HEBRU 6:11 - Ngawm Bible

¹¹ Na muansannak uh a cangsuak theihnak tukin a tawp tian zuam ten un, tih hi ka deihsaknak uh a ngengbelmi hi.

HEBRU 6:11 Iomraidhean Croise

ISAIAH 32:17

Mi hempoh ten a dikmi bek a bawl haw tuk hangin a kumkhua in himnak le lemdaihnak cu um tuk hi.

MATTHAI 24:13

Mahnaven a dawltawpnak tian thuak le nang zo ten nunpatnak ngah haw tuk hi.

LUKA 1:1

Ka ihmi Theofilas aw: Mi tampi ten ohtei lakah a piangmi thute cu a pha theibel tukin ngan haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:8

midangte thazaang pia tuk ahi uh tale pia nung hi. A neih uhmi na khi midangte tuah kawmdun tuk ahi uh tale phal zetin kawm nung. Hotu tuk ahi uh tale ngeikhei zetin dek nung inna, midang tei lakah hehpihnak langtik tuk ahi uh tale lungdam thatui zetin langtik nung hi.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

1 KORIN 13:13

A bo thei ngawlmi na pa thum um hi. Mahte cu upnak, muansannak le itnakte haw hi, hi tei lak pen a ngengbel cu itnak hi.

1 KORIN 15:58

Mah hangin ka ihmi u le naute, lum thong tuk ngawlin khozet ding un. Pathian na cu sonbang tuk ngawlin dek leleng un. Topa i nadeh cu thawnthong awng ma hi tih cu thei uh ci.

GALATI 5:5

Mahnaven ohtei a muansan uhmi cu Pathian amah in thiancotik tuk tihmi hi. Mahmi cu eimu upnak i hangin Pathian i Hawvangin bawlsuak tuk hi tih a ngahhelhzet uhmi hi.

GALATI 6:9

Mah hangin a phami bawl cu colhsan pahsuh un. A colhsan uh ma tale ancop hun hengleh tuk hi.

FILIPI 3:15

Hawvang lam pen pasal; a pitingmi ohte hi a venghawng uhin hitih bang lungput a nei ten tukmi hung hi. Mahnaven mi khenkhat ten lungmu ngaihsut dan a dang na nei uh tale mahmi cu Pathian in ciang zetin nangmu lakah langtik tuk hi.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

KOLOSE 1:5

A manmi Thuthangpha na nel uhah a hen tungin, iti bang muansannak pia him tih cu nangmuh ten thei uh ci. Mah hangin upnak le itnak na neih uhmi cu vancungah nangmu ca in cangkim zetin koihsami muansannak humah bulphuh haw hi.

KOLOSE 2:2

Hitih bangin ka dehnak cu kua hei hihen ngalphatnak tuah dimin le itnak tuah pa khat le pa khat komdunin, na co ngah uhmi muannak cu cangkim zetin, a co theihnak haw tukin ka deihmi hi. Mahti bangin Pathian i thu-ipmi Khrih amah cu thei ngah haw tuk hi.

1 THESALON 1:5

Itahim titale Thuthangpha nangmu lakah ka hen pih uhten awnkam men thongin hi ngawlin, huham le Hawvang Thiangtho, thutak a hihnak theihcelnak tuah henpih ung hi. Nangmuh tei lakah ka um sung uh khin iti bangin um langkhat kam hung tih cu thei uh ci, nangmuh tei phatnak tukin hi.

1 THESALON 4:10

Pathian in nangmuh loli zilh zo in, Macedonia ngamah a ummi na u naupih tei humah mahtih bangin nung zo toh uh ci. U le naute, mah sangin a pha saw nung tukin nangmuhte sosuah nuam ung hi.

2 THESALON 3:13

Mahnaven u le naute aw, thilpha bawl tukin ciat pahsuh un.

HEBRU 10:22

Mah hangin a kho mi upnak tuah Pathian cu neek tuk hung. Sualnak lungmu thiantikmi le tui tuah thiantikmi a pumpi uh tuah Pathian cu zuan un hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

HEBRU 3:6

Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.

JOSHUA 7:3

Joshua lakah “A venghawng uhin hawh kul tukma. Ai khua do tukin mihing thawng nih thawng thum laih hah inna, tham tuk poh. A venghawng uhin do tuk tak ma hi. Mi demno bek haw,” tin hilh haw hi.

1 PETER 1:21

Amah hangin Pathian muang uh ci, Pathian in amah cu thihnak pen tholehtikin, sunloihnak pia hi. Mah hangin na upnak uh le na muansannak uh cu Pathian humah a phutmi hi uh ci.

2 PETER 1:10

Mah hangin u le naute, Pathian i samnak le tennakte khi kumkhua kho tukin zuam dedeuh un. Mahtin na bawl uh tale na upnak uh pen pial awng tukma uh ci.

2 PETER 3:14

Mah hangin ka ih mite mah Ni na ngak lih uh laihin, Pathian mai ah sualnak nei ngawl le a thiangmi hi tukin zuam unna, amah tuah a lemdunmi hi un.

1 JOHAN 3:14

Ohte cu thihnak zamsanin, nunnak sungah tum zo hung; tih thei hung hi. Mahtibang a theihnak uh cu a unau uhte a ih uh hangin hi; itnak a nei ngawltu cu thihnak sungah a tang hih laihmi hi.

1 JOHAN 3:19

Mah hangin thutak sungah um hung hi tih a theihnak tuk uh le a lungmu uhin ohte a mawhsiat ten Pathian mai ah lungmuangno in, a umnak tuk uh cu hi bangin hi.

MANGMUHNAK 2:26

Nehtute le ka deihnak bangin a tawp tian a bawltu tei lakah, ka Pa i lak pen ka ngahmi thuneihnak pia tung hi. Minam hempoh tei humah uk theihnak pia tung; Thik thiangkhut tuah uk theihnak le lei beel bangin sukkeh theihnak thu amuhte pia tung. Ni konghong aksi vang amuhte pia tung hi.