HEBRU 6:4 - Ngawm Bible

⁴ Thu upnak a zamsanmi ten itin kaw sualsihnakah a kihleh theih haw tuk? Amuh cu Pathian khuavaknak sungah a um awngmite haw hi. Vanhum laksawng teptu le Hawvang Thiangtho cotu hei na hi haw hi.

HEBRU 6:4 Iomraidhean Croise

THIAMPI NADEHNAK 13:55

Mah nungten zoleh tuk a, zalh ma naven baalbu lengin, a pianzia adang cuang ma tale, a thiangtho ngawl leleng hi tuk hi. A baalbu cu nunglam ahi vang, mailam ahi vangin, mah na cu haal un hi.

THIAMPI NADEHNAK 14:43

Suangte vawkin, a kulhtian haw ziahin, a matleh khawng ceng haw ten inn cu a baalbu leleng tale,

MIPUM SIALNAK 24:3

hi bangin awn hi. “Beor capa Balaam i thuphuan mi, ciang zetin amu theitu pa i awn kam,

MATTHAI 12:45

Mahten tulleh hihin, amah sangin a sesuak saw mi hawvang salihte cu zawmin, mah innah tumpih hi, mahten mahpa cu a masa sangin sehuai saw hi. Mahti bangin tulaih khang mipha ngawl tei humah heng tuk ti hi.”

MATTHAI 5:13

“Note cu hi leihum i ci hi uh ci. Mahnaven ci cu a alnak a bo tale, al lehtik theih ma toh hi. Nemcuamnak a neih ngawl toh hangin vawk tuk le sihpek tuk bek hi toh hi.

JOHAN 15:6

Keima sungah a umngawltu cu sabit kung vawkin, a ko mi bang haw hi. Mahtibang a kangkote cawm khawmin, meipualah vawk haw a, kangtum khawng hi.

JOHAN 3:27

Johan in, “Pathian piakmi tih ngawlin kuamah in comi imah nei thei haw tukma hi.

JOHAN 4:10

Jesuh in, “Pathian in, a piakmi hi ihim, tih le tui a ngentu hi akua him tih na thei ahin ama lakah ngen saw tuk navecin, amah in nunnak tui pia tuk naven!” tin ti hi.

JOHAN 6:32

Jesuh in, “Thutakin hilh ing. Moses i piakmi cu vanhum cangho hi kha ma hi. Vanhum cangho ngangai a piatu cu ka Pa bek hi.

NUNGZUITU 10:45

Joppa pen Peter tuah a hengmi thu umtu Judah mite cu Gentail mitei lakah Pathian in, a laksawng Hawvang Thiangtho buak tih khi amuh haw ten lamdangsa mahtak haw hi.

NUNGZUITU 11:17

Pathian in ohtei lakah Hawvang Thiangtho laksawng a piak bangbokin, Gentail mitei lakah vang laksawng cu pia bok hi, tih cu a ciang zetmi hi. Itin kaw kei thongpohin, Pathian cu ka kham theih tuk!” tin ti hi.

NUNGZUITU 15:8

Mahten mi hempoh tei ngaihsutnak a thei khawngtu Pathian in Gentail mite vangin a uptheih hawnak tukin eimu lak a Hawvang Thiangtho a piak bang bokin amu lakah vangin Hawvang Thiangtho a piaknak pen langtik bok hi.

NUNGZUITU 8:20

Mahnaven Peter in, “Pathian i piakmi laksawng hi sumpai tuah lei thei tung tin na ngaihsut hangin nangmah le na tangka cu siatnakah heng tahen,

ROM Khua Khristian Tei Lakah Paul i Laikuat (Paul’s Letter to the Romans) 1:11

Itahim titale nangmuh thazaang khotiktu tukin Pathian i Hawvang laksawng na co theihnak tukin nangmuh tei lakah zin nuamzet ing.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

GALATI 3:2

Hi thu hi hilh teh un: Pathian Hawvang na co uhmi hi Daan i cialmi na bawlnak uh hangin maw, mahma tale Thuthangpha na zak uh le na upnak uh hangin maw na ngah uh?

GALATI 3:5

Pathian in Hawvang pia a, nangmuh tei lak a nalamdang a bawlmi khi Daan zuinak hangin maw? Mah ahimata Thuthangpha zain, na up uh hangin kaw?

EFESA 1:18

Iti bang muansannak nei tukin kaw nohte samin, a mihing tei ca in, a tepsami cu iti bang nalamdang him!

EFESA 2:8

Itahim titale nohte cu Pathian i hehpihnakin nunpatmi hi uh ci a, mah nunpatnak cu amah na upnak uh i hangin na ngah uhmi hi. Hi nunpatnak na ngahnak uh i hangin kuamah tuangkhawng tukmi hi ma hi, itahim titale a deh a bawl theihnak haw hangin ngahmi kha ma hi, Pathian i laksawng hi.

EFESA 3:7

Mah Thuthangpha nadektu ka hihnak hi Pathian i piakmi a laksawng hi. Mahmi laksawng cu a cahnak huham i thil a bawlmi hi.

EFESA 4:7

A venghawng uh bulpak tekin, covo laksawng nei ten hung a, mahmi cu Khrih i a piak tekmi bangin hi.

1 TIMOTE 4:14

Profet ten thuhilhin, upa ten na lu humah khutsuan haw laih a, na ngahmi Hawvang laksawng khi hahsuah pahsun hi.

2 TIMOTE 2:25

amah a dodaltu nun a hilh ten thinnemno in mi a hilh theitu hi saw hen. Mahtin a bawl tale amuhte thinthekin thutak a theih hawnak tukin Pathian in huncan pha a pia hei hi thei hi.

2 TIMOTE 4:14

Daal pumsutu Alexander in haksatnak tampi pia hi. Topa in, a bawlnak bangin lulleh tuk poh hi.

HEBRU 10:32

Ni dang laih na nundan uh ngaisung un. Nangmu lakah Pathian vaknak a hen sem laih khin, thuaknak le haksatnak a phunkim tawk nave uhcin mah haksatnakin neh ma hi.

HEBRU 2:4

Mah hun lengah Pathian in thasiahhuai le nalamdang a phuphunte bawlin, ama deihnak bangin Hawvang Thiangtho i laksawng khi sem ten hi.

1 JOHAN 5:16

Na unau uh pa kha khatin, thihpihtak ngawlmi sualnak a bawl na mu tale Pathian nelah thunget sak inna, Pathian in luatnak pia tuk hi. Himi cu thihpihtak ngawlmi sualnak a bawltu tei ca in hi. Mahnaven thihpihtak sualnak umin, mahmi a bawltu tei ca in, Pathian nelah thunget sak un ti mang hi.