawi in, eimu ca in kumkhua nunpatnak bawlsak hi.

HEBRU 9:16

Lo le lam piak thu in, titale lo le lam piatu pa i thih nungten man tuk laihmi hi;

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

JAMES 1:12

Thiathazohnak a tawh hun ten khim zetin a ding theitu cu mi lungdammi hi. Itahim titale mahtibang haksatnak a neh theih hangin Pathian in amah a ittu tei ca in, a tepsami nunnak cu laksawngin co tuk hi.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

1 JOHAN 2:25

Mah kumkhua nunnak cu Khrih amah loli i thutiammi hi.

MANGMUHNAK 5:9

La thak hi tin sa haw hi. “Nangmah cu laizial latu tukin le tacik duktu tukin tak ci. Itahim titale thahnak thuak zo ci a, na thihnak thawmin phun le nam hempoh le awn namkim ten za in, mi tampi Pathian nelah henpih ci.