HEBRU 4:9 - Ngawm Bible

⁹ Tu bang ahi tale Pathian cu ni salih ni ah a colh bangin Pathian i mihing tei ca in colhnak a dang umlaih hi.

HEBRU 4:9 Iomraidhean Croise

SAAM LABU 47:9

Leihum miphun uktute cu Abraham i mihingte tuah munkhatah tawkdun khawm haw. Ngaldotu tei ngal lumphol hempoh cu Pathian ta hi khawng hi. Amah cu ihempoh uktu hi.

SUAHTULNAK 16:30

Mah hangin ni salih ni-in Israel mite cu cawl haw hi.

ISAIAH 11:10

Mah ni ten, David casuan sung pen kumpi thak suak a, miphun tampi tei ca in, tiamtehnak hi tuk hi. A khuapi sungah tawkdun khawm haw tuk a, upatnak pia haw tuk hi.

ISAIAH 57:2

Ziaza pha a neitu cu lungnopnak ngahin, a thih haw ten colhnak ngah haw hi.

MATTHAI 1:21

Amah in capa hing tuk a, a min Jesuh tin sa tuk ci, itahim titale a miphun tei sualnak pen a nun haw pan tuk hi,” tin ti hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 11:25

Hun comno sung sualnak sungah nunnopin um tuk sangin Pathian i mihingte tuah haksat thuak tuk teng saw hi.

HEBRU 3:11

Ka thinukzet hangin, ‘A colhnak haw tukin ka tihmi ngamah tum hihim tukma uh ci, tin thutepnak thukzet bawl ing,’ ti hi.”

HEBRU 4:1

Atu-in, Pathian in colhnak cu ngah theih tukin thutiamnak pia zo hi. A tepsami colhnak sungah heng thei ngawl kha kawn hung tih hi ngalling zetin um nung hi.

HEBRU 4:10

Itahim titale Pathian i tepmi colhnak ngahtu, Pathian in nadeh a celh ten a colh bangin a nadehnak haw pen cawl bok haw tuk hi.

HEBRU 4:3

Oh a thu umtute cu Pathian i tepmi colhnak a cotu hi saw hung hi. “Ka thinukzet hangin, ‘A colhnak haw tukin ka tihmi ngamah tum hihim tukma uh ci,’ tin thutiam ing,” a tihmi cu kim hi. Itahim titale leipi a bawl pepan a nadeh cu ceng khawng zo toh naven hitih bangin hilh hi.

HEBRU 4:8

Pathian tepsami colhnak khi mipi tei lakah Joshua in, a pia ngahta bang ahin, “Tuni” tihmi ni a dang i thu khi hilh tukma hi.

1 PETER 2:10

Ni dang laihin Pathian i mihing hi kha ma uh ci, mahnaven atu-in amata hi uh ci; Ni dang laihin Pathian hehpihnak thei ma uh ci; mahnaven atu-in, a hehpihnak co zo uh ci.

MANGMUHNAK 14:13

Mahten vancung pen aw pa khat ka zakmi in, “Hihi nganin hi. Topa i nadehnak hangin thihnak a thuaktu cu mi lungdamte haw hi,” ti hi. Mahten Hawvang Thiangtho in, “Hi zuh hi, a nadeh haw pen cawl haw tuk toh,” ti hi.

MANGMUHNAK 21:4

A mit hitui hempoh huksak khawng tuk hi. Thihnak umleh tukma toh hi. Khaw-ngaih lungleng kahnak le natnak umleh tukma toh hi. Itahim titale mah mite cu pai khawng zo hi.”