HEBRU 6:10 - Ngawm Bible

¹⁰ Pathian in mi deidan ma hi. Na nadeh uhmi ah Pathian na itnak uh langtikin, Khristian unaupihte na bopnak uh le atu na bop lih laih uhte khi Pathian in sialsiah sak leleng hi.

HEBRU 6:10 Iomraidhean Croise

NEHEMIAH 13:22

Levi mite cu amuh le muh thianthohnak bawl tukin le Sabbath ni thiangthono cang tukin kongka cu phano in cing un hi, tin thupia ing. Maw, ka Pathian, hi ka bawlmi hempoh hi phawkngil zal pahsun, na ihnak a ngeng bangin na hehpihnak cu ka lakah hengtik zalin hi.

NEHEMIAH 13:31

Hun tekmi a kim ten biakpiaknak a piakmite halnak tuk thing le anthak le thingngah thak biakpiaknak a piak tuk mite vang ngaihsutsak ing. Maw ka Pathian, hite hi a pha lamin hu theihsak zalin hi.

NEHEMIAH 5:19

Hizahta in mipi tei ca in ka bawlmi hi Pathian in ka phatnak tukin hu theihsak zal tahen.

SAAM LABU 20:3

Na biakpiaknak hempoh saang henna, halkang biakpiaknak na piakmi humah a lungdam zal hen.

SUAHTULNAK 1:20

Pathian i phatnak cu nauhing domtu tei humah a hen ten, Israel mite cu khangto in ngil sesem haw hi.

THUPAUCAP 14:31

Mizawngte na bawlsia tale mizawngte a bawltu Pathian nautat hi ci. Mahnaven mizawngte a hehpihtu cu Pathian biatu hi.

THUPAUCAP 19:17

Mi zawng tei humah hehpihnak neih cu Topa i lak a thilpiak tuah bangten hi. Topa a man lulleh tuk hi.

THUHILHTU 11:1

Sum bawlnak tukin na sumte mangin, Ni kha khat ten a met ngah tuk ci.

JEREMIAH 18:20

Phatnak cu phatngawlnakin lulleh tuk ing maw i heng? Mahnaven ka caksuknak tukin leikuat zo haw toh. Na lakah hungin, na thinuknak tuah na bawlsiat ngawlnak tukin ka kutnak aw za leng poh ci.

JEREMIAH 31:16

Kap ngawltohin, suup inna, na hitui hu tohin hi. Na ca tei ca na bawlmite cu dehman laksawng ngah ngawlin um tukma ci. Ngal tei ngam pen kikleh haw tuk hi.

MATTHAI 10:42

Thungai in hilh ing. Ka nungzuitu lak pen a nautabelno poh cawm i intuk tui khuat khat a piatu cu laksawng ngah loli tuk hi,” tin hilh hi.

MATTHAI 20:7

Amuh ten, ‘Kuamah in nadeh a tiik haw ngawl hangin,’ tin don haw hi. Mahten amuh tei lakah, ‘mahti bang ahi tale sabit huanah hawh bok unna, nadek bokta un,’ tin ti hi.

MATTHAI 25:17

Mahti bang bokin thawng nih a ngahtu pa vangin, a met thawng nih ngah bok hi.

MARKA 9:41

Itahim titale keima mi na hih uh hangin tui keu khat a piatu hempohin laksawng ngah ngawlin um hihim haw tukma hi.

JOHAN 13:20

Thutakin hilh ing. Ka tiikmi tei zintunnak tuk kongka a hontu cu keimah kong hontu hi. Keimah zintunnak kong a hontu pawpoh cu, keimah tiiktu pa kong hon hi,” ti hi.

NUNGZUITU 10:31

‘Kornelias, Pathian in, na thungetnak thei in, mi ca-ngah na bopnak vang melcik khawng hi.

NUNGZUITU 10:4

Mah vancungmi cu lauthah zetin, Topa? tin don hi. Vancungmi in, “Pathian lak a, na thungetmi le mi ca-ngah na bopnak humah a lungdamin, na thungetnak cu thei hi.

NUNGZUITU 11:29

Nungzuitu ten a tihtheih tawk ten haw in, Judah ngam a ummi thu umtu unaupihte bopnak pia tukin sonkhawm haw hi.

ROM Khua Khristian Tei Lakah Paul i Laikuat (Paul’s Letter to the Romans) 12:13

A tingsammi Khristian unaute tuah na neih uhte mangkawm ten unna, mikhual tei ca in, na kongkhah uh hon un.

2 KORIN 9:1

Judah ngam a, Pathian umtu tei lakah bopnak na kuat uhmi thu ah nangmu lakah laikuat kul tukin ngaisung lawlawm mang hi.

GALATI 5:13

Mahnaven u le naute aw, nohte cu miluat hi tukin sam mite uh ci. Mahmi luatnak cu na taksa nopsaknakin cangtik pahsuh un. Mah sangin itnak tuah pa khat le pa khat nadek tondunin bawmdun saw un hi.

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

GALATI 6:10

Mah hangin hun pha a tawh uh hempoh ah kuakua i humah hei hihen a phami cu bawl nung inna, Khristian a upnak uh lam pen a innkua tei lakah a cuangin bawl tuk hung hi.

DAAN PIAKLEHNAK 32:4

Topa cu nangmuh nunpantu a ngilbel hi. A bawlmi hempoh cu dikcangin, cangkim hi. Na Pathian uh cu a dikmi le muantak hi. A dikmi le a manmi bek bawl hi.

KOLOSE 3:17

A Pa uh Pathian cu Khrih i hangin thang na phat uh tak, ihempoh na bawl uhten le na hilh uhten Topa Jesuh i minin bawl unna, hilh un hi.

1 THESALON 1:3

Itahim titale na upnak uh nisial na nundan uh pen a langmi itdunnak na neih uh hangin nase zetin, na nadehnak uh thu le, a Topa uh Jesuh Khrih sungah muansannak na neih uhmi a khodan thu thungetnak tuah a pa Pathian uh lakah hilh leleng ung hi.

1 TIMOTE 6:18

Midangte hehpih thei tukin le ngamtat ziaza pha in phal zetin pia thei tukin hilhin hi.

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

HEBRU 10:32

Ni dang laih na nundan uh ngaisung un. Nangmu lakah Pathian vaknak a hen sem laih khin, thuaknak le haksatnak a phunkim tawk nave uhcin mah haksatnakin neh ma hi.

HEBRU 13:16

Pa khat le pa khat bawmdunin, phatnak bawlsakdun tuk phawkngil pahsuh un, itahim titale mahmi cu Pathian lungdamtiktu biakpiaknak hi.

1 JOHAN 1:9

Mahnaven Pathian nelah a sualnak uh a phuang uh tale amah cu muantak le a dikmi a hih bangin a khelhnak uhte zah tuk a, a sualnak uh hempoh thiangtik tuk hi.