HEBRU 5:7 - Ngawm Bible

⁷ Leihum a umlaih khin Jesuh in thihnak pen a nunpantu Pathian nelah ngingzet au in, hitui luang thah thungen hi. Mi niamkhiat le nun piatu a hih hangin Pathian zaksak hi.

HEBRU 5:7 Iomraidhean Croise

SAAM LABU 22:24

Mi ca-ngahte zamthong ngawlin, mi haksa tei thuaknakte zamsan thong ma hi. Mahnaven bopnak ngenin, a au haw ten, don mek hi,” tin ti tung.

SAAM LABU 69:1

Maw Pathian aw, kei hu pan zalin hi. Tui ka ngawng tian heng hi.

SAAM LABU 88:1

Maw Topa ka Pathian kei pantu, sun nilui nangmah sam ing; zanah na mai ah hung ing.

ISAIAH 49:8

Topa in, a mitei lakah, nangmuh patnak ni a hen ten bawm tung hi. Bopnak na nget uhmi cu za tung. Cingkhawi tung a, humhim tung hi. Nangmu sung pen mi hempoh lakah thutepnak bawl tung hi. Na zamsa uhmi ngam sungah umlehtik tung.

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

ISAIAH 53:3

Amah cu a zotsak uhmi le a vawkthong uhmi hi. Natnak le haksatnakte thuak hi. Kuamah in, a zo hei zo nuam haw ma. Phukthong poh tin, a zamthong uhmi hi.

THIAMPI NADEHNAK 2:2

Aaron casuan thiampi tei lakah hunpih tuk hi. Ngawi vam sasang vut cu thiampi in khut pham khat cu situi le namtui tuah la tuk a, Topa i nelah piakmi hi tih theihtupnak tukin biaklandawh humah haal tuk hi. Mahti bangin an cang a halmi ngim cu Topa i ca in namtui mi na hihi.

MATTHAI 27:46

Taklam nazi pa thum ten Jesuh cu ngingzet au in, “Eli, Eli, lema, sabakthani?” tin au hi, a sullam cu, “Ka Pathian, Ka Pathian, ita kei taisan cim?” tihnak hi.

MATTHAI 27:50

Jesuh cu nase zetin au lehin catsukta hi.

MARKA 15:34

Taklam nazi pa thum ten Jesuh cu, “Eloi, Eloi, Lema Sabakthani,” tin nase zetin au hi. A sullam cu, “Ka Pathian, Ka Pathian, ita kei zamsan cim?” tihnak hi.

MARKA 15:37

Jesuh cu ngingzet a au celh ten catsukta hi.

LUKA 23:46

Hi thu um dante a mutu ngalkap bawi pa khatin, Pathian thangphat thahin, “Hi pa hi mipha hihim hi” tin ti hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 11:35

Jesuh cu kap hi.

JOHAN 11:42

Ka thu na ngaih leleng cu thei ing. Mahnaven hilai a um mipi ten nangma tiikmi ka hihnak a up theihnak haw tukin hi bangin ka otnak cu na hi.

JOHAN 17:1

Jesuh in hi thu a hilh ceng ten vanlam zoto in, “Ka Pa, a hun heng zo hi. Capa in nangmah a sunloihnak le huham a piak theihnak tukin na Capa i lakah sunloihnak pia tohin hi.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

GALATI 4:4

Mahnaven hun thiahmi a hen hun ten Pathian in, a Capa hah hi. Numei sung pen hingin Judah tei Daan nuai ah nung hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

HEBRU 10:10

Itahim titale Pathian i dehtik a nuammi cu Khrih in, a bawl khawng hangin ama pumpi kumkhua phatmi a piaknak hangin ohte a sualnak uh pen thiangtik hi.

HEBRU 10:5

Mahti bang a hih hangin lei humah Khrih a hunsuk ten Pathian nelah, biakpiaknak le piaknak cu na deihmi kha ma hi; mahnaven keima ca in taksa pum tuangtim sak zo ci.

HEBRU 11:7

Noah in, a muh theih ngawlmi mailam a, a heng tukmi Pathian i ngallin piakmi a theitiktu cu a upnak hi. Pathian thu ngai in, timbaw bawl a, mah sungah amah le a innkua cu himdamno in suakca haw hi. Mah hangin leihum cu thukhennak tawkin Noah cu a upnak hangin Pathian lak pen dikcangnak co hi.

HEBRU 12:28

Mahti bang a hih hangin lungdam thatui in um nung. Itahim titale hin theih ngawlmi uknak co hung hi. Pathian nelah a lungdamnak uh langtik nung inna, a lungdamtu zongin, amah cu upatnak tuah bia tuk hung.

HEBRU 13:20

Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.

HEBRU 2:14

Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

1 JOHAN 4:3

Mahnaven kua hei hihen mahti bang a phuang nuam ngawltu cu Pathian lak pen a hungmi Hawvang neitu kha ma hi. A neihmi hawvang cu Khrih i ngal lak pen a hungmi hi. Khrih i ngal cu hung tuk hi tin za zo uh ci, atu-in hi leihumah heng zo hi.

2 JOHAN 1:7

Mizoltu tampi leihumah heng zo haw hi. Mah mizoltu ten Jesuh Khrih cu mihingin hung ma hi, tin a titu cu Khrih i ngalte haw hi.