HEBRU 6:17 - Ngawm Bible

¹⁷ Pathian in, a tuptahmi khelleh awng ma hi, a thutepmi a cotu tuk tei lakah ciang zetin theihtik a nuam hangin a tepmi i humah ama min salin thutepnak tuah bet nawm laih hi.

HEBRU 6:17 Iomraidhean Croise

PIANPATNAK 26:28

Amuh ten, “Pathian cu na lakah um tatak hi, tih cu atu-in thei zo ung a, eimu laklawhah thutepnak a um ahin tin ngaisung ing. Na humah siatnak ka hentik ngawl bangin,

SAAM LABU 110:4

Topa in tepdunnak cu bawl zo a, khelleh thong tukma toh. “Thiampi Melkhizedek bangin, kumkhua in thiampi hi tuk ci,” ti hi.

SAAM LABU 33:11

Mahnaven ama tuptahmi cu kumkhua in kho hi; A vaikup mite cu kumkhua in kho hi.

SAAM LABU 36:8

Na innsung a, eih celh ngawl an cu ei haw in, na phatnak lui pen tui pia ci.

SUAHTULNAK 22:11

Topa i mai ah siatcamnakin, a ngualcam i ngan a lak le lak ngawl ciangtik tuk hi. Nguca i lakmi ahi tale, a keemtu in loh tukma hi.

THUPAUCAP 19:21

Mihing ten a lungmu sung hawah tuptahnak tampi nei tuk hi. Mahnaven Topa i tuptahnak bek bawl na hi tuk hi.

SOLOMON LA 5:1

Cang tepsa ka ngaihno aw, ka dum sungah hawh zo veng! Mura le namtui khawm ing; khuaiphang le a hum ei ing, Sabit le khuinawi in ing. Ei un, in un, thin thino in, khanpihno camlualte aw.

ISAIAH 14:24

Cungnungbel Topa in tiamdun zo a, “Ka vaihawmmi cu kim tuk hi. Ka tuptah hempoh cu bawl khawng hi tuk hi.

ISAIAH 46:10

A pattungin i piang tuk hum tih hilh ham zo ing; Tanglaih pepan a cang tukte hilh ham khawng zo ing. Ka tuptahmi cu pelh awng tukma, ti ing. Bawl ka tummi hempoh cu bawl tung hi.

ISAIAH 55:11

“Ka kam sung pen a tulmi awnkam cu mahti bangin hituk hi. Imah bawlsuakmi nei ngawlin ka lakah kikleh tukma hi. Dek tukin ka tuptahmi hempoh cu dek khawng tuk hi.”

ISAIAH 55:7

Mipha ngawl ten a ziaza haw zamin, a ngaihsut dan haw khel hen. Topa a Pathian uh i lakah kikleh haw henna, ngaidam paih zen tuk hi. Amah cu mi hehpihtu hi.

MALAKHI 3:6

Topa in, “Keimah cu Topa ing hi, a thekdun awng viang ngawlmi ing. Mah hangin noh Jakob casuante cu cimit ma laih ci.

JOHAN 10:10

Nguca ten ngu tuk, that tukin le siatsuah tuk bekin hung haw hi. Mahnaven kei cu nunnak cangkim a neih theihnak haw tukin hung ing.

ROM Khua Khristian Tei Lakah Paul i Laikuat (Paul’s Letter to the Romans) 11:29

Itahim titale akua teng, akua thupha pia tih thu ah Pathian in, a lungmu kheel awng ma hi.

ROM Khua Khristian Tei Lakah Paul i Laikuat (Paul’s Letter to the Romans) 8:17

Ca a hih uh hangin Pathian in, a mihing tei ca in, a koihsami thupha a cotu tukte hung hi; mahten Pathian in Khrih ca tukin a koihsami vang Khrih tuah co langkhat tuk hung hi. Itahim titale Khrih thuaknak a thuak boktu ahi uh tale, a thawm ngengnak vang co bok tuk hung hi.

GALATI 3:29

Khrih i ta na hi uh tale Abraham casuan hi uh ci a, Pathian i thutiammi co tuk uh ci.

EFESA 1:11

Ihempoh hi Pathian ama tuptahsa le soncat sa bangin kim khawng hi. Khrih tuah a pehzop dunnak uh thawmin a mihing hi tukin Pathian in teng zo hi, Mahmi cu ama tuptahmi, a pattungin khau a khihsami hi.

HEBRU 11:7

Noah in, a muh theih ngawlmi mailam a, a heng tukmi Pathian i ngallin piakmi a theitiktu cu a upnak hi. Pathian thu ngai in, timbaw bawl a, mah sungah amah le a innkua cu himdamno in suakca haw hi. Mah hangin leihum cu thukhennak tawkin Noah cu a upnak hangin Pathian lak pen dikcangnak co hi.

HEBRU 11:9

Pathian i tepsami ngam sungah a upnakin mikhualah cangin um hi. Pathian thutiamnak a co bokmi Isaak le Jakob bangin buk sungah um bok hi.

HEBRU 6:12

Thazawngmi na hih tuk uh cu awi mang hi; mahnaven Pathian i tepsami a cotu tukin upnak le thinsaunak a neitu bangin hi un, tih deih ung hi.

HEBRU 6:16

Mi pa kha khatin thutiamnak a bawl ten amah sangin a ngeng saw i min salin a bawl tale thu eldunnak um thei ma toh hi.

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

JAMES 1:17

A phami le a cangkimmi laksawng hempoh cu vancung pen a hung mite hi. Vancung a, vaknak bawltu Pathian lak pen hung haw hi. A bawlmi nate kheel naven Pathian cu kheel awng ma hi. Hun le cante a hel li vangin Pathian lak pen khuathim tih um awng ma hi.

JAMES 2:5

Ka ihmi u le naute aw, ngai hih un, Pathian in, mi ca-ngah hi upnak lamah mi hausa hi tukin le amah a ittu tei lakah a tepsami a uknak cotu tukin teng hi.

1 PETER 1:3

Topa Jesuh Khrih i pa le a Pathian cu thangphat nung. A hehpihnak hangin Jesuh Khrih cu thihnak pen tholehtik a, nunnak thak pia zo hi. Mah hangin ohte cu a nungmi muansannak tuah dimin,

1 PETER 3:7

Mahtibang bok kekin pasalte aw na zi uhte cu nangmuhte sangin thanem saw mi haw tih khi theitum un. Nangmuhte bang bokin Pathian i nunnak laksawng co bok tukmi haw hi. Mah hangin upatnak tuah tuamlawm un hi. Mahti bangin na um uh tale na thungetnak uh cu imah in siatsuah zo tukma hi.