HEBRU 6:9 - Ngawm Bible

⁹ Ka ihmi u le naute aw, hitih bangin hilh nave ung, noh tei cungcangah thinnopzetnak nei ung hi. Noh ten muicu thupha saw a himi nunpatnak nei uh ci tih khi thei ung hi.

HEBRU 6:9 Iomraidhean Croise

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

MARKA 16:16

A kuakua hei hihen a thu umin, tuiphumnak a ngahtu hempoh cu nunpat hi haw tuk hi. Mahnaven a thu um ngawlte cu sual thaman thihnak thuak haw tuk hi.

NUNGZUITU 11:18

Mahmi a zak haw ten a sonsiatnak haw cu cawl haw a, Pathian thangphatin, “Pathian in Gentail mitei lakah vangin sualsikin le nung tukin hun pia bok hi,” tin ti haw hi.

NUNGZUITU 20:21

Judah le Gentail mitei lakah hihen, a sualnak haw zamsanin, Pathian nelah kiklehin, a Topa uh Jesuh a up haw a kul hihim tin ka hilh i humah ngallinnak tuk vang celzet hilh ing.

1 KORIN 10:14

Mah hangin ka ihmi ka ngualcamte aw, milim biak cu pial un hi.

2 KORIN 12:19

Nangmu mai ah keimuh le keimuh hupdun cop li hengin ngaisung kha tuk uh ci. Mah kha ma hi! Pathian i mitmuhah Khrih in ottik a nuammi khi awn ung. Ka itmi u le naute aw, ihempoh ka bawl uhmi hi nangmuh bopnak tuah ngehin ka bawl uhmi haw hi.

2 KORIN 7:1

Ka ihmi u le naute aw, hi thutepnak hempoh hi eimu lak a tepmi hi. Mah hangin taksa pumpi hihen, Hawvang hihen, a nintiktu pawpoh cu vawkin, a thiangthono in um nung hi; Pathian upat le kihcaknak tuah nungten nung.

2 KORIN 7:10

Pathian in thasiatnak cu thintheknakin mangin nunpatnakah hengtik hi. Mah hangin mah lungsiatnak hangin sihlehnak imah umma hi, mahnaven leihum lungsiatnak thong ahi tale thihnak hengtik hi.

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

HEBRU 10:34

Thawngtate a haksatnak haw thuakpih uh ci. Na neih uhmi van hempoh a lonsak khawng haw ten, na sunnak uhte cu lungdamin umpih thei uh ci; itahim titale hi vante sangin a pha saw mi le kumkhua a kho leleng tukmi nei leng hung tih khi thei uh ci.

HEBRU 10:39

Ohte cu nungkikin, a pha thongmi hi ma hung hi. Upnak nei in, nunpatnak a cotu saw hung hi.

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.

HEBRU 5:9

Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

HEBRU 6:10

Pathian in mi deidan ma hi. Na nadeh uhmi ah Pathian na itnak uh langtikin, Khristian unaupihte na bopnak uh le atu na bop lih laih uhte khi Pathian in sialsiah sak leleng hi.

1 PETER 2:11

Ka ihmi ka ngualcamte, hi leihumah mikhual le ngaltaimi bangkek hi nave uhcin, nangmuh tei lakah hehpih kun ing. Hawvang tuah a ngaldun lelengmi tisa i deihnakin neh pahsuh hen.

2 PETER 3:1

Ka ih mite, himi hi nangmu lak a, ka kuatmi a vei nihnak lai hi. Ka laikuat a vei nih mahin, ka tuptahmi cu nangmuh tei lungmu sungah ngaihsutnak thiang um pan hen tih theilehtik nuam ing.

1 JOHAN 2:7

Ka ihmite aw, nangmu lak a, ka ngatmi thupiaknak hi a thak hi kha ma hi; a tung pepan na neih uhmi thupiaknak lun khi hi. Mah thupiak lun cu na theihsa uhmi thu hi.

JUDE 1:3

Ka ihmi u le naute aw, a venghawng uhin, a pom ten uhmi nunpatnak thu hi ka theihzahno in, nangmu lakah lai tuah ngan ing hi; Pathian in, a mihing tei lakah kumkhua phaat tukin a piakmi upnak thu ah thasuahin tang unna, zuam un tin, a dang saw deuhin, sosuah nuam ing.