HEBRU 2:14 - Ngawm Bible

¹⁴ Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

HEBRU 2:14 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

ISAIAH 25:8

Cungnungbel Topa in, thihnak cu kumkhua in paitik tuk hi. Mi hempoh tei mit hitui hu tuk a, leihum khua hempoh ah a mitei thuakmi mualpho zahcaknak cu la in botik tuk hi. Topa amah in hilh zo toh hi.

ISAIAH 53:12

Mah hangin amah cu upatnak mun pia tung a, mihau le mi ngil tei lakah koih tung hi. Lungkim zetin, a nunnak a piak hangin mipha ngawl tei lakah sialcih hi zo. Misual tei sualman thuakin, a sual haw ngaihdam ngetsak hi,” tin ti hi.

ISAIAH 7:14

Mah hangin Topa amah loli in, lak hamnak pia tuk hi. Khanglaino pa khatin, naupai in, capa hing tuk hi; a min cu Immanuel tin sam haw tuk hi.

HOSEA 13:14

Hite cu mithi khua pen kaisuah tuk mang. Thihnak i khut sung pen vang doksuah tuk mang. Aw, nang, thihnak na pulhnat cu kengin! Aw, nang, mithi khua na mi siatsuah theihnak tuah hungin! Hi tei humah hehpihnak ituk mah ten nei thei tukma toh ing.

MATTHAI 16:17

Jesuh in, “Bar Jonah i capa Simon mi bawngpha hi ci: Itahim titale hi thuman hi mihing lak pen na ngahmi hi ngawlin vancung a um ka Pa i theihtikmi hi.

MATTHAI 25:41

“Mahten a veilamah a um tei lakah, ‘Noh Pathian i tamsiat mite ka lak pen tai un. Satan le a zuitu tei ca in bawlsa, a mit awng ngawl meipi sungah hawhta un.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 12:24

Thutak hilh ing; leisung a, cinmi anci cu a muat masa ma tale amah cu cang khat bekno leng tuk hi. A thih hihta ceng ten anci dang tampi piangtik thei hi.

ROM Khua Khristian Tei Lakah Paul i Laikuat (Paul’s Letter to the Romans) 14:9

Itahim titale a nungmi le a thi mitei Topa hi tukin Khrih cu thi in nungleh zo hi.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

1 KORIN 1:28

Leihum miten thupi zetin, a ngaihsut haw mi siatsuah tukin leihum mitei zotsak le nautatmi, imah simsial ngawlmite Pathian in teng him hi.

1 KORIN 15:50

U le naute aw, ka hilhmi cu hi tin hi. Thi le sa tuah bawlmi ten Pathian Uknak cu co thei haw tukma hi. A thi theimi in, a thi thei ngawlmi cu luah thei tukma hi.

GALATI 4:4

Mahnaven hun thiahmi a hen hun ten Pathian in, a Capa hah hi. Numei sung pen hingin Judah tei Daan nuai ah nung hi.

KOLOSE 2:15

Mahten hawvang uktu tei huham cu thinglamteh pen siatsuah khawng a, ngalmatmi sal bangin pui khawng hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

2 TIMOTE 1:10

Mahnaven pantu Topa Khrih Jesuh a hunsuk hangin atu-in eimu lakah langtik hi. Thihnak hi ngu cu botikin, Thuthangpha sungah kumkhua nunnak ngahtik zo hi.

HEBRU 10:10

Itahim titale Pathian i dehtik a nuammi cu Khrih in, a bawl khawng hangin ama pumpi kumkhua phatmi a piaknak hangin ohte a sualnak uh pen thiangtik hi.

HEBRU 10:5

Mahti bang a hih hangin lei humah Khrih a hunsuk ten Pathian nelah, biakpiaknak le piaknak cu na deihmi kha ma hi; mahnaven keima ca in taksa pum tuangtim sak zo ci.

HEBRU 2:17

“Abraham casuante bawm hi,” tih hi saw hi. Mahti bang a hih hangin ihempoh ah unaupih bangbok kul hi. Mahtin a hihnak cu mihing ten sual ngaihdamnak a ngah theihnak tukin Pathian nadehnakah muantak le hehpihnak neitu Thiampi Sang hih theihnak tukin hi.

HEBRU 2:18

Amah loli in sualsohnak le haksatnak thuak zo a hih hangin atu-in, sualsoh a thuakmite bawm thei hi.

HEBRU 4:15

Ohtei Thiampi Sang cu a nawmtamnak uh theihpih ngawltu Thiampi Sang kha ma hi, Eimuh bangin sualsohnak a phunkim a tawkmi pa bok hi. Mahnaven amah cu sual ma hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

1 PETER 1:20

Amah cu leipi semsuah laih ngawlin Pathian i tensami hi, atu nangmu ca tukin ni dawlbel hun a, Pathian i langtikmi hi.

MANGMUHNAK 1:18

A nungmi hei hi ing. Thi zo na vengin atu-in kum zangza ca in nungleh zo ing. Thihnak le mithi khua ah thuneitu ing hi.

MANGMUHNAK 12:9

Ngulpi ngengpi, tanglaih ngulpi, Dawi ahimata Satan tin sammi, lei buppi zoltu cu van pen vawksukin um zo a, a vancungmite vang amah tuah um haw hi.

MANGMUHNAK 2:10

Na thuak tukmi haksatnak cu lau pahsun, Satan in mi khenkhat thawngah khiak tianin teh tuk hi. Ni sawm sung haksat thuak tuk ci. Thihnak tian thuak tuk ahi hei in, muantakin um unna, na neh man uh nunnak sui lukhuh pia tung hi.

MANGMUHNAK 20:2

Mah vancungmi in tanglaih a ngulpi, Dawi mangpa a himata Satan cu manin, thik taicin khau tuah khih a, taw nei ngawl khukpi sungah kum thawng khat sung khia hi.