HEBRU 4:3 - Ngawm Bible

³ Oh a thu umtute cu Pathian i tepmi colhnak a cotu hi saw hung hi. “Ka thinukzet hangin, ‘A colhnak haw tukin ka tihmi ngamah tum hihim tukma uh ci,’ tin thutiam ing,” a tihmi cu kim hi. Itahim titale leipi a bawl pepan a nadeh cu ceng khawng zo toh naven hitih bangin hilh hi.

HEBRU 4:3 Iomraidhean Croise

PIANPATNAK 1:31

Pathian in, a bawlsa hempoh a zoh ten, pha leita, tin ti hi. Taklam cu boin, zinglam heng hi, mah ni cu a ni luknak hi.

SAAM LABU 95:11

Ka thinukzet hangin, colhdamnak nangmuh pia tung, tin ka tiamsa mi ngamah heng hihim tukma uh ci,” ti hi.

SUAHTULNAK 20:11

Ni luk sung Topa in van le leipi, tuipi le a sungum hempoh bawlin a ni salih ni-in cawl hi. Mah hangin Topa in Sabbath cu muicu pia a, ama ca in thiangtik hi.

ISAIAH 28:12

Amah in colhdamnak le nunnopnak pia na pi in, a thu cu ngai nuam ma uh ci.

JEREMIAH 6:16

Topa in, a mihing tei lakah, “Lam kaknakah ding unna, khua cuan un hi. Ni dang laih lampi le lampi phabel ilai ah kaw a um? tin dong un! Mah lampi pen hawh unna, lungmuang zetin um tuk uh ci,” ti hi. Mahnaven amuh ten, “Hawh thawthong tukma ung,” ti haw hi.

EZEKIEL 20:38

Nangmu lak pen langpang le mi dodalte cu lawl tung. Atu a umnak ngam haw pen tultik tung, mahnaven Israel ngamah kiktik tuk mang. Topa ka hihlam thei haw tuk hi.”

MATTHAI 13:35

Hitih bangin a hilhnak cu profet i hilhmi a kimnak tukin hi. Profet i hilhmi cu: “Amuh tei lakah ka ot ten, tehkipnak mang tung. Leipi a pianpat pepan a theih awng haw ngawlmi thu khi amu lakah phuang tung,” tin a tihmi hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

EFESA 1:4

Hi leipi a bawl pat laih ngawl hei in, Pathian in ohte hi Khrih tuah a pehzopnak uh hangin ama mai ah mi thiangtho le sual nei ngawlmi hi tukin amata in teng zo hi. A itnak i hangin,

HEBRU 3:11

Ka thinukzet hangin, ‘A colhnak haw tukin ka tihmi ngamah tum hihim tukma uh ci, tin thutepnak thukzet bawl ing,’ ti hi.”

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

HEBRU 9:26

Mahti bangin leipi pianpat pepan vei tam leita thuak kul tuk hi! Mahti bang hi ngawlin atu hun dawlbelnak a bo kuanno ten amah le mah biakpiaknakah piadunin, sual a thiantik theihnak tukin kumkhua phaatin vei khat bek lang hi.

1 PETER 1:20

Amah cu leipi semsuah laih ngawlin Pathian i tensami hi, atu nangmu ca tukin ni dawlbel hun a, Pathian i langtikmi hi.