HEBRU 7:16 - Ngawm Bible

¹⁶ Amah cu hi leihum mitei bawlmi, daan le nunphung zui in thiampi a suakmi kha ma hi; asia thei ngawl nunnak i huham hangin a piangmi hi.

HEBRU 7:16 Iomraidhean Croise

ROM Khua Khristian Tei Lakah Paul i Laikuat (Paul’s Letter to the Romans) 7:14

Daan cu hawvang lam thil hi tih khi thei hung hi; mahnaven kei cu tisa mi ing a, sualnak i sila tukin zuakmi ing.

GALATI 4:3

Mahti bangin eimuhte vang cu hawvang lam pen a piting uh laih ngawl sungin lei le van laklawh a thuneitu hawvang tei sal hung hi.

GALATI 4:9

Mahnaven atu-in Pathian thei ngah zo uh ci. Mah ahimata Pathian in nohte thei ngah zo hi, mah nungten itin kaw mahtih bang hawvang nawmtam le nemcuamnak nei ngawl tei lakah na kihleh nuam lih uh? A sila haw hileh tukin itin kaw na nuamleh uh?

KOLOSE 2:14

A sualnak leiba sialsiahnak cazin sung a ummi, mi a ken lotu daan neunote tuah thinglamteh humah khencihin phiat mai khawng zo hi.

KOLOSE 2:20

Khrih a thih ten nohte vang cu thi bok uh ci; mah hangin van le leihum uktu hawvang i khut sung pen nohte luat zo uh ci. Mahti bang hi na pi in, itakaw leihummi bangin na nun uh laih? Daan noinang ten,

HEBRU 10:1

Judah tei Daan in, a tatakmi cu ciangzet le kim zetin langtik thei ma hi; a heng tuk laihmi thilpha i limlak hamnak bek hi. A bawl lih mek haw biakpiaknak cu kumsialin bawl leleng haw hi. Mah ahi tale itakaw Daan zui in, Pathian a zuantu khi mi cangkimin, a bawl theih tuk?

HEBRU 7:15

Hi thu cu a ciang sesemmi hi; Melkhizedek bang thiampi a dang pa khat suak zo hi.

HEBRU 7:17

Itahim titale Lai Thiangtho in, “Nang cu Melkhizedek thiampi ngui zui in kumkhua thiampi hi tuk ci,” ti hi.

HEBRU 7:21

Mahnaven Jesuh cu thutiamnak tuah thiampi suakin, a lakah Pathian in, “Topa in thutiamnak khohzet bawlin, a thu cu khinleh tukma toh hi; Nang cu a kumkhua in thiampi hi tuk ci,” ti hi.

HEBRU 7:28

Moses daanah mi cangkim ngawlmi khi thiampi sangin bawl hi. Mahnaven Moses Daan nungten a hengmi thutiamnak tuah bawlmi Pathian thutiamnak cu kumkhua cangkimin, bawlmi a Capa khi Thiampi Sang in teng hi.

HEBRU 7:3

Melkhizedek tih hi a nu le pa, a pi le pu tei cikhaih thu ngatnak le a suahnak le thihnak tangthu imah lai ah umma hi. Pathian Capa bang hi; Mahten kumkhua in thiampi pa hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

MANGMUHNAK 1:18

A nungmi hei hi ing. Thi zo na vengin atu-in kum zangza ca in nungleh zo ing. Thihnak le mithi khua ah thuneitu ing hi.