HEBRU 5:8 - Ngawm Bible

⁸ Pathian i Capa hi napi in, Pathian i thungaitu hi tukin haksat thuaknak tuah cung hi.

HEBRU 5:8 Iomraidhean Croise

ISAIAH 53:5

Mahnaven eimuh tei sualnak hangin maliam hi. Thilpha ngawl a bawl uh hangin vahnak tawk hi. Bawlsiatnak a thuakmi cu eimuh tei nunpatnak tuk hi.

MATTHAI 3:15

Jesuh in, “Tu hi cu hitih bangin bawl hihen. Itahim titale Pathian in deh tukin a tiikmi cu mah hun ten kimtik khawng tukmi hi,” tin ti hi. A tihnak bangin Johan vang a lungkim hi.

JOHAN 10:18

Ka nunnak cu kuamah in laksak thei haw tukma. Keima phal hangin ka piakmi hi. Piaknak tuk thu hei nei ing a, lakleh theihnak thu vang nei ing. Mahmi cu ka pa in bawl hen tin, a thupiakmi hi,” ti hi.

JOHAN 15:10

Ka Pa i thupiakte khi, zui in, ama itnak sungah ka um bangbok khin ka thukhamte na ngai uh tale ka itnak sungah umbok tuk uh ci.

JOHAN 4:34

Jesuh in, a lak hawah, “Kei ka an cu kei a tiiktu pa i deihnak bawl le a tiikmi deh khawng khi hi.

JOHAN 6:38

Itahim titale kei cu keima deihnak bang dek tukin hung hi ngawlin, keimah a tiiktu pa i deihnak bangin dek tukin van pen a hungsukmi ing.

FILIPI 2:8

Niamkhiatnak lungmu nei a, Pathian i thu cu zui in, thinglamtehah thihnak tianin thuak hi.

HEBRU 1:2

Mahnaven hun dawllam ten ohtei lakah a Capa tawnin hilh hi. A Capa tawnin lei le van bawlin a dawlbel ten ihempoh nei khawngtu tukin teng hi.

HEBRU 1:5

Itahim titale Pathian in itih bang vancungmi hihen, “Nang cu ka Capa ci, tuni in, na Pa ah cang zo ing” ti awng ma hi. Mah humah i bang vancungmi hei hihen, “Kei cu a Pa hi tung a, amah cu ka Capa hi tuk hi,” tin ti awng ma hi.

HEBRU 1:8

Mahten a Capa i thu ah Pathian in, “Nangmah cu Pathian ci, na kumpi khunnak cu kumkhua in kho tuk hi!

HEBRU 3:6

Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.