HEBRU 6:19 - Ngawm Bible

¹⁹ Hi muansannak cu a nunnak uh ca in timbaw colhtiknak thik kawnpi bang hi. Eimu ca in, a cangcian zetmi huhimnak a hih hangin vancung biakinn thiangtho sungah hengtum hi.

HEBRU 6:19 Iomraidhean Croise

SAAM LABU 39:7

Mahtin ahi tale maw Topa, ikaw muansan tuk ka neih? Ka muansanmi cu nangmah bek ci.

SAAM LABU 42:11

Maw ka hawvang ita hitih lawlawmin thasia ing kaw? Maw ka hawvang ita hiti bang lawlawmin lungkham ing kaw? Mahnaven ka muansanmi cu Pathian bek hi. Kei pantu le ka Pathian! Amah cu thangphatleh tung.

SAAM LABU 42:5

Maw ka hawvang ita hitih lawlawmin thasia ing kaw? Maw ka hawvang ita hitih lawlawmin lungkham ing kaw? Mahnaven ka muansanmi cu Pathian bek hi. Kei pantu le ka Pathian! Amah cu thangphatleh tung.

SAAM LABU 43:5

Ita hi bang lawlawmin thasia ing kaw? Ita hi bang lawlawmin lungkham ing kaw? Pathian bek muansan ing, amah cu thangphatleh tung ka nunpantu le ka Pathian hi.

ISAIAH 12:2

Pathian cu keimah Pantu hi; Amah muang tung a, imah lau tuk mang. Topa in huham le thazaang pia hi; Amah cu keimah Pantu hi,

ISAIAH 28:16

Topa in, “Zion ah a khimzet le a kho zetmi inn taw pan ing a, mah inn taw innkilah tian cihmi suangpi koih ing. Mah innkil suangpi humah, A kho mi upnak cu a thinsau sih, tin ngan ing.

THIAMPI NADEHNAK 16:15

Mah nungten Israel tei sualhahnak tukin Keel cu ngo in, a thi cu Mun Thiangthobel ah hunpih tuk hi. Khuicang thi a theh bangbokin mah thi cu Thutiam Kuang sin le mailam mawkah theh tuk hi.

THIAMPI NADEHNAK 16:2

“Na u Aaron phano in hilh inna, puanzak nung a, Mun Thiangthobel ah a hun ngawlpi in tum tuk ngawl hilhin hi. Itahim titale a hun ngawl pi in, a tum kha tale thi tuk hi. Mah laih mun cu Thutiam Kuang sin humah meingo sung pen ka langnak mun a hih hangin hi.

ZEKHARIAH 9:12

Kikleh un, muansannak neitu saltangte! Himnak mun nangmu ngamah kikleh un; Atu-in hilh ing hi: haksatnak na thuak uhmi hangin a let nihin muicu pialeh tung hi.

MATTHAI 27:51

Mahten Biakinn puanzak cu a lulam pen a nuailam tian khen nihin balsuk hi. Leihum hempoh ah hiinhing khawngin, suangpi keh khawng hi.

NUNGZUITU 23:6

Paul in, a heng mitei lak pen a khen cu Sadusi hi haw in, a khen cu Farasi haw hi tih amuh ten khonsil upa tei mai ah au in, “Ka miphun pih Israel mite aw, kei hi Farasi tei capa ing. A thi mite nungleh haw tuk tih muansannak ka neih hangin atu hilai ah sualnak thuson tawk ing hi,” tin ti hi.

NUNGZUITU 27:29

Tinbaw in, suang ngengpi sawh kha kawn tih a lau haw hangin a nunglam pen a khihnak haw thikkawn pa li khiasukin, khuavak tian thungen thahin ngak haw hi.

NUNGZUITU 27:40

Mah hangin a tinbaw khihnak khau cu satcatin thikkawn cu tuipi sungah khiasuk haw hi. Mahten tinbaw hotnak khau tuah a khih haw mi cu dukin a mailambelah a puanzak khi zakin huihin mailamah mutin tuimawk lamah hawh ung hi.

ROM Khua Khristian Tei Lakah Paul i Laikuat (Paul’s Letter to the Romans) 4:16

Mah hangin thutepnak cu upnak humah a dingmi hi, Abraham casuan hempoh tei lakah Pathian i hehpihnak laksawng hi tin thutepnak hi. Daan a zuitu tei ca bek kha ngawlin Abraham bangin a umtu tei ca vangin hi bok hi. Itahim titale Abraham cu hawvang lam pen a venghawng uh i pa hi.

ROM Khua Khristian Tei Lakah Paul i Laikuat (Paul’s Letter to the Romans) 4:18

Abraham in umin, muansan tuk a umleh ngawl toh hei ten muansannak a neih nawm laih hangin, “Mi phun tampi tei pupi,” in cang hi. Lai Thiangtho in, “Na casuante cu aksi zah haw tuk hi,” a tihmi khi kim hi.

ROM Khua Khristian Tei Lakah Paul i Laikuat (Paul’s Letter to the Romans) 5:4

Thuak theihnakin, Pathian lungkimmi hi tih langtik hi, mahten ama lungkimnak pen muansannak nei thei hung hi.

1 KORIN 13:13

A bo thei ngawlmi na pa thum um hi. Mahte cu upnak, muansannak le itnakte haw hi, hi tei lak pen a ngengbel cu itnak hi.

1 KORIN 15:58

Mah hangin ka ihmi u le naute, lum thong tuk ngawlin khozet ding un. Pathian na cu sonbang tuk ngawlin dek leleng un. Topa i nadeh cu thawnthong awng ma hi tih cu thei uh ci.

EFESA 2:6

Khrih Jesuh tuah a pehzopnak uh thawmin Pathian in Khrih tuah vanngam pen uk langkhat tukin amah tuah tholehtik zo hi.

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

KOLOSE 3:1

Noh cu Khrih tuah nunnakah thawhtik zo na hih uh hangin na lungmu uh cu vancungah bulh un hi; Pathian taklamah a ummi Khrih i khunnak vancung khi ngaisung un hi.

2 TIMOTE 2:19

Mahnaven Pathian sungah khim zetin, a mut ngah zomi a zung uh cu, hin theih ma hi. Mah a zung humah, “Topa in, a ma mite cu akua zong haw him tih thei hi,” tih le “Topa ta hi ing tih a theitu ten phat ngawlnak pen pial haw tuk hi,” tin nganmi um hi.

HEBRU 4:16

Mah hangin hehpihnak umnak mun Pathian i khunnakah ngalpha zetin zuan nung. Mahlai pen a kul le sap uhten hehpihnak cu ngah tuk hung hi.

HEBRU 9:3

Puan zak pa nihnak i nunglamah Mun Thiangthobel tihmi khan um hi.

HEBRU 9:7

Thiampi Sang bek, sungta khansungah kum khat, vei khat tum hi. Ama sualnak le mipi ten sualnak a hihlam thei ngawlin a bawl khak haw mi ca in nganhing thisan cawi in Pathian pia hi.

1 PETER 1:3

Topa Jesuh Khrih i pa le a Pathian cu thangphat nung. A hehpihnak hangin Jesuh Khrih cu thihnak pen tholehtik a, nunnak thak pia zo hi. Mah hangin ohte cu a nungmi muansannak tuah dimin,