HEBRU 6:8 - Ngawm Bible

⁸ Mahnaven ling le hampa bek a pototiktu lei cu nemcuamnak imah nei ma hi; Pathian i tamsiat thuakin, mei tuah haal khawngmi hileh tuk hi.

HEBRU 6:8 Iomraidhean Croise

PIANPATNAK 4:11

Nang cu na umnak mun lei pen hawlvawkin, tamsiat hi zo ci. Na khutin, a tultikmi na naupa i thisan hup tukin leipi cu a kamka in dawh leng zo hi.

PIANPATNAK 5:29

“Topa i tamsiatmi leihum hihimah hi capa cu ka cimkhamnak sung pen a suahtu hi tuk hi,” ti in, a min Noah sa hi.

2 Samuel 23:7

Lak tukin hiamnam le ceipi man kul hi. Mei a haal khawng hi haw tuk ti hi.

JOB Laibu (The Book of Job) 31:40

Ka lo ah sangvut le cang sang ai-in hampa le ling po saw tahen. Job i awn cu bota hi.

SAAM LABU 107:34

Ngampha cu ngamko le ngamphulin cangtik hi. Mahlai ummi tei phatngawlnak hangin

ISAIAH 27:4

Atu-in, ka sabit huan i humah thinuk lehma toh ing. Ling le so a um haw tale keimah in do tung a, halkang pilpial tung hi.

JEREMIAH 17:6

Amah cu phillawn a po mi sawlbawk bang hi. Ngamko le ngamkhing lei alnak ngam, imah a po thei ngawlnak sawlbawk bang hi. A lakah thilpha imah heng awng ma hi.

JEREMIAH 44:22

Tuni tianin, na ngam uh cu calubuak bangin mihing kuamah um haw ma. Mullinghahin, na thil sual bawl uhmi le thilpha ngawl na bawlmi uhte cu Topa in, a sup theih ngawl toh hangin na ngam min uh cu miten tamsiatnakin mang haw hi.

EZEKIEL 20:47

Cungnungbel Topa i otmi cu hanglam tupi lakah hilhin hi. Zo in! Keimah in meilam tung a, thingkung a ko hihen, a hing hihen na sung a um thingkung hempoh kang khawng tuk hi. Kuamah in cuhmit thei haw tukma hi. A bul pen huhto tuk a, mi hempoh ten thuak haw tuk hi.

MALAKHI 4:1

Ihempoh tithei Topa in, “Somei bangin a lingmi meiling heng tuk hi. Mi pualthau le mipha ngawlte cang kungko bangin a halkang ni heng tuk toh hi. Mah ni ten amuhte cu mei tuah haltum khawngin, a zung le a kangkakte vang imah tang tukma toh hi.

MATTHAI 25:41

“Mahten a veilamah a um tei lakah, ‘Noh Pathian i tamsiat mite ka lak pen tai un. Satan le a zuitu tei ca in bawlsa, a mit awng ngawl meipi sungah hawhta un.

MATTHAI 3:10

Thingkungte phuhnak tukin a bulah heipi koihin um zo hi. Ngah pha a ngah ngawlmi thingkung hempoh cu phuh hi haw tuk a, mei sungah vawk hi tuk hi.

MATTHAI 7:19

Ngah pha a ngah ngawlmi thingkung cu phukin, mei sungah haal mek haw hi.

MARKA 11:14

Jesuh in, “Kuamah in, na ngah cu eileh haw ma toh hen,” tin theikung cu ti hi. A nungzuitu ten mah tin, a ot cu za bok haw hi.

MARKA 11:21

Peter in phawk lehin, Jesuh lakah, “Sazapa, zo hemin,! Na tammi theikung cu thi zo toh hi!” tin ti hi.

JOHAN 15:6

Keima sungah a umngawltu cu sabit kung vawkin, a ko mi bang haw hi. Mahtibang a kangkote cawm khawmin, meipualah vawk haw a, kangtum khawng hi.

DAAN PIAKLEHNAK 29:28

Topa cu a thinukzet hangin a mihingte cu a ngam haw pen lawntulin, ngamdangah vawk hi, tuni tian mahlaiah umta haw hi.’

HEBRU 10:27

Amu ca in, a heng tukmi Pathian thukhennak le Pathian a dotute kang khawngtu tuk a lauhuai meipi khi lau mahtakin ngak tuk bek na hi haw hi.

HEBRU 12:17

Na theih uh bangin a nungten a pa i lak pen thupha ngahleh nuam naven ngahleh thei ma toh hi; mit hitui tuah a ngenleh li vangin a bawlsa mi cu khelhleh theih ma hi.

MANGMUHNAK 20:15

Akua hei hihen nunnak laibu sung a, min ngan ahi ngawl hempoh cu tuiting bangmi meipi sungah vawk na hi haw hi.