HEBRU 5:14 - Ngawm Bible

¹⁴ Mahnaven an ngai cu upa ca in hi; amuhte cu khenkhuai theihnak lungmu tuah a sia le pha khen thiam haw hi.

HEBRU 5:14 Iomraidhean Croise

PIANPATNAK 3:5

Na ei uh tale na eih ni uhin, na mit uh vak tuk a, Pathian amah bangin, a sia le pha theih theihnak nei tuk uh ci, tihmi Pathian in, a theihsa hangin a khammi hi,” tin numei nu i lakah hilh hi.

2 Samuel 14:17

Maw, kumpi pa, nang cu Pathian vancungmi bang hi ci, a sia le pha ihempoh na deidat thiam hangin na thutepnakin hup tuk hi tin ngaisung ing. Topa na Pathian cu na lakah um leleng zal hen,” ti hi.

1 KUMPI 3:11

Solomon lakah, “Khansaunak, hauhnak le na ngal tei thihnak ngen ngawlin, na mihingte dikcangno in uk theihnak tukin cihnak na nget hangin,

1 KUMPI 3:9

Mah hangin hi na mihingte pha le dikcang zetin ka uk theihnak tukin le a sia le pha ka khenkhuai theihnak tukin ka kulmi cihnak pia in hi. Mah ahimata hitihzah a tam na mite hi itin kaw ka uk theih tuk?” tin ti hi.

JOB Laibu (The Book of Job) 12:11

Na lei uhin, an a uknak a theih bangin, na beng uhin mitei awn theih tuk cu nuamzet hi.

JOB Laibu (The Book of Job) 34:3

An cu na tep uhten a uk le uk ngawl thei uh ci; Na beng uhin thu zain, thudik ahi le hi ngawl khenkhuai thei uh ci.

JOB Laibu (The Book of Job) 6:30

Mahnaven zolthu son li bangin ngaisung uh ci; A dik le dik ngawl deidan thiam ngawlin ngaisung uh ci.

SAAM LABU 119:103

Na thupiakmite a hum daan cu! Khuaihum sangin hum saw.

SOLOMON LA 1:3

Na noihmi zimuino nam, na len min zimui bua bang, Zozaam tei, ngaih cuangno ci.

SOLOMON LA 2:3

Lung ka tup, ka valpa cu val dang cam lak sung pen, tuthing apple bang cuangcung, a lim nuai ah khungleng, kei ca a ngah hum cuang.

ISAIAH 7:15

Upa pepelin, a sia le pha deidat a thiam ten, a an eihmi cu khuinawi le khuaihum hi tuk hi.

MATTHAI 5:48

Vancung a na Pa uh a cangkim bangin cangkim bok un hi.

ROM Khua Khristian Tei Lakah Paul i Laikuat (Paul’s Letter to the Romans) 14:1

Upnak lam pen a zawngkhalte khi komno in zo unna; ama bulpak upnak khi el li pahsuh un.

1 KORIN 2:6

Mahnaven Hawvang lam a, pitungsa tei lakah cihnak thu hilh ing. Mahnaven mah cihnak thu ka hilhmi cu hi leihum cihnak kha ma hi, leihum uktu pa i huham hei hi ma, mah huhamte cu a bo li tohmi huham bek hi.

EFESA 1:18

Iti bang muansannak nei tukin kaw nohte samin, a mihing tei ca in, a tepsami cu iti bang nalamdang him!

EFESA 4:13

Mahten a upnak uh le Pathian Capa a theihnak uh pa khat sungah khawm khawng tuk hung; pasal piting hi tuk hung a, Khrih i pasal piting a hihnak a sannakbel munah heng bok tuk hung hi.

FILIPI 3:15

Hawvang lam pen pasal; a pitingmi ohte hi a venghawng uhin hitih bang lungput a nei ten tukmi hung hi. Mahnaven mi khenkhat ten lungmu ngaihsut dan a dang na nei uh tale mahmi cu Pathian in ciang zetin nangmu lakah langtik tuk hi.

1 THESALON 5:21

Ihempoh khingkhai masa un hi, a phami ahi tale pom unna,

1 TIMOTE 4:7

Mahnaven Pathian thu tuah pehdunnakin, sullam a nei ngawlmi, hilhdun tuk hei in, a tak ngawlmi tangthu thawthongte cu pialin hi. Pathian deihzawng nung tukin zilhdun leleng un hi.

HEBRU 6:1

Mah hangin mailamah not tuk hung; Khristian thuthang a tawpatnak a, zilhdunnak cu zamsanin, piting hilhdunnakah hawh tuk toh hung. Nemcuamnak imah nei ngawlmi nadeh a zamsa zo uhmi cu a taw pepanleh tukma toh hung. Pathian a upnak uh vang a taw pen panleh tukma toh hung hi.

JAMES 3:2

Ka venghawng uhin khial kha mek ung. Mahnaven a awnkamin, a khial ngawlmi cu a tisa pumpi a ukdun theitu mi cangkim hi.