HEBRU 4:12 - Ngawm Bible

¹² Pathian i thu cu nungin, thil tithei hi. Lang nih a hiammi naam sangin hiam saw hi. Nunnak le hawvang a tawhdunnak haw le nguh le ling tei pehdunnak tianin paihlet veu in sunlet khawng thei hi. Mihing tei lungmu deihnak le a ngaihsutnak haw thei khawng hi.

HEBRU 4:12 Iomraidhean Croise

SAAM LABU 110:2

Zion pen na uknak cu Topa in zaltik tuk hi. “Na ngalte ukin,” ti hi.

SAAM LABU 119:130

Na thu hilhciangmi in vaknak pia hi; Mi lungsil tei lakah cihnak pia hi.

SAAM LABU 139:2

Ka thil bawlmi hempoh thei ci. Lam khawlapi pen ka lungmu cu thei khawng ci.

SAAM LABU 149:6

Pathian thangphat thahin, nging zetin au haw hen. A hiammi a ngalnam haw cu a khut hawah cawi in,

SAAM LABU 45:3

Maw kumpi Bawipa, na tai ah na namsau khaihin; nang cu huham nei le mi sunglawi ci.

THUPAUCAP 5:4

Mahnaven a tawpnakah a kha mi le haksatnak sialngawl a dang imah zam tukma hi.

THUHILHTU 12:11

Micip tei awnkam cu tuucing pa in, tuu cinnakah a manmi ngolh hiam bang hi. Thupaucap khawl khawmmi cu khim zetin, khetmi tawngkhen bangin kho leleng hi. A venghawng uh i tuucing ahi mi Pathian i piakmi hi.

ISAIAH 11:4

Mi ca-ngah tei thu cu phano khen sak tuk a, bawmtu nei ngawlte a covo haw hupsak tuk hi. A thupiaknak bangin mihing cu bawlsiat hi tuk a, mipha ngawl cu thah hi tuk hi.

ISAIAH 49:2

Ka awn cu ngalnam bangin hiamtikin, a khut tuah hup hi. A hiamzet mi le man tukin koihsa mi thalcang bangin bawl hi.

ISAIAH 55:11

“Ka kam sung pen a tulmi awnkam cu mahti bangin hituk hi. Imah bawlsuakmi nei ngawlin ka lakah kikleh tukma hi. Dek tukin ka tuptahmi hempoh cu dek khawng tuk hi.”

JEREMIAH 17:10

Keimah, Topa in mihing tei ngaihsutnak cu mu ing a, a lungmu khingkhai ing. Mi hempoh amu nungcang bangin zo ing a, amu bawl bangin lulleh bok ing,” ti hi.

JEREMIAH 23:29

Ka thu cu mei alh bang hi suang a sukeh bilh belhtu sobul bang hi.

LUKA 8:11

“Hi tehkipnak i a sullam cu hi tih bangin hi. Anci cu Pathian thu hi.

JOHAN 12:48

Keimah lawlin ka thu a pom nuam ngawltu tei ca in, thukhentu tuk cu um leng hi. Ka hilhmi thu hi ni nungdawlbel ten a thukhentu hileh tuk hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

NUNGZUITU 2:37

Peter i otmi a zak haw ten a lungmu haw cu thatho zetin Peter le a dang nungzuitu cu, “U le naute, i bawl kam nung?” tin dong haw hi.

NUNGZUITU 4:31

Thu a nget celh bek haw ten mah a tawhdun khawmnak haw inn cu hing a, Hawvang Thiangtho tuah dimin, Pathian i thu cu ngalpha zetin phuang haw hi.

NUNGZUITU 5:33

Mahtin a tih haw cu khonsil sungtel ten a zak haw ten thinuk mahtak haw in, nungzuitute cu that khawng nuam ngangai haw hi.

NUNGZUITU 7:38

Amah cu Israel mite phillawnah a um haw laihin, amu lakah a tel lelengtu pa hi; a pu le pa tei lakah um bokin Sinai Mual pen vancungmi i awnkam a sangtu le a lakah a umtu hi; Mahten Pa Pathian i thu nung cu ohtei lakah a hen theihnak tukin a sangtu hi sih hi.

ROM Khua Khristian Tei Lakah Paul i Laikuat (Paul’s Letter to the Romans) 1:16

Thuthangpha cu zahcak pih hihim mang hi. Itahim titale Pathian i huham hangin umtu hempoh ten nunpatnak ngah haw hi. A masa in Judah mitei ca hi, mahten Gentail mitei ca hei hi bok hi.

1 KORIN 1:24

Mahnaven Pathian i a samsa tei ca in Judah mi hihen, Grik mi hihen, a phuan uhmi cu Khrih hi. Khrih cu Pathian ngilnak le cihnak hi.

2 KORIN 2:17

Kohten Pathian i thu khi man baihno in, a zuaktu bang kha ma ung hi. Pathian i tiikmi ka hih uh hangin Khrih i nadektu ung hi tih thei in, a mitmuhah lungmu tatakin, a thu phuang ung hi.

2 KORIN 4:2

A bawl kuh mek uh thil le zahcakhuai thil khi vawk khawng zo ung hi; mizol ma ung, Pathian thu vang keimu deih zawngin melh ma ung. Thutak cu zaknop le taituang zetin phuang ung a, mahten itih bang mihing ung ngim tih cu miten a lungmu haw tuah khenkhuai haw hen tin nung ung hi.

EFESA 5:13

Mahten ihempoh cu khuavaknakah henpih a hih hun ten a hihnak haw tatak tuah langleh khawng tuk hi.

EFESA 5:26

Hitih bangin a bawlnak cu pawlpi hi, tui sungah a somciangnak hangin a thianthohtik nungten a thu in Pathian nelah ap tukin hi.

EFESA 6:17

Mahten lukhu ai-in nunpatnak khi la unna, Hawvang i piakmi ngalnam ai-in Pathian i awnkam khi keng un.

1 THESALON 2:13

Mahten Pathian nelah lungdamnak ka piak nuam uhmi thudang umlaih hi. Pathian i thu nangmu lakah ka henpih uhten mihing thu hi ngawlin Pathian i thu hi tih cu thei uh ci; mahtin na theih uhmi cu Pathian i thu tatak hi a, pom ngah zo uh ci. Itahim titale a sangtu nangmu sungah Pathian in nadek hi.

1 THESALON 5:23

Lemdaihnak a piatu Pathian amah in cangkim zetin thiangthotik henna, a Topa uh Jesuh Khrih a hunleh ten na hawvang, na lungmu uh le na taksa, na ihempoh uh mawhsiatnak nei ngawlin bawl tahen.

HEBRU 13:7

Pathian i thu a hilhtu, ni dang laih a, nangmuh lampuitu khi phawk leleng un hi. A nunsung haw in, a umdan haw le a thihnak haw thu khi ngaisungleh unna, a upnak haw vang cung un hi.

HEBRU 6:5

Pathian awnkam a phadan thei ngahtu vang hi haw in, a heng tuk laihmi hun i huham vang a teptu le a thei ngahtute haw hi.

JAMES 1:18

Ama lungkimnakin, a bawlmi hi hung a, eimuh a semsuahnakah thutak awnkam mang hi. Mah hangin a semsuahmi na hempoh lak pen ohte cu a ngah masabelmi hung hi.

1 PETER 1:23

A nungmi le kumkhua a khomi Pathian awnkam hangin hinthakmi hi zo uh ci. A thi theimi, nu le pa tei cate hi lehma toh uh ci. A thi thei ngawlmi i cate hi zo uh ci.

MANGMUHNAK 1:16

A taklam khutin aksi salih na cawi a, a kam sung pen lang nih hiam namsau pa khat tul hi. A maicang cu suun laihtak ni bangin khap hi.

MANGMUHNAK 19:15

A kam sung pen a hiam zetmi namsau pa khat, hinnam tampi a nehnak tukin tul hi. Thik thiangkhut tuah uk tuk a, Cungnungbel Pathian thinuknak sabit ngawinak sungah sabit bangin ngawi tuk hi.

MANGMUHNAK 19:21

A ngalkapte cu cipuh hum khungpa i kamsung pen a tulmi namsau in that hi. Vano hempoh ten a cik a eih theihzah haw tenin ei haw hi.

MANGMUHNAK 2:16

Mah hangin hiti bang sualnak pen kikleh un. Na kikleh uh ma tale nangmuh tei lakah manlangin hung tung a, mahmite cu ka kam sung pen a tulmi namsau tuah do tung hi.

MANGMUHNAK 2:23

Amah zuitute vang that khawng tung a, mahten pawlpi hempoh ten mihing tei ngaihsutnak hempoh le deihnakte thei khawngtu ka hihlam thei haw tuk hi. Akua abang vang na bawlnak uh bangkekin pia kikleh tung hi.

MANGMUHNAK 20:4

Kumpi khunnakte le a hum a khungtu, thukhen theihnak a hum haw a piakmite mu ing. Jesuh i phuanmi thutak le Pathian thu a phuan haw hang thah thuaktu tei hawvang mu ing. Mah mite in sahang bia haw ma hi; a milim vang bia haw ma hi. Sahang melciknak cu a baan hawah hei hihen, a cal hawah hei hihen nei haw ma hi. Nungleh haw in, kumpi bawi bangin Khrih tuah kum thawng khat sung uk haw hi.

THUKHENTUTE 3:16

Ehud in, a lang nih hiammi ngalnam pa khat, dong khat sau, ama tatuk bawlin, a taklam angki cep sungah kencih hi.