HEBRU 2:2 - Ngawm Bible

² Vanmi ten a pu le pa tei lakah a piakmi haw mi thu khi man hi tih langtikin, mah thuhilh a ngai ngawltu le a zui ngawltu cu dantat tak a hih haw bangin bawlsiatnak thuak haw hi.

HEBRU 2:2 Iomraidhean Croise

SAAM LABU 68:17

A cak zetmi cipuh leeng thawng tampi tuah Topa cu Sinai Mual pen mun thiangtho ah hung hi.

MIPUM SIALNAK 11:33

Mah vaniim cik a bo laih ngawlin le eih tuk tampi a neih haw laihin, mipi humah Topa cu a thinukin, a lak hawah pulhnat hengtik hi.

MIPUM SIALNAK 16:49

Korah ngal hangin a thi mi sial ngawlin, hi zavaat nat hangin mihing thawng sawm le thawng li le za salih thi haw hi.

MIPUM SIALNAK 21:6

Topa in ngu nei ngulte a lak hawah, hengtikin, Israel mi tampi cik hum hi.

MIPUM SIALNAK 25:9

Mahnaven Israel mi thawng sawm nih le thawng li natsia in thi man zo haw hi.

NUNGZUITU 7:53

Vancung mitei kenmi Pathian i daan cotu cu nangmuhte hi uh ci; mahnaven mah daan a zui ngawltu cu nangmuh leleng hi uh ci,” tin Stefen in ti hi.

GALATI 3:19

Mahti bang ahi tale Daan i tuptahmi ngangai cu i kam ni? Sualnak tihmi hi ihim tih langtiknak tukin hi a, Abraham casuan lakah tepsami a hih bangin Abraham casuan i hen tian nung leleng tukin piakmi hi. Daan cu vancungmi ten mihing tei lakah piakmi hi a, vancungmi le mihing tei laklawhah palai pa khat um hi.

DAAN PIAKLEHNAK 17:12

Mah thu soncattu thiampi hihen, ahimata thukhentu hihen, a thu na ngai uh ahimata a ngai ngawltu cu thah hi tuk hi, mahten Israel mi sung a, thilpha ngawlte cu botik un hi.

DAAN PIAKLEHNAK 17:2

“Tehkipnakin, na khuasung uhah numei hihen, pano hihen, Topa i thupiakmi zui ngawlin,

DAAN PIAKLEHNAK 17:5

a bawltu cu khuahialah suah unna, suang tuah sep hum un hi.

DAAN PIAKLEHNAK 27:26

‘Pathian i piakmi daan le thukham a zui khawng ngawltu cu Pathian i tamsiatnak thuak hen! a tih ten, mipi in, ‘Amen,’ ti haw tuk hi.’

DAAN PIAKLEHNAK 32:2

Ka thu zilhmi cu van nguah bangin zuu hen, Leihumah daita bang hi tuk hi. Ka awn cu thingkung dawnno humah nguahsial bangin cak tuk hi. Nguah nemno bangin hampa dawnno tei humah zuu tuk hi.

HEBRU 1:1

Tanglaihin Pathian in, a pu le pa tei lakah profette mangin vei tampi in thuhilh hi.

HEBRU 10:28

Moses Daan thu a zui ngawltu cu tetti pa nih pa thum ten sual hi tin, a soncat haw tale hehpihnak um ngawlin thah co haw hi.

HEBRU 10:35

Mah hangin thinkham pahsuh unna, ngalphatnak na neih uhmi paitik pahsuh un, laksawng ngengpi ngah tuk uh ci.

HEBRU 11:26

Khrih ca in nautatnak thuak cu Izipt ngamsung a hauhnak hempoh sangin mannei saw, tin ngaisung hi. Itahim titale a muibatmi cu mailam ten a ngah tukmi laksawng hi.

HEBRU 11:6

Upnak ngawl tuah kuamah in Pathian lungdamtik theih ma hi, itahim titale Pathian a zuantu in Pathian um hi, tih le amah a zeitu tei lakah laksawng pia hi tih a up haw kul hi.

HEBRU 12:25

Mah hangin nangmu lakah thu a hilhtu i thu el tuk ngawlin ngalling un. Pathian Thuthang lei humah a hilh haw mi a eltu hei khi luat haw ma hi. Vancung pen a hilhtu i thu a ngai uh ma tale itih zahin kaw a luat ngawl sesem tuk uh!

2 PETER 1:19

Mah hangin profet tei hilhmi thuthang humah upkhonak nei dedeuh ing. Nangmuhte vang mah thu cu thupizet hi tin na ngaisung thei uh tale pha hi, itahim titale mah thu cu Khrih ngilnak na lungmu sung uhah nikonghong aksi vak bangin a vak laklawh tian khuathim sung a vakmi mei inn bang hi.

JUDE 1:5

Na theihsa zo uhmi hi. Topa in Israel mite Izipt ngam pen doksuakin, a dawllam ten a um ngawltute cu siatnakah hengtik hi, tih hi na theih tukin deih ing.