HEBRU 8:2 - Ngawm Bible

² Mun Thiangthobel ah Thiampi Sangbel nadekin, mah mun cu mihing tei sakmi puanbuk hi ngawlin, Pathian amah loli i bawlmi puanbuk ngangai hi.

HEBRU 8:2 Iomraidhean Croise

SUAHTULNAK 25:9

Ka puanbuk thiang le a sung a, na hempoh cu ka lak tukmi bangin bawlin hi.

SUAHTULNAK 28:1

“Keima thiampi dek tukin Israel mipi lak pen a dangno in, na u Aaron le a capa Nadab, Abihu, Eleazar le Ithamar na lakah samin hi.

SUAHTULNAK 28:35

Aaron cu thiampi na a deh sial ten mah angki cu silh leleng tuk a, a thih khak ngawlnak tukin, Topa i mai, Mun Thiangtho sungah a tum le a tul sial ten khing nging seselno cu zak hi tuk hi.

SUAHTULNAK 33:7

Israel miten ngiahnak mun a suumnak haw tihkimah Moses in Puanbuk cu la in ngiahnak mun pen a pualam khawla deuhah sa hi. Mah Puanbuk cu, “Topa i Umnak Puanbuk,” tin, a minsa hi. Topa a tawk nuam cu ngiahnak mun pen tulin mah Puanbukah hawh mek haw hi.

LUKA 24:44

Amuh tei lakah, “Nohtei lakah ka umlaihin ka hilh lihmi thu cu a hite toh hi: Moses Daan laibu sung a, profet hempoh tei laingatmi sung le Saam laibu sung a, keima thu a ngat haw cu a cangkim khawng kul tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 15:8

Ka hilh nuammi cu himi hihi: Judah tei ai-awhin Khrih cu umlawhin cang hi; mahmi cu Pathian in, a pupa tei lak pen a thutepmi kimtiknak tukin le Pathian cu muantak hi tih langtiknak hi.

2 KORIN 5:1

Ohtei umnak hi leihum thi le sa pumpi hi a siat khawng hei in, Pathian in vancungah eimu umnak tuk a sakmi, kumkhua a sia thei ngawlmi inn, eimu ca in koih hi tih cu thei hung hi.

KOLOSE 2:11

Khrih tuah na pehzomdun uhnak hangin vunceptalhmi hi uh ci; mah vunceptalhnak cu mihing tei bawlmi kha ma hi. Khrih i hangin bawlmi hi a, sual nuamnak le tisa nopnak sung pen luat khi hi.

HEBRU 10:11

Judah thiampi tei dehvo cu nisial dekin, a piak mek haw biakpiaknak cu vei tampi pia haw hi. Mahnaven biakpiaknakin sualnak thiang awng ma hi.

HEBRU 10:21

Vanhum a Pathian i innpi cingkhawitu tukin thiampi cuangcung nei hung hi.

HEBRU 11:10

Itahim titale Pathian hi kumkhua kho tukin bulphuhmi, a tawphah khimmi le a sakmi khuapi sung um tukin ngak hi.

HEBRU 9:1

A masabel thutiamnak hei ah biaknak daan nei in, mihing tei bawlmi biaknak mun vangin nei hi.

MANGMUHNAK 21:3

Kumpi khunnak pen aw ngingzet ka zakmi in, “Pathian umnak inn cu mihing lakah hi zo! Amah cu amu lakah um tuk a, amuhte cu ama mihing hi haw tuk hi. Pathian amah loli cu amu lakah um tuk a, a Pathian haw hi tuk hi.