HEBRU 7:25 - Ngawm Bible

²⁵ Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

HEBRU 7:25 Iomraidhean Croise

JOB Laibu (The Book of Job) 22:17

Hite cu Pathian a eltu le, ka hum uhah imah bawl thei tukma tin a ngaisungtute hi.

JOB Laibu (The Book of Job) 23:3

A hawhnak lampi ka thei ahin, A umnak mun vang ka thei ahin, nuamzet sing!

ISAIAH 45:22

Leihum mihing hempoh, Keima lamah hekkik unna, nunpatnak ngah tuk uh ci. Keimah bek Pathian um ing.

ISAIAH 45:24

Keima nel bekah, nehnak le ngilnak um, tih phuang tek haw tuk hi. Mahnaven keimah a huatu cu zahcaknak tawk haw tuk hi.

ISAIAH 53:12

Mah hangin amah cu upatnak mun pia tung a, mihau le mi ngil tei lakah koih tung hi. Lungkim zetin, a nunnak a piak hangin mipha ngawl tei lakah sialcih hi zo. Misual tei sualman thuakin, a sual haw ngaihdam ngetsak hi,” tin ti hi.

ISAIAH 59:16

Nuainep mite bawmtu tukin kuamah um haw ngawl amuh ten amzet hi, mah hangin ama cahnak huham cu mang tuk a, nehtu hi tuk hi.

ISAIAH 63:1

Edom ngam Bozrah khua pen a hung li laih mipa hi akua kaw? A san zetmi puan tuah thuamin, a nase zetmi a ngilnak tuah a hawhtu hi akua kaw? Topa pah cuh! Mi pan tukin mi ngilzet hi, a mi nehnak thuthan tukin a hung mi hi!

JEREMIAH 3:22

Topa a nunghektu mi hempoh kikleh un hi; amah in damtik tuk a, muantakmi in bawl tuk hi. Noh ten, “Mahzuh hi, Topa i lakah kikleh ngai nung, itakaw titale amah cu eimuh tei Pathian hi.

DANIEL 3:15

Atu-in pengkul, pheveu, lemlawi, tingtang le a nging theimi hempoh tum haw tuk a, mah na theihbek uhten na lu uh kunin milim hi bia tuk uh ci. Na bia nuam uh ma tale manlang zetin mei alh sungah vawk hi tuk uh ci. Nangmuh a hum theitu tuk pathian um hi tin um uh cim?” tin ti hi.

DANIEL 3:17

Mei-alh sung pen a hup theitu Pathian a um ahi tale ka biak uhmi le a na ka deh uhmi ka Pathian bekin na ngilnak huham sung hei pen hup tuk hi.

DANIEL 3:29

“Mah hangin atu-in thupia ing hi: Akua bang miphun le nam ahi haw hei in, iti bang awn mangtu ahi haw hei in, Shadrak, Meshak le Abednego tei Pathian upat ngawlin a awntu a um haw tale amuh cu a khut le a ke haw bawhkek khawngin le a inn haw cu buak vawknakin cang tuk hi. Hiti bangin mi humhim theitu pathian dang ilai hei ah umma,” ti hi.

DANIEL 6:20

A hen ten, “Maw Daniel, a nungmi Pathian nadektu! Muantak zetin, a na nadehmi na Pathian in kiosa kam sung pen hup thei a maw, tin au hi.”

DANIEL 9:16

A bosa hun sungin nang cu kohte pantu hi leleng ci, mah hangin Jerusalem humah na thinuk zal toh pahsun. Jerusalem cu nangma khuapi le na mual thiangtho hi. Keimu sual hangin le ka pu le pate a sual haw hangin a elkim ngammi hempoh ten Jerusalem le na mihingte cu nautat haw hi.

JOHAN 14:13

Pa i minthannak cu Capa i hu le thawm tuah a lang theihnak tukin keima minin, na nget uhmi hempoh cu bawlsak tung hi.

JOHAN 14:16

Ka pa i lakah ngen tung a, bawmtu dang Hawvang Thiangtho nohte pia tuk hi. Amah cu nohtei lakah kumkhua in um tuk hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

ROM Khua Khristian Tei Lakah Paul i Laikuat (Paul’s Letter to the Romans) 5:10

Ni dang laihin, Pathian ngal hi nave hung, atu-in, a Capa i thisan hangin a ngualcamin bawl zo hi. Pathian i ngualcam a hih zo uh hangin Khrih i nunnakin itih zahin ohte cu nunpan tuk him?

ROM Khua Khristian Tei Lakah Paul i Laikuat (Paul’s Letter to the Romans) 5:2

Upnak hangin a co uhmi Pathian i hehpihnak sungah Aman henpihin, atu-in mah a hehpihnak sungah um hung. Mah hangin Pathian i thawm ngengnak co thei bok tuk hung tih muansannak a um hangin lungnopzet hung hi.

ROM Khua Khristian Tei Lakah Paul i Laikuat (Paul’s Letter to the Romans) 8:34

Akua in kaw sual a nawn tuk? Khrih Jesuh in mawhsiat tukma hi; amah cu eimuh tei ca thi in thawhlehtik a hih nungten Pathian i taklamah umin, eimu ca in Pathian nelah ngetsak hi.

1 KORIN 1:21

Mihing ten amu cihnak tuah Pathian a theih ngawlnak haw tukin Pathian in ama cihnak tuah bawlhamsa zo hi. “Sil thu” hi tin, a ngaihsut haw mi Thuthangpha a umtute nunpan tukin Pathian i bawlmi hi.

EFESA 2:18

Khrih i hangin Judah mi hihen, Gentail mi hihen, a venghawng uhin Pa Pathian mai ah Hawvang pa khat i hangin zuan thei hung hi.

EFESA 3:12

Khrih tuah a pehzop dunnak uh i hangin le Amah a upnak uh i hangin Pathian umnak munah lungmuang zetin tum theihnak nei hung hi.

EFESA 3:20

Eimu sungah a huham tuah nadektu in, a nget theih uhmi le a ngaihsut theih uhmite sangin a let tampi in dek thei hi.

FILIPI 3:21

Amah in imah ngawl a thi thong theimi a taksa pumpi uh hi a sunglawi mi ama pumpi bangin thek tuk hi; mahmi bawlnakin ihempoh ama uknak nuai ah koih theihnak huham mang tuk hi.

1 TIMOTE 2:5

Itahim titale Pathian pa khat bek umin, mihing le Pathian laklawhah lemnak a bawltu kamtai pa khat bek um hi.

2 TIMOTE 1:12

Hi bangin ka thuaknak cu mahmi hangin hi. Mahnaven ka muansanmi akua him tih ka theih hangin lungmuannak a dimin nei ing. Mah hangin ka khut sungah a keptikmi cu mah ni khua a hen tianin himdamno in, amah in cingkhawi tuk hi tih cangcian zetin thei ing.

HEBRU 11:6

Upnak ngawl tuah kuamah in Pathian lungdamtik theih ma hi, itahim titale Pathian a zuantu in Pathian um hi, tih le amah a zeitu tei lakah laksawng pia hi tih a up haw kul hi.

HEBRU 13:15

Mah hangin a biakpiaknak uh ai-in, thangphatnak cu Pathian nelah pia leleng nung; mahtin a piak uhmi cu a kam uh pen Jesuh cu a Topa uh hi tin, a phuannak uh hi.

HEBRU 2:18

Amah loli in sualsohnak le haksatnak thuak zo a hih hangin atu-in, sualsoh a thuakmite bawm thei hi.

HEBRU 2:9

Mahnaven Jesuh cu Pathian i hehpihnak hangin mi hempoh ca tukin a thihnak tukin hun comno sung vancungmite sangin niam saw deuhin, bawl hi tih mu hung. Mahti bang thihnak a thuak hangin atu-in sunloihnak le upatnak lukhu khu in mu hung hi.

HEBRU 5:7

Leihum a umlaih khin Jesuh in thihnak pen a nunpantu Pathian nelah ngingzet au in, hitui luang thah thungen hi. Mi niamkhiat le nun piatu a hih hangin Pathian zaksak hi.

HEBRU 7:16

Amah cu hi leihum mitei bawlmi, daan le nunphung zui in thiampi a suakmi kha ma hi; asia thei ngawl nunnak i huham hangin a piangmi hi.

HEBRU 7:19

Itahim titale Moses Daan in cangkimin imah a bawl theihmi umma hi; mahnaven atu-in Pathian a nek theihnak tukin a pha sesem mi muansannak pia zo hi.

HEBRU 7:24

Mahnaven Jesuh cu kumkhua nungin, thiampi hi leleng hi.

HEBRU 7:8

Levi casuan thiampi tei thu ah seh sawm seh khat cu a thileh tukmi mihing ten co haw hi, mahnaven Melkhizedek i thu ah Lai Thiangtho hilhnak bangin, seh sawm seh khat cu a nungmi in co hi.

HEBRU 9:24

Mah a tatak a cuncop haw mi, mihing tei bawlmi Mun Thiangtho sungah Khrih cu tum ma hi. A tumnak cu vancungah hi a, atu-in eimu ai-awhin Pathian i mai ah um hi.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,