HEBRU 6:2 - Ngawm Bible

² Tuiphumnak thu le khutsuannak thu, mithi thawhlehnak thu le kumkhua thukhennak thu, a bul pepan kikleh li tukma toh hung.

HEBRU 6:2 Iomraidhean Croise

THUHILHTU 12:14

Pathian in ihempoh a bawl uhmi humah thukhen tuk hi; a pha hihen, a sia hihen, a kuhno in, a bawl uhmi hum tianin thukhen tuk hi.

ISAIAH 26:19

Mahnaven a thi sa mite nung haw tuk; A luangpi haw cu nungleh tuk hi. Khansungah a hihbu mite cu khanglo in le lungdamin lasa haw tuk hi! A de sesepmi daita ten lei a hingtik bangin a thi sate cu Topa in nunglehtik tuk hi.

DANIEL 12:2

A thisa mihing tampi nunglehin, mi khenkhat cu kumkhua nunnak co haw tuk a, khenkhat cu kumkhua zahcaknak tawk haw tuk hi.

MATTHAI 28:19

Mah hangin miphun hempoh tei lakah hawh unna, keima nungzuitute suaktikta un. Pa, Capa le Hawvang Thiangtho minin tuiphumnak pia un hi.

MATTHAI 3:14

Mahnaven Johan in, a nelah, “Keimah saw hi nangma tuiphumnak piak tumi hi saw sing, itin kaw nangmah lehlam ka lakah na hun?” tin dong hi.

MARKA 16:16

A kuakua hei hihen a thu umin, tuiphumnak a ngahtu hempoh cu nunpat hi haw tuk hi. Mahnaven a thu um ngawlte cu sual thaman thihnak thuak haw tuk hi.

MARKA 7:4

Dawl mun pen a pin haw hei ten tuibual ngawlin an ei awng haw ma hi. Mahbek hei hi ngawlin daan dang tampi; beel le kuang, somdan, tuibeel somdante le khaza beel le zaunak somdante zui haw hi.

MARKA 7:8

“Noh ten Pathian thukhamte lawlin, tanglaih mitei lak pen na ngah uhmi thukhamte zui uh ci,” tin donleh hi.

LUKA 11:38

Jesuh cu an a eih laih ngawlin a khut som ngawl khi Farasi mi pa khatin, amuh ten lamdangsa mahtak hi.

LUKA 12:50

Tuiphumnak lak tuk pa khat nei ing a, mahmi ka laak laih ngawl sung cu ka lungmu cawlzet ing.

LUKA 14:14

Hi ten samleh thei haw tuk ngawl a hih hangin nang cu thupha muicu dong tuk ci. Mipha tei thihnak pen a thawhleh haw ten Pathian in nangmah lulleh tuk,” tin ti hi.

LUKA 3:16

Mah hangin Johan in, “Kei in tui tuah tuiphumnak pia ing. Mahnaven kei sangin a ngeng saw mi pa khat hung tuk hi. Kei cu a kedam khau duktu tuk hei tak mang hi. Amah in Hawvang le mei tuah hinthaknak pia tuk hi.

JOHAN 1:33

Amah cu akua him tih thei ma naveng tui tuah tuiphumnak pia tukin kei a tiiktu Pathian in, ‘A Hawvang heng tuk a, mi pa khat humah a kop khi mu tuk ci; mahpa cu Hawvang Thiangtho tuah tuiphumnak piatu hi tuk hi,’ tin hilh hi.

JOHAN 5:29

a inn khan sung haw pen a tulnak haw hun heng tuk hi; thilpha a bawltute cu khan pen tholehin, nung haw tuk hi; mahten thilpha ngawl a bawltute cu tholeh bok haw tuk naven lawlmi hi haw tuk ti hi.

NUNGZUITU 10:47

“Eimuh ten a ngah zo uh bangin hi mite hei in, Hawvang Thiangtho ngah bok haw hi. Tuiphumnak la tukin akua him a kham thei tuk,” tin ti haw hi.

NUNGZUITU 13:3

Thungenin, an a can nung haw ten a lu hum hawah a khut haw suangin, Barnabas le Saul cu hah haw hi.

NUNGZUITU 16:15

Amah le a innkuate cu tuiphumnak a lak celh haw ten, “Topa thu umtu tatak tin na ngaisung uh ahi tale ka innah cam zazal bok un!” tin zawm hi. Mahti bangin a zawp hangin hawh ung hi.

NUNGZUITU 16:33

Mah zan loli in, thawnginn uktupa in amuhte cu pui in, a liamma haw somsak hi; mahceng bek ten amah le a innkua hawngin tuiphum paih haw hi.

NUNGZUITU 17:18

Epikurian thuzilhtu khenkhat le Stoik thuzilhtu khenkhatte tuah thu eldun haw hi. Mi khenkhat ten, “Hi pa hi imah le thei sih ngawl, mi mai ah langtuk nuamzet pa hi, ikaw a otlih bok?” tin ti haw hi. Mi khenkhat ten, “Ngamdang tei pathian thu son li bang um,” tin ti haw hi. Ita mahtin ti haw hum titale Paul in Jesuh le a thawhlehnak thu a hilh hangin hi.

NUNGZUITU 2:38

Peter in, amuh tei lakah, “Na venghawng uhin, na sualnak uhte sik unna, Jesuh Khrih minin tuiphum un hi, mahten na sualnak uh ngaithiam hi tuk uh ci a, Pathian i laksawng Hawvang Thiangtho ngah tuk uh ci.

NUNGZUITU 2:41

Peter i hilhmi cu mi tampi ten a up hangin tuiphum haw hi; mah ni khat sungin, mipum thawng thum bang kim haw hi.

NUNGZUITU 23:6

Paul in, a heng mitei lak pen a khen cu Sadusi hi haw in, a khen cu Farasi haw hi tih amuh ten khonsil upa tei mai ah au in, “Ka miphun pih Israel mite aw, kei hi Farasi tei capa ing. A thi mite nungleh haw tuk tih muansannak ka neih hangin atu hilai ah sualnak thuson tawk ing hi,” tin ti hi.

NUNGZUITU 24:15

Amuh bang bokin keimah vang cu Pathian nelah muansannak nei bok ing. Mah muansannak cu mi hempoh ten mipha hihen, pha ngawl hihen, thihnak pen tholeh haw tuk tihmi hi.

NUNGZUITU 24:21

Amu mai a ka din laihin thil pa khat bek ka son nuammi cu; ‘Mithite tholeh haw tuk tin ka up hangin tusunin ka sualnak thuson haw hi,’ tin hilh hi.”

NUNGZUITU 24:25

Mahnaven Paul in, a phatnak thu, mah le mah supnak thu le a heng tukmi thukhennak thu a hilh ten Felix cu a thinsu in, “Atu-in kikleh hihin hi. Hun ka neih ten samleh tung,” ti hi.

NUNGZUITU 26:8

Hilai ah a hungmite, Pathian in mithi tholehtik tih hi ita um thei ngawl uh cim?

NUNGZUITU 4:2

Jesuh i nungzuitu pa nih ten Jesuh cu thihnak pen tholeh hi tin mipi a hilh haw mi in, mithi nungleh haw tuk hi tih khi a theihciangtik hangin thinuk haw hi.

NUNGZUITU 6:6

A salih haw in nungzuitu tei lakah hawhpih haw a, nungzuitu ten a luhum hawah khutsuanin thunget sak haw hi.

ROM Khua Khristian Tei Lakah Paul i Laikuat (Paul’s Letter to the Romans) 2:16

Mah hangin Pathian in Jesuh Khrih tawnin, mi hempoh tei lungmu sungah a ngaihsut kuh haw mi cu thu a khen ni ten, ka phuanmi Thuthangpha bangin thukhen hi tuk hi.

1 KORIN 10:2

Moses zuitu a hih haw bangin meingo sung le tuipi sungah tuiphum haw hi.

1 KORIN 12:13

Mah bangin ohte vang Judah mi le Gentail mi tin le suakca le sal tin a um uh vangin a venghawng uhin mah pumpi pa khat sungah Hawvang pa khat i nipmi hung hi. A venghawng uhin mah Hawvang pa khat cu in tukin piak hi zo hi.

2 KORIN 5:10

Itahim titale thukhen tukin a venghawng uhin Khrih mai ah dingleh tuk hung hi. Kuakua hei a pha hihen a sia hihen a nun sung a bawlmi bangkekin ngahleh tuk hi.

FILIPI 3:21

Amah in imah ngawl a thi thong theimi a taksa pumpi uh hi a sunglawi mi ama pumpi bangin thek tuk hi; mahmi bawlnakin ihempoh ama uknak nuai ah koih theihnak huham mang tuk hi.

KOLOSE 2:12

Itahim titale tuiphumnak na ngahnak uhin, Khrih tuah vui langkhatmi hi uh ci, mahten tuiphumnak na ngah uhten thihnak pen Khrih a tholehtiktu Pathian huham cahnak mual na neihnak uh i hangin Khrih tuah thawhtikmi hi bok uh ci.

2 TIMOTE 2:18

A pa nih haw in, a manmi lampi pen pial haw hi. Amuh ten, “Thawhlehtikmi hi zo ung” a tih haw hangin thu umtu khenkhat tei upnak vaivuantik haw hi.

HEBRU 11:35

Upnak hangin numei tei sangngam thihnak pen nun lehtik hi haw hi. Midang cu nunnak pha saw ah thawhtikleh tuk a deih haw hangin luatnak teng ngawlin bawlsiatnak sungah thih tuk khi teng saw haw hi.

HEBRU 9:10

Itahim titale mah biakpiaknakte cu an le tui le thianthohnak i bawlmi biakpiaknak tuah a pehdunmi haw hi. Mah mite cu a pualam daan bebek hi haw in, Pathian in ihempoh a thakin lep laihngawl sung bekin man mite hi haw hi.

2 PETER 3:7

Mahnaven atu a ummi van le lei pi hi mei tuah siatsuah tukin, Pathian i thupiaknak lelengin, a khawih hihmi haw hi. Pathian a zawnsaktute cu thu a khen ni le siatnak a tawh haw tuk ni ca in khawih hihmi hi haw hi.