HEBRU 3:6 - Ngawm Bible

⁶ Mahnaven Jesuh cu Pathian i innkua ah muantak, Pathian i Capa hi. Oh ten a ngaihsut san uhmi khi khohkhahzet le ngalpha zetin, a lenkhim uh tale, a innkua hi hung hi.

HEBRU 3:6 Iomraidhean Croise

SAAM LABU 2:12

Can tawtok thahin, a mai ah kun unna, mahma tale, a thinuk tuk a, lalthong tuk uh ci; Itahim titale thakhatin, a thinuk tuk hi. Amah zuanin, humhimnak a ngahte cu mi muicu haw hi.

EZEKIEL 46:10

Mipi a tum haw ten ngam uk bawi cu tum bok tuk a, a tul haw ten tulleh bok hen hi.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

MATTHAI 16:18

Hilh ing hi Peter, nang cu suang hi ci; hi suangpi humah ka Pawlpi din tung a, thihnak hei in neh tukma hi.

MATTHAI 24:13

Mahnaven a dawltawpnak tian thuak le nang zo ten nunpatnak ngah haw tuk hi.

ROM Khua Khristian Tei Lakah Paul i Laikuat (Paul’s Letter to the Romans) 11:22

Hilai ah Pathian cu hehpihnak neizet naven a thu cu khohzet leleng hi tih cu mu ung. A lum le bahtu tei lakah, a thu cu khohzet naven nohtei lakah hehpihnak neizet hi. Mah hehpihnak sungah na um leleng uh tale hehpih leleng tuk hi; mahnaven na um leleng uh ma tale ehtuahmi hi bok tuk uh ci.

ROM Khua Khristian Tei Lakah Paul i Laikuat (Paul’s Letter to the Romans) 12:12

Na muansannak uhin, na lung uh damtik hen; haksatnak na tawh uhten thinsau in um un; catngawlin thungen un.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

ROM Khua Khristian Tei Lakah Paul i Laikuat (Paul’s Letter to the Romans) 5:2

Upnak hangin a co uhmi Pathian i hehpihnak sungah Aman henpihin, atu-in mah a hehpihnak sungah um hung. Mah hangin Pathian i thawm ngengnak co thei bok tuk hung tih muansannak a um hangin lungnopzet hung hi.

1 KORIN 3:16

Nohte cu Pathian biakinn hi uh ci a, hawvang na sung uhah a um khi thei ma uh cim? Pathian Hawvang i umnak inn hi uh ci.

1 KORIN 6:19

Na taksa pumpi uh cu Pathian i piakmi le na sung uh a nungmi Hawvang Thiangtho i biakinn a hihlam thei ma uh cim? Nohte cu nangmuta hi ma uh ci, Pathian ta uh ci.

2 KORIN 6:16

Pathian i biakinn le umngawltu tei milimte itang kaw a lemdun theih haw tuk? Itahim titale oh cu a nungmi Pathian i biakinn hung hi. Pathian amah loli in: “Ka mihing tei lakah ka umnak inn sa tung a, amu lakah um tung. A Pathian haw hi tung a, amuhte cu ka mihing hi haw tuk,” ti hi.

GALATI 6:10

Mah hangin hun pha a tawh uh hempoh ah kuakua i humah hei hihen a phami cu bawl nung inna, Khristian a upnak uh lam pen a innkua tei lakah a cuangin bawl tuk hung hi.

GALATI 6:9

Mah hangin a phami bawl cu colhsan pahsuh un. A colhsan uh ma tale ancop hun hengleh tuk hi.

EFESA 3:12

Khrih tuah a pehzop dunnak uh i hangin le Amah a upnak uh i hangin Pathian umnak munah lungmuang zetin tum theihnak nei hung hi.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

1 THESALON 5:16

Catngawlin, na lung uh dam un;

2 THESALON 2:16

Kohte it in, a hehpihnak i hangin catngawlin ngilnak le muankhonak a piatu Topa Jesuh Khrih le Pa Pathian in,

1 TIMOTE 3:15

Mahnaven ngei ka um kha sual tale Pathian i innkua a pawlpi sung uhah iti bangin kaw a umdan tuk uh, hi ka laikuatmi in hilh tuk hi. Pathian i innkua cu kumkhua in, a nungmi Pathian i pawlpi hi a, mah pawlpi cu thutak i zungmutnak le a dingkhotiktu khuam hi.

HEBRU 1:2

Mahnaven hun dawllam ten ohtei lakah a Capa tawnin hilh hi. A Capa tawnin lei le van bawlin a dawlbel ten ihempoh nei khawngtu tukin teng hi.

HEBRU 10:19

Mah hangin u le naute, Jesuh thisan i hangin Mun Thiangthobel tum theihnak luatnak cangkim nei zo hung hi.

HEBRU 10:21

Vanhum a Pathian i innpi cingkhawitu tukin thiampi cuangcung nei hung hi.

HEBRU 10:23

Muansannak nei hung tin, a langtik uhmi khi, khim zetin pom tuk hung; itahim titale a thutepnak a kimtiktu Pathian cu muantak hi.

HEBRU 10:35

Mah hangin thinkham pahsuh unna, ngalphatnak na neih uhmi paitik pahsuh un, laksawng ngengpi ngah tuk uh ci.

HEBRU 11:1

Upnak nei tihmi cu a muansan uhmi ngah loli tuk hung tin muan le mit tuah amuh uh ngawlmi um tatak tuk tin upmi khi hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

HEBRU 4:11

Mah hangin Pathian i tepmi colhnak a co theihnak tukin zuam theih tawp zuam nung hi. Amuhte cu upnak a neih haw ngawl hangin a co theih haw ngawl bangin ohte cu mahtih bang hi kha hihim tukma hung.

HEBRU 4:14

Mah hangin a upnak uh khi khim zetin lenkhim lo tuk hung. Itahim titale Pathian Capa Jesuh cu eimuh tei Thiampi Sang hi a, amah cu Pathian i umnak loli ah heng zo hi.

HEBRU 4:16

Mah hangin hehpihnak umnak mun Pathian i khunnakah ngalpha zetin zuan nung. Mahlai pen a kul le sap uhten hehpihnak cu ngah tuk hung hi.

HEBRU 6:11

Na muansannak uh a cangsuak theihnak tukin a tawp tian zuam ten un, tih hi ka deihsaknak uh a ngengbelmi hi.

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

HEBRU 7:19

Itahim titale Moses Daan in cangkimin imah a bawl theihmi umma hi; mahnaven atu-in Pathian a nek theihnak tukin a pha sesem mi muansannak pia zo hi.

1 PETER 1:8

Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.

1 PETER 2:5

Nangmuhte vang hung bok unna, a nungmi suang bangin Hawvang biakinn saknak tuk Pathian i manmi suang hi un. Mahlai ah thiampi thiangtho nadeh dek tuk uh ci; co takmi Hawvang biakpiaknak khi Jesuh Khrih hangin Pathian nelah pia tuk uh ci.

1 PETER 4:17

Thukhennak a pat hun heng zo hi. Pathian i mihing ten thukhennak tawk masa haw tuk hi. Mahti bangin eimu humah a heng masa tale Pathian Thuthangpha a umngawltu cu itin tawpleh haw tuk him?

MANGMUHNAK 2:18

“Tiatira pawlpi i vancungmi lakah hi bangin ngan hi. “A mit mei alh bang vak a, a ke cu ciangzet nawtmi daal bangin a de mi Pathian Capa i thucah cu hi bangin hi.

MANGMUHNAK 2:25

Na pom sa, na neihsa uhmi hi ka hunleh laklawh hahsuah pahsuh un.

MANGMUHNAK 2:26

Nehtute le ka deihnak bangin a tawp tian a bawltu tei lakah, ka Pa i lak pen ka ngahmi thuneihnak pia tung hi. Minam hempoh tei humah uk theihnak pia tung; Thik thiangkhut tuah uk theihnak le lei beel bangin sukkeh theihnak thu amuhte pia tung. Ni konghong aksi vang amuhte pia tung hi.

MANGMUHNAK 3:11

Hungpal tung. Nehtu na hihnak hangin na ngah tukmi laksawng cu kuamah i lonsak theih tuk ngawlin na neihsami komzet kemin hi.