HEBRU 8:13 - Ngawm Bible

¹³ Hitih bangin Pathian in thukham thak a hilh hangin a masa cu a lunah cang zo hi, mahten a lunmi le a balkek zo mite cu a ngei ngawlin paithong tuk hi.

HEBRU 8:13 Iomraidhean Croise

ISAIAH 51:6

Vante cuan teh hem un. Leipi khi cuan hem un! Van khi meikhu bangin pai haw tuk a, Leipi hi, puan lun bangin balkek tuk hi. Mi hempoh cu tho bangin thi khawng haw tuk naven ka mipatnak cu kumkhua phat tuk hi. Ka minehnak cu kum zangza in kho tuk hi.

MATTHAI 24:35

Lei le van cu bo haw tuk naven, ka awnkam cu bo awng hihim tukma hi.

LUKA 22:20

Mahti bang lelengin, takeih a eih celh haw ten khuathai cu la in, “Hi khuathai cu nohtei ca in, a luangmi ka thisan tuah khotiktu Pathian i thutiam thak hi.

1 KORIN 13:8

Itnak cu bo thei ma hi. Thuhilh thiamnak a um hei in bo tuk hi, awn phundang tuah ot theihnak a um vangin bo tuk hi. Thiamnak le theihnakte lalthong khawng tuk hi.

2 KORIN 3:6

Thutiam Thak nadektu ka hih theihnak uh cu amah in thazaang a piaknak hangin hi. Mah thutiam thak sungah lai in ngatmi thukham umma hi. Hawvang saw um hi. Thukhamin thihnak hengtik naven Hawvangin nunnak pia hi.

2 KORIN 5:17

A kuakua hei hihen Khrih tuah pehzomdun tale semsuah thakmi hi; a nunlun cu bo in siam thakmi hi zo hi.

HEBRU 1:11

Mahte cu lalthong khawng haw tuk naven nang cu a bangleng tuk ci. Amuh cu puan bangin sia haw tuk hi.

HEBRU 12:24

Abel thisan sangin a thupha saw in, a sontu, Jesuh thehmi thisanah heng zo uh ci.

HEBRU 7:22

Hitih bangin a dangdunnak haw in, Jesuh cu a pha saw mi thutiamnak amahkhan in cang hi.

HEBRU 8:6

Mahnaven amu dehmi sangin a cuangcung saw mi thiampi nadehnak cu Jesuh lakah piak hi zo hi. Pathian le a mitei laklawhah Jesuh i bawlmi thutiamnak cu a pha saw mi tepdunnak a hih bangin thiampi nadehnak vang cu a pha saw mi bok hi.

HEBRU 8:8

Mah hangin Pathian in, a mihingte cu mawhsiatin, “Topa in hi tin hilh hi; Israel le Judah mite tuah thutiamnak thak ka bawl tuk uh hun heng hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.