HEBRU 6:5 - Ngawm Bible

⁵ Pathian awnkam a phadan thei ngahtu vang hi haw in, a heng tuk laihmi hun i huham vang a teptu le a thei ngahtute haw hi.

HEBRU 6:5 Iomraidhean Croise

SAAM LABU 34:8

Topa i phat daan cu nangmuhno tep ten un; A lakah himnak a ngahtu cu mi muicu haw hi.

MATTHAI 12:32

Mihing Capa a sonsiatu cu ngaihthiam theih hi tuk hi. Mahnaven Hawvang Thiangtho a sonsiatu cu atu khangah hei hihen, mailam khangah hei hihen ngaihthiam hi haw tukma hi.

MARKA 6:20

Herod in Johan cu mipha le a thiangtho mihing hi tin, a theih tak cu lau emin hup lo hi. Herod in, Johan i ama thu a hilhte cu a zak sial ten a lungnop awng ma naven a thuhilhte cu ngai nuamzet hi.

LUKA 8:13

Suang humah a cuu mi anci i sullam cu Pathian thu cu zain, lungdam zetin pom naven a lungmu sungah thuk zetin tum ngangai ma hi. Hun comno sung um naven sualsohnak a hen ten a tuleh khi hi.

EFESA 6:17

Mahten lukhu ai-in nunpatnak khi la unna, Hawvang i piakmi ngalnam ai-in Pathian i awnkam khi keng un.

HEBRU 11:3

Upnak a neih uh hangin lei le van hi Pathian awnkam tuah bawl tih khi thei hung hi; mah hangin Pathian in muh theihmi bawlnakin, muh theih ngawlmi mang hi.

HEBRU 2:5

Pathian in, a heng tuk laihmi tin, a son lih uhmi lei thak uktu tukin vancungmite koih awng ma hi.

HEBRU 4:12

Pathian i thu cu nungin, thil tithei hi. Lang nih a hiammi naam sangin hiam saw hi. Nunnak le hawvang a tawhdunnak haw le nguh le ling tei pehdunnak tianin paihlet veu in sunlet khawng thei hi. Mihing tei lungmu deihnak le a ngaihsutnak haw thei khawng hi.

1 PETER 1:25

Mahnaven Topa i thu cu kumkhua kho hi.” Nangmuh tei lakah a phuanmi Thuthangpha cu hi thu hi, hi.

1 PETER 2:3

Lai Thiangtho i tihnak bangin, “Mi hehpih theitu Topa i hihnak tep ngah zo uh ci.”

2 PETER 2:20

A Topa uh le nunpantu Jesuh Khrih cu bulpak tek a theihnak haw hangin ningdelhhuai sualnak sung pen suakin, mahtin a suah ngah ceng haw ten mah ningdelhhuai sualnak lengah awkleh kikin, a lel tale, a masa ngamtat sang sia saw tuk hi.