HEBRU 8:3 - Ngawm Bible

³ Thiampi hempoh tei nadeh cu Pathian nel a, piakmi laksawng le biakpiaknak tuk a piak haw mi nganhing ap tuk khi hi. Mahti bang bokin a Thiampi Sang uh hei in piak tuk a neih bok kul hi.

HEBRU 8:3 Iomraidhean Croise

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

ROM Khua Khristian Tei Lakah Paul i Laikuat (Paul’s Letter to the Romans) 4:25

Eimu sualnak hangin thihnakah hentik a, Pathian tuah a lemdunnak tukin nunnakah thawhlehtik hi.

ROM Khua Khristian Tei Lakah Paul i Laikuat (Paul’s Letter to the Romans) 5:6

Tih theihnak a neih ngawl laihtak uhin Pathian i hun a sehnak bangin Khrih cu misual tei ca in thi hi.

ROM Khua Khristian Tei Lakah Paul i Laikuat (Paul’s Letter to the Romans) 5:8

Mahnaven Pathian in itih zahin it him tih khi langtik hi; misual a hih uh laih takin eimu ca in Khrih cu thi hi!

GALATI 2:20

Mah hangin a nungmi cu kei hi lehma toh ing. Ka sung a nungmi cu Khrih saw na hi. Atu nung ing ka tihmi cu keimah it in, keima ca nun a piatu Pathian Capa upnak tuah nung ing.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 2:17

“Abraham casuante bawm hi,” tih hi saw hi. Mahti bang a hih hangin ihempoh ah unaupih bangbok kul hi. Mahtin a hihnak cu mihing ten sual ngaihdamnak a ngah theihnak tukin Pathian nadehnakah muantak le hehpihnak neitu Thiampi Sang hih theihnak tukin hi.

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

HEBRU 5:1

Thiampi Sang hempoh cu mipi sung pen tenmi haw hi. Mipi ai-awhin Pathian nadektu tukin koihmi haw hi. A nadeh haw cu biakpiaknak le sualsik biakpiaknak piatu haw hi.

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 8:4

Leihumah a um leleng ahin thiampi dek tukma hi, itahim titale Judah daan in laksawng piakmi a aptu tuk thiampi a dang um leng haw hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.