HEBRU 5:4 - Ngawm Bible

⁴ Kuamah in amuh le muh thiampi sangah tengdunin dangtodun cop thei haw ma hi. Aaron cu Pathian in samin, thiampi sang a can bangin kua hei hihen Pathian i samnak bekin thiampi sangah cangthei haw hi.

HEBRU 5:4 Iomraidhean Croise

1 KHANGSIALNAK 23:13

Upabel Amram cu Aaron le Moses tei pa hi. Aaron le a casuante cu na thiangtho a kumkhua in, a cingkhawitu, Topa biak ten namtui haltu, Topa nadektu le a min tuah mipi muicu piatu tukin koih mite haw hi.

2 KHANGSIALNAK 26:18

kham tukin kumpipa cu zui haw hi. Thiampi ten, “Uzziah, nangin Topa i lakah namtui haal theihnak thunei ma ci. Aaron casuan thiampite bekin hi nadeh dek tukin thianthohtikmi haw hi. Hi mun thiangtho pen tai in hi. Topa Pathian cu a thinuktik na hih hangin muicu pialeh tukma toh hi,” tin ti haw hi.

EZRA 7:5

Bukki cu Abishua capa hi, Abishua cu Finehas capa hi; Finehas cu Eleazar capa hi; Eleazar cu Aaron capa hi.

SUAHTULNAK 28:1

“Keima thiampi dek tukin Israel mipi lak pen a dangno in, na u Aaron le a capa Nadab, Abihu, Eleazar le Ithamar na lakah samin hi.

THIAMPI NADEHNAK 8:2

“Aaron le a capate cu Thukham koihnak Puanbuk kongka ah hawhpih inna, thiampi thuam, sathau thih tuk situi, sualhah biakpiaknak tukin khuicangno pa khat, tuucang pa nih le naman hel ngawl cangho bawm khat hunpihin hi.

MIPUM SIALNAK 16:10

Topa in ama elah nektu tukin nangmah le Levi mite teng zo toh hi. Atu-in thiampi nadeh la tum lehleu uh ci!

MIPUM SIALNAK 16:35

Topa in mei alh khiasukin, namtui biakpiaknak a bawltu za nih le sawm nga cu kangtum khawng haw hi.

MIPUM SIALNAK 16:40

Hihi cu Aaron sial ngawl kuamah Topa i biaklandawhah hungin namtui haal thei haw tukma hi, tih ngallin piaknak hi. A bawltu a um haw tale Korah le a mihingte bangin siatsuahnak tawk haw tuk hi. Moses lakah, Topa i thupiakmi bangin a humlam a bawl tuk mite cu Eleazar in bawl khawng hi.

MIPUM SIALNAK 16:5

Korah le a nungzuitu tei lakah, “Zingten Topa in ama mihingte cu ciangtik tuk hi. Ama mihingte le ama ca in, a tensa mite cu biaklandawhah hungtik tuk hi.

MIPUM SIALNAK 18:7

Mahnaven nangmah le na capate bekin biaklandawh le Mun Thiangthobel sung a, thiampi nadeh cu dek khawng un hi. Thiampi nadeh cu ka piak zo hangin, na dehvo uh hi. Hi nate dek tukin a tak ngawl mite cu na thiangtho elah, a hung haw tale thah hi haw tuk hi,” ti hi.

MIPUM SIALNAK 3:3

Amuh cu thiampi dek tukin sathau thihnak le khutsuan thungetnak ngahtu haw hi.

JOHAN 3:27

Johan in, “Pathian piakmi tih ngawlin kuamah in comi imah nei thei haw tukma hi.