HEBRU 5:12 - Ngawm Bible

¹² Atu-in zilhtu dinmunah ding hun toh nave uhcin; Pathian i thu cu a tawpatnak pen hilh kul laih uh ci. An ngai ei hun toh nave uhcin khuinawi in laih uh ci.

HEBRU 5:12 Iomraidhean Croise

2 Samuel 16:23

Mah hunin, Ahithofel i ngaihsutnak cu Pathian i awnkam ngangai bangin zui haw hi. David vangin zui in Absalom vangin zui bok hi.

EZRA 7:10

Ezra in, a hun hempoh cu Topa i piakmi Daan zilnak le zuinakin hihen, mah daan le thupiakmite cu Israel mite zilh pepelnak tukin mang hi.

SAAM LABU 34:11

Hung un, khangnote, ngai hem un, Topa kihcakdan hilh nang.

ISAIAH 28:13

Mah hangin Topa in, a laimal in, a laituanin le thu pa khat nung pa khatin, a hilh tumnak hi. Kal khat na kal uh sial ten bah tuk uh ci. Liamma pu tuk uh ci, thangin awk tuk a, ngalmatmi hi tuk uh ci.

ISAIAH 55:1

Topa in, “Hung un, dangdum hempoh hung un hi, hilai ah tui um! Hung un, sum a nei ngawlte an lei in, ei un hi. Hung unna, sabit le khuinawi lei un; a thawnthongin ngah tuk uh ci.

MATTHAI 17:17

Jesuh in, “Maw upnak nei ngawl mikhialte! Itik tian kaw nangmuh ka umpih hih tuk? Ituk tian kaw ka ngah hih tuk? Naupang pa cu ka lakah pui un,” ti hi.

MARKA 9:19

Jesuh in, “Upnak nei ngawlte,” tin a nungzuitute liat hi. “I tuk tian nangmuh tuah um kawm tuk laih ing kaw? Nohte tuah i can thuak tuk laih ing kaw? Naupang pa cu ka lakah hunpih un!”

NUNGZUITU 7:38

Amah cu Israel mite phillawnah a um haw laihin, amu lakah a tel lelengtu pa hi; a pu le pa tei lakah um bokin Sinai Mual pen vancungmi i awnkam a sangtu le a lakah a umtu hi; Mahten Pa Pathian i thu nung cu ohtei lakah a hen theihnak tukin a sangtu hi sih hi.

ROM Khua Khristian Tei Lakah Paul i Laikuat (Paul’s Letter to the Romans) 3:2

A phunkimin, a cuangcungnak haw cu um hi. Amasabelin Pathian in, a Thuthangpha cu Judah mite cingkhawitik hi.

1 KORIN 14:19

Mahnaven Pathian biaknak munah midangte zilhnak tukin awn phundang tuah thawng sawm ot sangin theihthiammi awn kam nga awn saw tung hi.

1 KORIN 14:20

U le naute aw, na thu ngaihsutnak uh naupang bangin um pahsuh un. Na pha ngawl bawlnak naupang bang unna, thu ngaihsutnak lamah ngilcang un.

GALATI 4:3

Mahti bangin eimuhte vang cu hawvang lam pen a piting uh laih ngawl sungin lei le van laklawh a thuneitu hawvang tei sal hung hi.

FILIPI 3:1

Thukhupnakah ka hilh nuammi cu, u le naute aw, Topa tuah na pehzom uh hangin lungdam un. Amasa a nangmu lakah ka ngatsami nganleh tuk vang cu poi tisap mang hi. Thu ngangai in titale ngatleh tuk vang cu nangmu ca in nangmuhte a huptu hei na hi saw tuk poh hi.

KOLOSE 3:16

Khrih i thu cu na lungmu sung uhah cangkimno in cam leleng hen. Cihnak namkim tuah pa khat le pa khat zilhdunin thapiadun un. Saam labu sung a la, apdunnak la le la thiangte sa un. Na lungdamnak uh cu la tuah Pathian thangphat un.

HEBRU 10:32

Ni dang laih na nundan uh ngaisung un. Nangmu lakah Pathian vaknak a hen sem laih khin, thuaknak le haksatnak a phunkim tawk nave uhcin mah haksatnakin neh ma hi.

HEBRU 5:11

Hi thu ah hilh tuk tampi nei ing hi; mahnaven thu theihthiam haksa leita na hih uh hangin noh lakah hilhcian haksazet thong hi.

HEBRU 5:13

Nawitui in laihtu cu naupang laih hi; a sia le pha theih theihnak nei ma laih hi.

HEBRU 6:1

Mah hangin mailamah not tuk hung; Khristian thuthang a tawpatnak a, zilhdunnak cu zamsanin, piting hilhdunnakah hawh tuk toh hung. Nemcuamnak imah nei ngawlmi nadeh a zamsa zo uhmi cu a taw pepanleh tukma toh hung. Pathian a upnak uh vang a taw pen panleh tukma toh hung hi.

1 PETER 2:2

Nau hinsemno bang un; hawvang nawitui cu duhzet un; mah nawitui na in uh hangin khangin, nunpatnak ngah tuk uh ci.

1 PETER 4:11

Ihempoh humah Pathian in Jesuh Khrih hangin thangphatnak a ngah theihnak tukin thusontu ten Pathian i thu son unna, nadektu ten Pathian piakmi thazaang tuah dek un hi. Sunloihnak le huham hempoh cu kumkhua in amata hi. Amen.