HEBRU 9:14 - Ngawm Bible

¹⁴ Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

HEBRU 9:14 Iomraidhean Croise

2 Samuel 4:11

Mawhnak nei ngawlmi ama inn sungah a hihbu laihmi loli a thattu misual tei ca in ituk zahin haksa tuk him? Ishbosheth na thah uh hangin atu loli in, na hum uhah phu la tung a, leihumah na ci uh mit khawng tuk,” ti hi.

2 KUMPI 19:16

Maw, Topa, atu ka hum uh a hengmi hi muhpih zalin hi. Assiria kumpi Sennacherib in, a nungmi Pathian nangmah a nautatnak awnkam hempoh cu hu zain hi.

JOB Laibu (The Book of Job) 15:16

A nawngkai mi, dikcangnak imah nei ngawl, Tui in bangin siatnak bebek a intu mihing cu, iti zahin thiangtho ngawl sesem tuk kaw?

SAAM LABU 51:2

Ka phat ngawlnak cu som ciang inna, Ka sualnak pen thiangtik zalin hi.

SUAHTULNAK 12:5

A ngan cu sonbang ngawl a cang kum khat kim hi tuk hi. Tuu ahimata keel teng haw hen.

ISAIAH 42:1

Topa in, “Ka sila cu hilai ah um hi. Amah cu ka ngiltikmi le ka tenmi hi. A humah ka lungdam ing. Ka hawvang tuah dimtik zo ing hi, Miphun hempoh lakah thudik hengtik tuk hi.

ISAIAH 53:9

Thil sual bawl awng ngawl le zolthu son awng ngawlmi hi naven mipha ngawl tei khanah koih langkhat haw hi. Mihau tei lakah vui haw,” tin ti haw hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 61:1

Topa i hawvang cu ka lakah umin, a ngilnak tuah dimtik hi. Topa in keimah tengin, mi ca-ngah tei lakah thuthang pha hilh tukin, lungmu tamzante damtik tukin, ngalmatmi tei lakah luatnak thuthantu tukin, thawngta mitei lakah luatnak thu hilhtu tukin hah zo hi.

JEREMIAH 10:10

Mahnaven Topa, nang cu a dikmi Pathian hi ci. A nungmi Pathian hi ci. Kumkhua in kumpipa hei hi ci. Na thin a uk ten lei buppi hi hing khawng. Na thinuknak cu miphun ten thuak thei haw ma.

EZEKIEL 45:18

Cungnungbel Topa in, “Ha khat ha, ni khat ni-in, sonbang ngawl khuicang pa khat ngo unna, Biakinn thiangtik un hi.

DANIEL 6:26

Ka ngam sungah mi hempohin Daniel i Pathian cu upat le lau tukin thupia zo ing. “Amah cu a nungmi Pathian kumkhua in, a kho mi Pathian hi. A uknak cu siatsuah hi awng tuk ngawlmi le a huham cu bo ni nei tukma hi.”

THIAMPI NADEHNAK 22:20

Sonbangmi ngan na pia uh tale Topa in sang tukma hi.

MIPUM SIALNAK 28:11

Ha sial, ni masabelin, Topa i lakah a nuailam bangin pia un hi. Khuicangno pa nih, tuucang pa khat, kum khat kim tuucangno salih, a venghawngin sonbang ngawl hi tuk hi.

MIPUM SIALNAK 28:3

Topa i lakah an luih biakpiaknak na piak tuk uhmi cu hite hi, hi: nisialin halkang biakpiaknak tukin sonbang ngawl kum khat kim tuucangno pa nih,

MIPUM SIALNAK 28:9

Sabbath ni-in kum khat kim sonbang ngawl tuucangno pa nih, an tuah biakpiaknak tukin olif situi tuah cawhhelmi cangho vam vawh khat le intuk biakpiaknak tuah pia un hi.

MATTHAI 12:28

Khawhuai hawlvawk theihnak huham piatu cu Beelzabul hi ma hi, Pathian i Hawvang hi. Mahti bang a hih hangin Vancung Uknak cu nangmu lakah heng zo tihnak hi.

MATTHAI 16:16

Simon Peter in, “Nang cu a nungmi Pathian Capa Khrih hi ci,” ti hi.

MATTHAI 20:28

Mihing Capa vang cu mahtih bang hi bok hi. Mihing Capa cu mite nadeh atiktu hi ngawlin, mitei nadehsaktu tukin le mi tampi i nunpan tukin a nunnak pia tukin hung hi,” tin ti hi.

MATTHAI 7:11

Mipha ngawlzet hi nave uhcin na ca tei ca in, a pha mi thil pia thei na hi uh tale vancung na Pa uhin, a ngentu tei humah itin kaw thil a phapha pia ngawlin a um tuk?

LUKA 12:24

Va-ak khi zo un: amuh ten anci cing awng haw ma. An hei cawm awng haw ma. An buk le beem hei nei haw ma naven Pathian in vak hi. Nohte cu vano sangin a let tampi in sunglawi saw uh ci.

LUKA 12:28

Tuni in um naven zingten a umleh tuk ngawlmi, mei sung a heng tukmi hampa hempoh hei khi Pathian in mahti bangin a tuam tale noh cu van tuah thuam sesem tukma maw i him? Na muannak uh dem leita hi.

LUKA 4:18

“Topa i Hawvang cu ka humah um hi. Itahim titale mi ca-ngah tei lakah lungdamnak thuthangpha phuang tukin sathau thihsakin kei cu teng zo hi. Saltangmi tei lakah luatnak thu hilh tukin le mitcaw tei khua muhleh theihnak tukin keimah teng zo hi. Bawlsiat thuakte luattik tukin le

JOHAN 3:34

Pathian i tiikmi cu Pathian in, a Hawvang cangkimnak a piak hangin Pathian i thu cu phuang hi.

NUNGZUITU 1:2

a na bawlmi hempoh le a thuzilhmi hempoh cangkim zetin ngan ing. Vancungah laktoh a hih laih ngawlin a tenmi a nungzuitute cu Hawvang Thiangtho huham tuah thuphano in, a zilh celh ten vanah laktohin umta hi.

NUNGZUITU 10:38

Nazareth mi Jesuh i humah iti bangin Pathian in Hawvang Thiangtho le huham buak him tihvang cu thei khawng uh ci. A lakah Pathian a um hangin khua hempoh ah hawhin, thilpha bawl pepel hi. Satan i khalhsiatmi hempoh damtik khawng hi.

NUNGZUITU 14:15

“Hitih bangin itakaw bawl na tum uh? Kohte cu nangmuh bang mihing bok ung hi! A nemcuam ngawlmi thil na bawlnak uh pen lei le van, tuipi le a sung a ummi hempoh a bawltu Pathian nung lakah na kihlehnak tukin Thuthangpha hilh tukin hung ung hi.

NUNGZUITU 15:9

Pathian in amuh le eimu laklawhah deidatnak nei ma hi; a upnak haw i hangin a sualnak haw ngaithiam hi.

ROM Khua Khristian Tei Lakah Paul i Laikuat (Paul’s Letter to the Romans) 1:20

Pathian in hi leipi a bawl pepan muh theih ngawlmi a nundan hihen, kumkhua in, a neihmi huham le Pathian a hihnak hihen ciang zetin muh theihmi hi. Pathian i thil bawlmi hum pen muh theih hi. Mah hangin kuamah in pha thei haw tukma hi.

ROM Khua Khristian Tei Lakah Paul i Laikuat (Paul’s Letter to the Romans) 1:4

Pathian a hihnak le a thianthohnak lamah, thihnak pen thawhtik a hihnak hangin Pathian Capa a hihnak cu a nase zetmi huham tuah langtik zo hi.

ROM Khua Khristian Tei Lakah Paul i Laikuat (Paul’s Letter to the Romans) 11:12

Judah mitei sualnakin hi leihumah thupha tampi hengtik hi; a hawvang lam haw zawngkhalnak hangin Gentail mitei lakah thupha muicu tampi pia hi. Judah mite mahzah tin tekmi miphun cangkim zetin, a tel bok haw ten itihzah thupha tam sesem kam ni!

ROM Khua Khristian Tei Lakah Paul i Laikuat (Paul’s Letter to the Romans) 11:24

Noh Gentail mite cu hampa lakah a pomi olif kung bang uh ci a, a daan bang hi ma naven sattawngin, cinmi olif tuah pehcihmi hi uh ci. Judah mite cu cinmi olif kung a hih haw hangin talhsami a kang ahi haw hei in, a kung lunah pehleh cu Pathian i ca in baih saw ngangai tuk hi.

ROM Khua Khristian Tei Lakah Paul i Laikuat (Paul’s Letter to the Romans) 6:13

Na pumpi hum uh a, a ummi thil dangte vang cu thilpha ngawl sual bawlnakin mang pahsuh un. Mah sangin thihnak pen nunnakah thawhlehtikmi na hih uh bangin, na ihempoh uh Pathian nelah pia saw unna, na nunnak uh a venghawngin thilpha bawlnakin mang saw un hi.

ROM Khua Khristian Tei Lakah Paul i Laikuat (Paul’s Letter to the Romans) 6:22

Mahti bangin thil sual i thaman cu thihnak hi! Mahnaven atu-in sualnak pen luattik hi zo uh ci, Pathian i sila in cang zo uh ci. Na met uhmi cu Pathian nelah nunnak na ap khawng uhmi nunnak thiang hi, mahmi i a suahpihmi cu kumkhua nunnak hi.

1 KORIN 15:45

Itahim titale Lai Thiangtho in, “Mihing masabel Adam cu a nungmi mihingin bawl,” ti hi. Mahnaven a dawltabel Adam cu nunnak piatu Hawvang hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

2 KORIN 6:16

Pathian i biakinn le umngawltu tei milimte itang kaw a lemdun theih haw tuk? Itahim titale oh cu a nungmi Pathian i biakinn hung hi. Pathian amah loli in: “Ka mihing tei lakah ka umnak inn sa tung a, amu lakah um tung. A Pathian haw hi tung a, amuhte cu ka mihing hi haw tuk,” ti hi.

GALATI 2:19

Daan i cungcangah kei cu mithi ing hi; Pathian ca nung tukin Daan in kei thitik zo hi. A thinglamteh humah kei cu Khrih tuah thahcih mi hi zo ing.

EFESA 2:5

eimu sualnak sungah hawvang lam pen a thisa hi nave hungin, Khrih tuah nunnakah tholehtik zo hi. Pathian i hehpihnak thawmin patmi hi uh ci.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

DAAN PIAKLEHNAK 15:21

Mahnaven mah ngan cu tingsapnak pa kha khat nei in, a kebai, a mitcaw, ahimata sonbangnak a nei tale Topa i lakah biakpiaknak tukin pia pahsuh un.

DAAN PIAKLEHNAK 17:1

“Topa na Pathian uh lakah sonbang mi khuicang ahimata tuu cu biakpiaknak tukin pia hihim pahsuh un hi; itahim titale Topa na Pathian uh i huatbelmi hi.

DAAN PIAKLEHNAK 31:27

Iti zahin mi lunglian le mi langpang thei hinnam hi haw him tih cu thei zo ing. Ka nun sung hei in, Topa cu hitihzah tianin langpang haw zo hi.

DAAN PIAKLEHNAK 33:27

Topa cu a kumkhua in, na belhnak uh hi, Kumkhua in, a baanzakmi cu na ngai ngap uhmi baan hi. Mailam na nawt pepel uhten na ngal uhte cu hawlvawkin, thah khawng tukin thupia hi.

DAAN PIAKLEHNAK 5:26

A nungmi Pathian mei sung pen a awn za tu a nung akua poh um haw maw?

1 THESALON 1:9

Na upnak thu uh a thei ngahtu hempoh ten nangmu lakah ka zin uhten itihzah khual pha uh cim tih le itih bangin milim zamsanin, Pathian lam hek uh cim tih le, a dikmi le a nungmi Pathian nadek tukin na zotnak thu uhte cu hilh haw in, a Capa vancung pen a hunnak tuk na ngahnak uh thute vang hilh haw hi.

1 TIMOTE 1:17

Kumkhua in Kumpi, thihnak i neh zawh ngawlmi le mitmuh theih ngawlmi Pathian, amah bek Pathian tatak hi a, a lakah upatnak le sunloihnak kumkhua in kho leng tahen! Amen.

1 TIMOTE 3:15

Mahnaven ngei ka um kha sual tale Pathian i innkua a pawlpi sung uhah iti bangin kaw a umdan tuk uh, hi ka laikuatmi in hilh tuk hi. Pathian i innkua cu kumkhua in, a nungmi Pathian i pawlpi hi a, mah pawlpi cu thutak i zungmutnak le a dingkhotiktu khuam hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 10:10

Itahim titale Pathian i dehtik a nuammi cu Khrih in, a bawl khawng hangin ama pumpi kumkhua phatmi a piaknak hangin ohte a sualnak uh pen thiangtik hi.

HEBRU 10:12

Mahnaven Khrih i biakpiaknakin vei khat pia in, mahmi cu kumkhua ca phaat hi; mah nungten Pathian i taklamah khung hi.

HEBRU 10:2

Pathian a biatu a sualnak haw thiantik ngangai bang ahin sual cangkhualnak umleh tukma tohin, biakpiaknak tihmi hempoh vang um tukma toh hi.

HEBRU 10:22

Mah hangin a kho mi upnak tuah Pathian cu neek tuk hung. Sualnak lungmu thiantikmi le tui tuah thiantikmi a pumpi uh tuah Pathian cu zuan un hi.

HEBRU 11:21

Jakob in upnak a neih hangin a thih deuh laih ngawlin Josef capate thupha muicu pia hi. A thiangkhut ngaingam thahin Pathian bia hi.

HEBRU 13:12

Mah hangin Jesuh vang a thisan cu mipi tei sual thiantiknak tukin khuapi pualeu lamah thi hi.

HEBRU 3:12

Thu umtu u le naute, a nungmi Pathian zamsan a nuamtu, lungmu pha ngawl le umngawltu na hih ngawlnak tukin ngalling un hi.

HEBRU 6:1

Mah hangin mailamah not tuk hung; Khristian thuthang a tawpatnak a, zilhdunnak cu zamsanin, piting hilhdunnakah hawh tuk toh hung. Nemcuamnak imah nei ngawlmi nadeh a zamsa zo uhmi cu a taw pepanleh tukma toh hung. Pathian a upnak uh vang a taw pen panleh tukma toh hung hi.

HEBRU 7:16

Amah cu hi leihum mitei bawlmi, daan le nunphung zui in thiampi a suakmi kha ma hi; asia thei ngawl nunnak i huham hangin a piangmi hi.

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 9:12

Mun Thiangthobel munah kumkhua phaat tukin vei khat bek Khrih a tum ten biakpiaknak tukin keel le khui thite cawi ngawlin ama thisan cawi in, eimu ca in kumkhua nunpatnak bawlsak hi.

HEBRU 9:26

Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

HEBRU 9:7

Thiampi Sang bek, sungta khansungah kum khat, vei khat tum hi. Ama sualnak le mipi ten sualnak a hihlam thei ngawlin a bawl khak haw mi ca in nganhing thisan cawi in Pathian pia hi.

HEBRU 9:9

Hihi cu tehkipnak a hih bangin atu eimu khan hi a tihnuammi hi. A tihsan cu Pathian nelah piakmi laksawng le biakpiaknak nganhing ten Pathian a biatu tei lungmu cangkim zetin thiangtik thei ma tihnak hi.

1 PETER 1:19

A luattiktu cu a sunglawimi, Khrih thisan hi; Khrih cu sonbang ngawl, a thiangthomi tuuno bang hi.

1 PETER 2:22

Khrih in sualnak imah bawl ma hi, a kam pen zolthu son hi tihvang miten thei awng haw ma hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 PETER 4:2

Mah hangin tu pepan leihum nunnak huncan na neih sung uh hempoh mihing deihnak hi ngawlin, Pathian deihnakin uk hen.

1 JOHAN 1:7

Mahnaven amah cu vaknak sungah a um bangin, eimuhte vang vaknak sungah a um uh tale pa khat le pa khat pawlkomnak nei in, a Capa Jesuh Khrih i thisanin, a sualnak uh hempoh thiangtik zo hi.

1 JOHAN 3:5

Khrih cu mihing tei sualnak thiangtik tukin hung hi tih cu thei uh ci a, a sungah sualnak umma hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

1 SAMUEL 17:26

David in, a elkim a ummi tei lakah, “Hi Filistin pa a thattu le hi bang zahcak mualphonak pen Israel mite a luattiktu in i kaw a ngah tuk? A nungmi Pathian i ngalkap zuam ngam tukin hih Filistin pa cu iti bang mihing kaw?” tin ti hi.