HEBRU 5:9 - Ngawm Bible

⁹ Mi cangkimin, a bawl a thu hangin a thu ngaitu hempoh tei ca in kumkhua nunpatnak bulpi in cang hi;

HEBRU 5:9 Iomraidhean Croise

SAAM LABU 45:17

Hi ka la phuahmi hin na min cu kumkhua in nungtik tuk hi. Mi hempohin nangmah cu kumkhua in thangphat haw tuk hi.

SAAM LABU 51:6

Thutak le lungmu tak cu na deihmi hi, Ka lungmu cu na cihnak tuah dimtikin hi.

SAAM LABU 51:8

Thin nopnak le lungdamnak awnkam theitik zalin; na siatsuah sa mi ka taksa cu thin nop le lungmuangno in umleh tuk hi.

ISAIAH 45:22

Leihum mihing hempoh, Keima lamah hekkik unna, nunpatnak ngah tuk uh ci. Keimah bek Pathian um ing.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

ISAIAH 50:10

Topa kihca in, a sila awnkam a ngaitute, na hawhnak uh lampi cu khua a thim vangin Topa cu muang un. Na Pathian uh cu ngaingam un hi.

ISAIAH 55:3

“Ka mihingte, ngai unna, ka lakah hung un; ka lakah hung unna, nunnak ngah tuk uh ci. Nangmuh tuah kumkhua a kho mi thutiam bawl tung a, David lakah ka tepmi thupha cu pia tung.

DANIEL 9:24

“Sualnak le phatngawlnak pen na mihingte le na khuapi a luatnak tukin Pathian in kum sawm salih i let salih teksa zo hi. Sualnak cu ngaihdam hi tuk a, diknak cu kumkhua khohtik tuk hi, a hilhsami le na muhmite cu heng ngangai haw tuk a, Biakinn thiangtho cu a thakin, thianthohtik hileh tuk hi.

ZEKHARIAH 6:15

Topa i Biakinn cu sak bawm tukin ngam khawlapi a ummite vang hung haw tuk hi. Mahtibang a sak haw ten Cungnungbel Topa in, nangmu nelah keimah a hahlam cu thei tuk uh ci. Na Topa, Pathian i thupiakmi na zui kim uh tale, a humlam a thu hempoh cu kim khawng tuk hi.

MATTHAI 17:5

Mahtin a otlih laih takin a de zetmi meingo in tuamin, meingo sung pen aw pa khatin, “Hi pa hi ka ih zetmi ka Capa hi; A humah ka lungkim mahtak ing, a thu na ngai un,” ti hi.

LUKA 13:32

Jesuh in, “Hawhta unna, mahmi cingne pa i lakah, ‘Tuni le zingten khawhuai hawlvawk tung a, tina damtik tung. A ni thumnak ten ka nadeh ceng tung,’ tin ti hi,” tin hilhta un hi.

JOHAN 19:30

Jesuh in mah tuithuk cu cawpin, “Ceng khawng zo hi!” ti hi. Mahten a lu kunin catsukta hi.

NUNGZUITU 3:15

Noh ten nunnakah mi a puitu pa khi that uh ci, mahnaven Pathian in thihnak pen tholehtikin, keimuh hi mah a theihpihtu ung hi.

NUNGZUITU 4:12

Ama sung bekah nunpatnak um hi; Pathian i piakmi nunpatnak sialngawl leihum hempoh ah min dang kuamah umma,” ti hi.

NUNGZUITU 5:32

Hi thil hempoh a theihpihtu tetti cu keimuh hi ung hi; keimuh bek hei hi ngawlin, Pathian in ama thu a zuitu tei lakah laksawngin, a piaksa mi Hawvang Thiangtho vang cu thu theihpihtu hi bok hi,” tin ti haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:5

Khrih Amah hangin mite sangin a thu a zui theihnak haw tukin Pathian in nungzuitu hihnak covo keimah pia hi.

ROM Khua Khristian Tei Lakah Paul i Laikuat (Paul’s Letter to the Romans) 10:16

Mahnaven mi hempoh ten Thuthangpha cu pom haw ma hi. Isaiah hei in, “Topa akua kaw thuthang ka phuan uhmi a sang,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 15:18

Gentail mite Pathian thu a zuinak haw tukin Khrih in keimah mangin, na dehmi bek hi ngalpha zetin zilh tung hi.

ROM Khua Khristian Tei Lakah Paul i Laikuat (Paul’s Letter to the Romans) 2:8

Mi khenkhat ten mai matan bek ngaisungin, a pha saw mi zamin, a pha ngawl saw zui haw hi. Mah tei humah Pathian in, a thinuknak cu meiling bangin leihsuk tuk hi.

ROM Khua Khristian Tei Lakah Paul i Laikuat (Paul’s Letter to the Romans) 6:17

Mahnaven Pathian nelah thangphatnak um tahen! Itahim titale nohte cu sualnak i sila hi awng zo nave uhcin atu-in zilhnak na ngah uhmi sung a thutak khi na lungmu hempoh tuah zui zo uh ci.

2 KORIN 10:5

Pathian theih theihnak tuk cihnak a khamtu pualthaunak cu phialet khawng hung hi. Mihing tei ngaihsutnakte cu sila bangin man a, Khrih thu ngaitu in cangtik hung hi.

FILIPI 2:12

Mah hangin, ka ihmi ngualcamte aw, nangmu lak ka umlaih a, ka thu na man leleng uh bangin le mah sangin a thupi saw laihmi cu nangmu lak ka um ngawl vangin ka thu na zui tuk uh khi hi. Nunpatnak cangkim na ngahnak tukin upat le lauthawng thahno in dek li poh un hi.

2 THESALON 1:8

Pathian thei ngawlte le Topa Jesuh i Thuthangpha a um a sang nuam ngawl cu mei sungah khia in, bawlsia tuk hi.

2 THESALON 2:16

Kohte it in, a hehpihnak i hangin catngawlin ngilnak le muankhonak a piatu Topa Jesuh Khrih le Pa Pathian in,

2 TIMOTE 2:10

Mah hangin Pathian i tenmi mihing ten Khrih Jesuh lak pen a hungmi nunpatnak ngahin, kumkhua sunloihnak a co theih hawnak tukin, haksatnak hempoh thuak ing,

HEBRU 1:14

Mah ahi tale vancungmite cu akua hum? Amuhte cu Pa i nadektu hawvang hi haw in, nunpatnak a ngahnak tuk bawmtu tukin Pathian i nadektute haw hi.

HEBRU 11:40

Itahim titale Pathian in eimu ca in khuakhannak pha deuh a neih hang hi. A tumtah ngangai mi cu eimuh tuah munkhatno in, a um uh bek ten cangkimnak ngah haw tuk hi, tin ti hi.

HEBRU 11:8

Abraham cu upnak a neih hangin Pathian in pia tung hi tin, a tiammi ngamah hawh tukin a sam ten Pathian deihnak a zuinak cu a upnak hangin hi. Ilai lamah hawh tung tih hei thei ngawl na pi in, a khua le tui cu tulsan hi.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.

HEBRU 2:10

Mi tampi ten Pathian sunloihnak co theihnak tukin, ihempoh bawltu le a nungtiktu Pathian in haksat thuaknak sung pen Jesuh cu mi cangkimin, a bawl cu a manmi hi. Itahim titale Jesuh amah cu nunpatnakah amuhte lamhuaitu hi.

HEBRU 2:3

Mahtibang ahi tale oh ten a thupi zetmi nunpatnak hi imah simsial ngawlin a um uh tale itin kaw bawlsiatnak a luat theih tuk uh? Topa amah loli in, hi nunpatnak thu cu than masabelin, a zatu hempoh ten a dikzia langtik zo haw toh hi.

HEBRU 9:12

Mun Thiangthobel munah kumkhua phaat tukin vei khat bek Khrih a tum ten biakpiaknak tukin keel le khui thite cawi ngawlin ama thisan cawi in, eimu ca in kumkhua nunpatnak bawlsak hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

HEBRU 9:28

Mahti bang bokin Khrih hei in mihing tei sualnak thiangtik tukin biakpiaknak vei khat bek pia hi. A vei nihnak hungleh tuk a, mahten sualnak thu ah hileh ngawltohin amah a ngaktu tei nunpan tukin hi tuk toh hi.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

JUDE 1:21

a Topa uh Jesuh Khrih in, a hehpihnak tuah kumkhua nunnak a piak tuk ni na ngah uh laihin, Pathian i itnak sungah kho leleng un hi.