HEBRU 5:3 - Ngawm Bible

³ Mahti bangin tingsapnak a neih bok hangin midang tei sualnak ca bek hi ngawl, ama sualnak ca hei in, biakpiaknak a piak kul hi.

HEBRU 5:3 Iomraidhean Croise

THIAMPI NADEHNAK 16:15

Mah nungten Israel tei sualhahnak tukin Keel cu ngo in, a thi cu Mun Thiangthobel ah hunpih tuk hi. Khuicang thi a theh bangbokin mah thi cu Thutiam Kuang sin le mailam mawkah theh tuk hi.

THIAMPI NADEHNAK 16:6

Ama sualhahnak le a innkua tei sualhahnak tukin khuicang pa khat biakpiaknak tukin pia tuk hi.

THIAMPI NADEHNAK 9:7

Aaron i nelah, “Biaklandawhah hawh inna, na sualnak le mipi tei sualnak cu hahsak a hih theihnak tukin hi sualhah biakpiaknak le halkang biakpiaknak cu bawlin hi. Hi biakpiaknak cu mipi tei sualhahnak tukin Topa i thupiaknak bangin bawlin,” ti hi.

1 KORIN 15:3

Ka pom ngah zomi atu-in nohtei lakah a thupibel hi tin ka phuan sawlawn mi cu hi bangin hi. Lai Thiangtho sungah ngatmi bangin, Khrih cu a sualnak uh hangin thi hi.

HEBRU 10:12

Mahnaven Khrih i biakpiaknakin vei khat pia in, mahmi cu kumkhua ca phaat hi; mah nungten Pathian i taklamah khung hi.

HEBRU 7:27

Amah cu thiampi dangte bang kha ma hi. Thiampi dang bangin nisialin ama ca sualhah biakpiaknak pia masabelin, mahceng ten mipi tei ca sualhah biakpiaknak piak masa kulma hi. Amah in biakpiaknak vei khat bek pia a, kumkhua phaatin, a nunnak a piakmi khi hi.

HEBRU 9:7

Thiampi Sang bek, sungta khansungah kum khat, vei khat tum hi. Ama sualnak le mipi ten sualnak a hihlam thei ngawlin a bawl khak haw mi ca in nganhing thisan cawi in Pathian pia hi.