HEBRU 3:9 - Ngawm Bible

⁹ Pathian in, “Mahlai ah na pu le pa uhten dodalin khingkhai haw hi; kum sawm li sung amuh tei ca in, ka bawlmi nate mu haw naven,” ti hi.

HEBRU 3:9 Iomraidhean Croise

SAAM LABU 95:9

Amu ca in ka bawlmi hempoh mu leng haw naven khingkhai in langpang leng haw hi.

SUAHTULNAK 19:4

“Izipt mitei hum a, ka bawlmi cu mu uh ci a, noh cu muvanlai in, a ha hum a, cano a thiak bangin ka lakah thiak ing hi, tih na muh zo uh bangin ka lakah henpih zo ing.

SUAHTULNAK 20:22

Topa in, Moses lakah Israel tei lakah hi bangin na hilhin hi, “Van pen nangmuh ka otpihnak mu zo toh uh ci.

AMOS 2:10

Izipt ngam pen puitul lehin, phillawn lakah kum sawm li sung khol ing. Amor mitei ngam cu nangmuta tukin pia ing.

MIPUM SIALNAK 14:33

Na ca uhten hi ngamkhing sungah muantak ngawl na hih man uh cu kum sawm li sung thuak haw tuk a, pa khat mah tang ngawlin na thih khawng laklawh uh tian vakvai haw tuk hi.

LUKA 7:22

Mah hangin Jesuh in Johan nungzuite cu “Kiklehta unna, na muh uhmi le na zak uh thute hi Johan na hilhta un hi. Mitcaw ten khua mu haw, kebai ten hawh thei haw in, miphaak ten damnak ngah haw, bengbul ten thu za lehin, mithite tholeh haw hi. Mi ca-ngah tei lakah lungdamnak Thuthangpha cu au in um zo toh hi.

NUNGZUITU 13:8

Mahnaven mitzial thiam Elimas in lem ma hi; Elimas tih cu a Grik min hi. Serzias Paulas cu a hilh haw mi a sang tuk ngawlin so het hi.

NUNGZUITU 7:36

Izipt ngam pen Israel mite cu suahtulin Izipt ngam, tuipisan le phillawn lakah kum sawm li sung nalamdang le thasiahhuai tampi bawl hi.

DAAN PIAKLEHNAK 11:7

Hi zuh hi, Topa i bawlmi nalamdang a mutu cu nangmuh uh ci.

DAAN PIAKLEHNAK 29:2

Moses in Israel mipi cu samkhawmin, a lak hawah, “Topa in Izipt kumpi humah le a khutnuai le a ngampi humah a bawlmi cu na mit uh tuah mu cikcek zo uh ci.

DAAN PIAKLEHNAK 4:3

Peor mualhum a, Topa i bawlmite cu na mit uh tuah mu cikcek zo uh ci. Baal a biatu hempoh cu pa khat hei tang ngawlin siatsuah hi.

DAAN PIAKLEHNAK 4:9

Mah hangin ngalling un! Na nunsung hempoh uhah na mit tatak uh tuah na muh zo uh mite cu phawk ngil hihim pahsuh unna; cing leleng un. Na canau uhte le na casuan uhte zilh khawng un hi.

DAAN PIAKLEHNAK 8:2

Phillawn ngamkhingah kum sawm li sung Topa na Pathian in pui in, a thupiakmi zui tum haw maw, zui tum haw ma him, tih na lungmu sungah na ngaihsutnak uhte thei nuamin, na lak uh a, haksatnak a hentik daante ngaisung un hi.

DAAN PIAKLEHNAK 8:4

Na vahvaihnak uh kum sawm li sungin na puansilh uhte sia ngawlin, na ke uh vang bum ma hi.

JOSHUA 23:3

Topa na Pathian uhin nangmu hangin hi ngam a ummi miphun tei humah a bawlmi cu mu khawng zo uh ci. Ngal na do uhten Topa na Pathian uh cu nangmu lamah tang hi.

JOSHUA 24:7

Haksa thuak amthongin Israel miten ka lakah a au haw ten amuh le Izipt mitei laklawhah khuathim koih ing. Izipt mitei humah tuipi hungtikin, tui in khuh khawng hi. Izipt mitei hum a, ka bawlmite na mit uhin mu uh ci. “Phillawnah hun ngeipi um uh ci.

JOSHUA 5:6

Israel mite cu ngamlak a vahvaihnak hawah kum sawm li ngei haw hi. Topa i thu a ngaih haw ngawl hangin Izipt ngam pen ngaldo thei sa pano hempoh thi khawng zo haw hi. A pi le pu tei lakah pia tung hi tin ka tepmi, khuinawi le khuaitui luannak ngam pha le ngamnop munah hengtik hihim tuk mang tin, Topa in ti hi.