HEBRU 3:1 - Ngawm Bible

¹ Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

HEBRU 3:1 Iomraidhean Croise

SAAM LABU 110:4

Topa in tepdunnak cu bawl zo a, khelleh thong tukma toh. “Thiampi Melkhizedek bangin, kumkhua in thiampi hi tuk ci,” ti hi.

ISAIAH 1:3

Khui in, a neitu thei hi; laak hei in, a bawipa i an piaknak kuang thei hi. Mahnaven ka mihing Israel miten mahti bang hei thei haw ma. Imah thei bikbek haw ma hi.”

ISAIAH 41:20

Mahmi cu mi in amuh haw ten, Topa keima bawlmi a hihlam thei haw tuk hi. Israel i Pathian thiangtho in, hi hempoh cu cangtik hi tih thei haw tuk toh,” ti hi.

ISAIAH 5:12

Na puai uhten tingtang le khuang le pheveute tumin, sabittui tuah diatdun uh ci. Topa in, i bawl him tih cu thei zo ma uh ci.

EZEKIEL 12:3

“Mah hangin, mihing capa, ngaltaimi bangin na puan zial inna, khuathim laih ngawlin hawhin hi. Tul inna, mundangah na hawhmi cu mi hempoh ten mu khawng haw hen. Hi ngalthote ten mu in, ngalthomi a hih haw lam a theih hawnak hei hi kha thei.

EZEKIEL 18:28

A thil bawlmi iti bang hi tih cu thei in, sualleh ngawltohin, a um hangin thi hihim tukma hi; nung leleng saw tuk hi.

HAGGAI 1:5

Na hum uh a thil a hengmi hi mu ma uh cim maw?

HAGGAI 2:15

Topa in, “Nangmu hum a hengmi thu hi theitum ma uh cim? Biakinn na sakleh laihngawl sung uh cu,

JOHAN 17:3

Mah kumkhua nunnak tihmi cu Pathian nangmah theih le na tiikmi Jesuh Khrih theih na hi.

JOHAN 20:21

Jesuh in amuh tei nelah, “Nohtei lakah lemdaihnak um tahen! Ka Pa in, a tiik bangin nangmuh vang tiik bok ing,” ti hi.

JOHAN 20:27

Mahten Thomas i lakah, “Hilai ah na khutzung tuah zenin, ka khut zo inna, na khut tuah ka naak hi zenin hi. Umthei ngawlin um toh pahsun; um tohin,” ti hi.

NUNGZUITU 1:15

Ni dawmlaih ngei nungten thu umtute cu tawkdun khawmin, mihing za le sawm nih bang kim haw hi. Peter cu dingto in,

ROM Khua Khristian Tei Lakah Paul i Laikuat (Paul’s Letter to the Romans) 11:17

A cin haw mi olif kung i a kangkak khenkhatte cu talhin, hampa lak a po mi olif kung kangkak tuah peh haw hi. Noh Gentail mi cu hampa lak a pomi olif kung tuah bangve in, Judah tei hawvang lam nunnak le a thazaang haw co bok uh ci.

ROM Khua Khristian Tei Lakah Paul i Laikuat (Paul’s Letter to the Romans) 15:27

Mahtibang a bawl haw mi cu amu ngaihsut thiamnak hang hi. Thu khatah mi a bop haw cu amu dehvo hi bok hi. Judah miten Hawvang lam thupha a co haw mi khi Gentail mite a hoih haw bang bokin Gentail mite vangin neihcalam thupha a co haw mite, Judah mite bopnakah a hoih bok haw tukmi hi.

ROM Khua Khristian Tei Lakah Paul i Laikuat (Paul’s Letter to the Romans) 15:8

Ka hilh nuammi cu himi hihi: Judah tei ai-awhin Khrih cu umlawhin cang hi; mahmi cu Pathian in, a pupa tei lak pen a thutepmi kimtiknak tukin le Pathian cu muantak hi tih langtiknak hi.

ROM Khua Khristian Tei Lakah Paul i Laikuat (Paul’s Letter to the Romans) 9:24

Itahim titale ohte cu ama mihing a sammite hung hi; Judah tei sung pen sammi bek hi ngawlin Gentail tei sung pen sammite hung hi.

1 KORIN 1:2

Pathian mithiang hi tukin sammi le Jesuh Khrih tuah na pehzopnak uh hangin amata a himi, Korin khua a um Pathian i miphun thiangtho, a Topa uh le Jesuh Khrih a biatu mun dadang a umte hempoh tei lakah laikuat ing.

1 KORIN 10:17

Cangho lom khat hangin ohte a venghawng uhin, mi tampi hi nave hungin pumkhat suak hung hi. Itahim titale cangho lom khat kawmdunte hung hi.

1 KORIN 9:23

Hi thu hempoh hi Thuthangpha hangin ka bawlmi hi. A muicu vang midang tei co bok tukin ka deihmi hi.

2 KORIN 1:7

Mahti bang a hih hangin nangmuh tei humah muansannak ka neih uhmi cu lalthong awng ma hi. Itahim titale keimu thuaknak sungah a teltu na hih uh bangin bopnak ka co uhmi ah hei in teltu hi bok uh ci, tih thei ung hi.

2 KORIN 9:13

Hi na nadehnak uhin, a langciangtik hangin Khrih i Thuthang na pom uhte khohkhah zetin, na din theihnak uh hangin hihen, na bop uhmi le midangte tuah phal zetin, na neih uhmi na piak kawmnak uh hangin hihen mi tampi ten Pathian nelah lungdam thu hilh haw tuk hi.

EFESA 3:6

Mah a thu-ip cu hitih bangin hi. Thuthangpha a umnak hangin Gentail mite vang Judah mite tuah Pathian thupha cotu hileh bok haw zo hi; Pumkhat sungah a telmi hileh bok zo haw toh a, Khrih Jesuh i thawmin Pathian i thutiamnak sungah covo nei bok haw hi.

EFESA 4:1

Topa i nadehnak hangin thawngta mi keimah in; Pathian sapmi na hih uh bangin na nunnak uhah Pathian sammi na hihnak uh langtik un, tin so ing.

EFESA 4:4

Pathian in, a samnak sanbel a muansan uhmi cu pa khat a hih bangin pumpi pa khat um a, Hawvang pa khat um bok hi.

FILIPI 3:14

Mah hangin mailamah zuamman laksawng co tukin cam zetin tai li ing. Mahmi laksawng cu Pathian in Khrih Jesuh sung pen kumkhua nung tukin a samnak khi hi.

KOLOSE 1:12

Vaknak ngam sungah Pathian in, a mitei ca tukin a koihmi cu a cotu hi bok tukin a semsuahtu Pathian cu lungdamin thangphat un.

KOLOSE 1:22

Mahnaven atu-in, a Capa i taksa pum loli in thihnak a thuaknak i hangin, Pathian in, a ngualcamin bawl hi. Mahtin a bawlnak cu a mai ah mi thiangtho, sualnak nei ngawlin le sonbang ngawlin hentik a nuamnak hangin hi.

KOLOSE 3:12

Noh cu Pathian i mihingte hi uh ci. Nangmuh it zetin, ama ca in, a tenmite hi uh ci. Mah hangin hehpihnak, niamkhiatnak, thinnemnak le thinsaunakte cu puan bangin silh un.

1 THESALON 2:12

A Uknak le a sunloihnak kawm tukin a samtu Pathian lungdamtik tukin le nung thei tukin, catngawlin sosuah ung hi, nangmuh hehnemin thapia ung hi.

1 THESALON 5:27

A Topa uh i thupiaknakin hi laikuat hi a umtu Khristian hempoh tei lakah sial un tin so ing.

2 THESALON 1:11

Mah hangin nangmuh tei ca in catngawlin ka thungetnak hi. Pathian i sam nuam sanbelmi nunnak tuah a kaihin, na nun theihnak tuk uhin Pathian nelah ngen leleng ung hi. A huham i thawmin, na deih uhmi hempoh cu phatnak lamah kimtikin, na upnak uh hangin nadehnak uh cu amah in pitungtik tahen.

2 THESALON 2:14

Hiti bangte co tukin, Pathian in nangmuh tei lakah ka phuan uhmi Thuthangpha sung pen sam hi. Topa Jesuh Khrih sunloihnak a cotu hi bok tukin sammi hi uh ci.

1 TIMOTE 6:12

Upnak tai zuamnakah na tha neihtawp suah inna, na Pathian in nang a sam ten theihpihtu tampi tei mai ah na upnak phuang zo na hih hangin; kumkhua nunnak na neihmi lenkhim zetin hi.

1 TIMOTE 6:2

A to haw cu Khristian ahi tale sila ten, “Khristian a unau ten poh ung,” tin zawnsak haw pahsuh hen. A nadeh haw pha sesemin, a deh haw tuk saw mi hi. Itahim titale a nadeh haw mi nemcuamnak a cotu cu a ih haw mi thu umtute haw hi. Thu na hilh uhten hitih bangte hi hilh un hi.

2 TIMOTE 1:9

Pathian in ama mihing hi tukin samin, nunpan zo hi. Mahti bangin a nunpatnakah eimu bawl theihmi a um hang hi ngawlin, a hehpihnak le tumtahnak a neih hang hi saw hi. Hi a hehpihnak cu Khrih Jesuh lak pen hun a pat laih ngawlin pia zo hi.

2 TIMOTE 2:7

Hi bangin ka hilhmite hi phazet ngaisungin hi, itahim titale Topa in, a hilhmi thute theih theihnak pia tuk hi.

HEBRU 10:19

Mah hangin u le naute, Jesuh thisan i hangin Mun Thiangthobel tum theihnak luatnak cangkim nei zo hung hi.

HEBRU 10:21

Vanhum a Pathian i innpi cingkhawitu tukin thiampi cuangcung nei hung hi.

HEBRU 10:23

Muansannak nei hung tin, a langtik uhmi khi, khim zetin pom tuk hung; itahim titale a thutepnak a kimtiktu Pathian cu muantak hi.

HEBRU 13:22

U le naute aw, ka laikuat hi a sau leita ngawl poh hangin thapiaknak thu ka hilhmi hi thinsau zetin ngai un, tin ngen ing.

HEBRU 2:11

Mihing tei sualnak somciangin, a somciang sak mitei Pa cu pa khat hi. Mah hangin Jesuh in amuhte cu “ka unaupih” tin sam tukin zakca ma hi.

HEBRU 2:17

“Abraham casuante bawm hi,” tih hi saw hi. Mahti bang a hih hangin ihempoh ah unaupih bangbok kul hi. Mahtin a hihnak cu mihing ten sual ngaihdamnak a ngah theihnak tukin Pathian nadehnakah muantak le hehpihnak neitu Thiampi Sang hih theihnak tukin hi.

HEBRU 3:12

Thu umtu u le naute, a nungmi Pathian zamsan a nuamtu, lungmu pha ngawl le umngawltu na hih ngawlnak tukin ngalling un hi.

HEBRU 3:14

Itahim titale a pattungin, a co uhmi lungmuannak khi a tawpnak tian a lenkhim thei uh tale, a venghawng uhin Khrih i ngualcam hi tuk hung hi.

HEBRU 6:20

Mah munah Jesuh cu eimu masuanah eimu ai-awh tukin tum zo hi. Melkhizedek i thiampi ngui zui in, a kumkhua thiampi sangah cang zo hi.

HEBRU 7:26

Mahti bang a hih hangin Jesuh cu a kul uhmi a kimtik theitu Thiampi Sangbel hi. Amah cu a thiangthomi hi; sualnak nei ngawlmi le sonbang ngawlmi hi. Misual lak pen khenkhuaimi hi a, vanhumah cawi toh hi zo hi.

HEBRU 7:28

Moses daanah mi cangkim ngawlmi khi thiampi sangin bawl hi. Mahnaven Moses Daan nungten a hengmi thutiamnak tuah bawlmi Pathian thutiamnak cu kumkhua cangkimin, bawlmi a Capa khi Thiampi Sang in teng hi.

HEBRU 9:11

Mahnaven Khrih cu thilpha a um sami humah Thiampi Sang hi tukin hung zo hi. A nadehnak puanbuk cu ngeng saw in cangkim sih hi. Mihing tei bawlmi puanbuk hi kha ngawlin, hi leihum i bawlmi sungah tel kha ma hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

1 PETER 2:9

Mahnaven nohte cu tensa miphun, Kumpipa i thiampi, miphun thiangtho, Pathian i miphun hi uh ci. Khuathim sung pen thasiahhuai vaknak sungah a samtu Pathian in nalamdang a bawlmite tangau pih tukin a tenmi hi uh ci.

1 PETER 3:5

Ni dang laih a Pathian kihcatu numei ten Pathian nelah muansannak a neitu tei mawinak cu a pasal tei thu a ngaihnak haw khi hi.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

MANGMUHNAK 17:14

Amuh ten Tuuno do haw tuk hi, mahnaven Tuuno le a sammi, a tenmi le amah a muangtu ten neh haw tuk hi; itahim titale, Tuuno cu bawi hempoh lak pen bawibel, kumpi hempoh lak pen kumpibel na hi tin ti hi.

MANGMUHNAK 18:20

Maw vancung, Babilon siatnak hangin lungdamin! Pathian mite aw, tiikmi le profette lungdam thatui in um un. Itahim titale noh tei hum a, thil a bawlmi hangin Pathian lak pen dantatnak tawk zo hi.