HEBRU 4:10 - Ngawm Bible

¹⁰ Itahim titale Pathian i tepmi colhnak ngahtu, Pathian in nadeh a celh ten a colh bangin a nadehnak haw pen cawl bok haw tuk hi.

HEBRU 4:10 Iomraidhean Croise

PIANPATNAK 2:2

Ni salih ni a hen ten Pathian in, a nadeh cu cengin cawl hi.

JOHAN 19:30

Jesuh in mah tuithuk cu cawpin, “Ceng khawng zo hi!” ti hi. Mahten a lu kunin catsukta hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 10:12

Mahnaven Khrih i biakpiaknakin vei khat pia in, mahmi cu kumkhua ca phaat hi; mah nungten Pathian i taklamah khung hi.

HEBRU 4:9

Tu bang ahi tale Pathian cu ni salih ni ah a colh bangin Pathian i mihing tei ca in colhnak a dang umlaih hi.

MANGMUHNAK 14:13

Mahten vancung pen aw pa khat ka zakmi in, “Hihi nganin hi. Topa i nadehnak hangin thihnak a thuaktu cu mi lungdamte haw hi,” ti hi. Mahten Hawvang Thiangtho in, “Hi zuh hi, a nadeh haw pen cawl haw tuk toh,” ti hi.

MANGMUHNAK 6:11

Amuhte cu puan ngo pa khat ten piak hi haw in, “Nangmuh bangin thahnak thuak tuk na unaupih le na sangngamte a kim laklawh hun comno sung um hih un,” tin hilh haw hi.