HEBRU 7:27 - Ngawm Bible

²⁷ Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 7:27 Iomraidhean Croise

EZEKIEL 43:19

Levi hinnam thiampi Zadok casuante bek ka nadektu tukin ka umnak munah tum thei haw tuk hi. Hi thu cu Cungnungbel Topa keima thupiakmi hi. Sualhah biakpiaknak tukin khui cangno pia in hi.

THIAMPI NADEHNAK 16:11

Aaron in ama sualhahnak le a innkua sualhahnak tuk khuicang biakpiaknakah a piak ten,

THIAMPI NADEHNAK 16:15

Mah nungten Israel tei sualhahnak tukin Keel cu ngo in, a thi cu Mun Thiangthobel ah hunpih tuk hi. Khuicang thi a theh bangbokin mah thi cu Thutiam Kuang sin le mailam mawkah theh tuk hi.

THIAMPI NADEHNAK 16:6

Ama sualhahnak le a innkua tei sualhahnak tukin khuicang pa khat biakpiaknak tukin pia tuk hi.

ROM Khua Khristian Tei Lakah Paul i Laikuat (Paul’s Letter to the Romans) 6:10

Mahten a thih zo hangin sualnakin ukleh thei ma toh hi. Atu a nunnak cu Pathian tuah pehzomin nung hi.

EFESA 2:22

Amah tuah na pehdunnak uh thawmin nangmuh vang amah umtu midangte tuah Hawvangin Pathian i umnak inn tukin sakcihmi hi zo toh uh ci.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 5:1

Thiampi Sang hempoh cu mipi sung pen tenmi haw hi. Mipi ai-awhin Pathian nadektu tukin koihmi haw hi. A nadeh haw cu biakpiaknak le sualsik biakpiaknak piatu haw hi.

HEBRU 5:3

Mahti bangin tingsapnak a neih bok hangin midang tei sualnak ca bek hi ngawl, ama sualnak ca hei in, biakpiaknak a piak kul hi.

HEBRU 8:4

Leihumah a um leleng ahin thiampi dek tukma hi, itahim titale Judah daan in laksawng piakmi a aptu tuk thiampi a dang um leng haw hi.

HEBRU 9:12

Mun Thiangthobel munah kumkhua phaat tukin vei khat bek Khrih a tum ten biakpiaknak tukin keel le khui thite cawi ngawlin ama thisan cawi in, eimu ca in kumkhua nunpatnak bawlsak hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

HEBRU 9:25

Judah mi Thiampi Sang cu kumsialin nganhing thisan kengin Mun Thiangthobel ah tum hi. Mahnaven Khrih cu amah le mah biakpiaknakah pia cop tukin vei tampi tum ma hi.

HEBRU 9:26

Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

HEBRU 9:7

Thiampi Sang bek, sungta khansungah kum khat, vei khat tum hi. Ama sualnak le mipi ten sualnak a hihlam thei ngawlin a bawl khak haw mi ca in nganhing thisan cawi in Pathian pia hi.