HEBRU 9:12 - Ngawm Bible

¹² Mun Thiangthobel munah kumkhua phaat tukin vei khat bek Khrih a tum ten biakpiaknak tukin keel le khui thite cawi ngawlin ama thisan cawi in, eimu ca in kumkhua nunpatnak bawlsak hi.

HEBRU 9:12 Iomraidhean Croise

DANIEL 9:24

“Sualnak le phatngawlnak pen na mihingte le na khuapi a luatnak tukin Pathian in kum sawm salih i let salih teksa zo hi. Sualnak cu ngaihdam hi tuk a, diknak cu kumkhua khohtik tuk hi, a hilhsami le na muhmite cu heng ngangai haw tuk a, Biakinn thiangtho cu a thakin, thianthohtik hileh tuk hi.

THIAMPI NADEHNAK 16:15

Mah nungten Israel tei sualhahnak tukin Keel cu ngo in, a thi cu Mun Thiangthobel ah hunpih tuk hi. Khuicang thi a theh bangbokin mah thi cu Thutiam Kuang sin le mailam mawkah theh tuk hi.

THIAMPI NADEHNAK 4:3

Sathau thihmi Thiampi Sang cu sualin Israel tei nelah sualnak a hen tuk tale, a sualhahnak tukin sonbang ngawlmi khuicang hunpihin, Topa i lakah biakpiaknak bawl tuk hi.

THIAMPI NADEHNAK 8:2

“Aaron le a capate cu Thukham koihnak Puanbuk kongka ah hawhpih inna, thiampi thuam, sathau thih tuk situi, sualhah biakpiaknak tukin khuicangno pa khat, tuucang pa nih le naman hel ngawl cangho bawm khat hunpihin hi.

THIAMPI NADEHNAK 9:15

Mah nungten mipi ca in biakpiaknak bawl hi. Mipi sualhahnak piak tukmi keelcang cu la in, ama sualhahnak tuk a bawl bangin ngo in pia hi.

ZEKHARIAH 3:9

Joshua mai ah mai salih neimi suangtum pa khat koih tung. A humah lai ngan tung a, ni khat sungin hi ngam i sualnak cu laksak khawng tung hi.

MARKA 3:29

Mahnaven Hawvang Thiangtho a sonsiatute cu sual ngaihdamnak ngah haw tukma hi.

LUKA 1:68

Israel tei Topa Pathian cu thangphat nung! A mihingte bawm tukin le luattik tukin hung zo hi.

NUNGZUITU 20:28

Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!

EFESA 1:7

Itahim titale Khrih i thisan i hangin a sualnak uh cu zahin, a luatmi hi zo hung hi. Pathian in, a hehpihnak cu eimu lakah tam zetin, a piak hangin,

KOLOSE 1:14

A Capa i thisan hangin sualzahnak ngah hung a, miluat hi zo hung hi.

1 THESALON 1:10

A Capa Jesuh cu thihnak pen a thawhlehtikmi le a heng tukmi Pathian thinuknak pen ohte pansuaktu hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 10:19

Mah hangin u le naute, Jesuh thisan i hangin Mun Thiangthobel tum theihnak luatnak cangkim nei zo hung hi.

HEBRU 10:4

Itahim titale khuicang thisan le keel thisanin sualnak thiangtik thei awng ma hi.

HEBRU 13:12

Mah hangin Jesuh vang a thisan cu mipi tei sual thiantiknak tukin khuapi pualeu lamah thi hi.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 9:13

A thiangtho ngawl mipi tei humah thiampi pa in keel thi, tuucang thi le halkangmi khuino tei vut cu mipi a theh ten a sualnak haw hempoh thiangtik hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

HEBRU 9:19

Moses in masabelin Daan laibu sung a ummi thukham hempoh cu mipi than hi. Mahten khuicang thisan le keel thisan khi la in tui tuah a loih celh ten, tuumul san kencihmi hyssop tihmi thingkung mangin Daan laibu le mipi cu thehin, “Na zui tuk uh,

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

HEBRU 9:7

Thiampi Sang bek, sungta khansungah kum khat, vei khat tum hi. Ama sualnak le mipi ten sualnak a hihlam thei ngawlin a bawl khak haw mi ca in nganhing thisan cawi in Pathian pia hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 5:9

La thak hi tin sa haw hi. “Nangmah cu laizial latu tukin le tacik duktu tukin tak ci. Itahim titale thahnak thuak zo ci a, na thihnak thawmin phun le nam hempoh le awn namkim ten za in, mi tampi Pathian nelah henpih ci.