HEBRU 8:1 - Ngawm Bible

¹ Atu-in, a son nuambel uhmi cu: Vanhum a Pathian khunnak taklam loli ah a khung theitu Thiampi Sangbel nei hung tihmi khi hi.

HEBRU 8:1 Iomraidhean Croise

1 KHANGSIALNAK 29:11

Topa aw, nang cu Cungnungbel huham neitu, sunloih takbel le a sangbel kumpi hi ci. Lei le van a, na a, ummi hempoh nata hi khawng hi, ihempoh i humah kumpi le uktu bawibel hi ci.

JOB Laibu (The Book of Job) 37:22

Saklam pen sui bangin a almi lang, Pathian i huham thawm ngengnak tuah ka lungmu uh dim.

SAAM LABU 104:1

Maw ka nunnak, Topa cu thangphatin, Maw Topa ka Pathian, na thawmngeng dan! Upatnak le sunloihnak cu puan bangin silh ci a,

SAAM LABU 110:1

Topa in, ka kumpi bawipa i lakah “Na ngalte na ke sihnak nuai ah ka koih laklawh, ka taklamah khungin,” ti hi.

SAAM LABU 145:12

Mi hempohin nalamdang na bawlmi le na uknak huham sunglawi cu thei haw tuk hi.

SAAM LABU 21:5

Na bopnak bangin a sunloihnak cu ngeng hi. Hauhsaknak le minthannak pia ci.

ISAIAH 24:14

A tang calamte cu lungdam zetin lasa haw tuk hi. Nitumnak lamah a ummi ten Pathian i thawmngeng dan phuang haw tuk a,

MIKAH 5:4

Amah a hun ten Topa i ngilnak le Topa Pathian i huham tuah a miphunte cu uk tuk hi. Leihum mi hempohin, a thawm ngengnak amuh haw hangin a mihingte cu himdam zetin um haw tuk a,

MARKA 16:19

Topa Jesuh cu amu lakah thu a hilh ceng ten vancungah lak tohin um a, Pathian taklamah khung hi.

EFESA 6:20

Atu-in thawng sungah um naveng, Thuthangpha phuangtu palai ing. Thuthangpha cu ka phuan tuk a hih bangin ngalhang zetin ka phuan theihnak tukin thungetsak un hi.

KOLOSE 3:1

Noh cu Khrih tuah nunnakah thawhtik zo na hih uh hangin na lungmu uh cu vancungah bulh un hi; Pathian taklamah a ummi Khrih i khunnak vancung khi ngaisung un hi.

HEBRU 1:13

Pathian in, a vancungmi lakah, “Na ngalte na ke nuai ah ka koih laklawh ka taklamah khungin hi,” tin ti awng ma hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 10:12

Mahnaven Khrih i biakpiaknakin vei khat pia in, mahmi cu kumkhua ca phaat hi; mah nungten Pathian i taklamah khung hi.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.

HEBRU 2:17

“Abraham casuante bawm hi,” tih hi saw hi. Mahti bang a hih hangin ihempoh ah unaupih bangbok kul hi. Mahtin a hihnak cu mihing ten sual ngaihdamnak a ngah theihnak tukin Pathian nadehnakah muantak le hehpihnak neitu Thiampi Sang hih theihnak tukin hi.

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

HEBRU 4:14

Mah hangin a upnak uh khi khim zetin lenkhim lo tuk hung. Itahim titale Pathian Capa Jesuh cu eimuh tei Thiampi Sang hi a, amah cu Pathian i umnak loli ah heng zo hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.